Auglýsing um skipulagslýsingu vegna tillögu að breytingu á Aðalskipulagi Kjósarhrepps 2017-2029
Kjósarhreppur auglýsir skv. 1. mgr. 30. gr. skipulagslaga nr. 123/2010.
Auglýsing um skipulagslýsingu vegna tillögu að breytingu á Aðalskipulagi Kjósarhrepps 2017-2029
Gerð hefur verið svokölluð skipulagslýsing vegna fyrirhugaðrar breytingar á aðalskipulagi Kjósarhrepps 2017-2029 . Á fundi sveitarstjórnar Kjósarhrepps þann 7. mars 2022 var samþykkt að kynna skipulagslýsinguna í samræmi við 1. mgr. 30. gr. skipulagslaga nr. 123/2010.
Um er að ræða breytingu á landnotkun á hluta frístundabyggðar Möðruvalla 1, þar sem breyta á hluta frístundabyggðar F15c í íbúðarbyggð. Fyrirhuguð íbúðarbyggð nær til lóða Brekkna 1, 2 og 8 ásamt aðkomuveg að lóðunum. Auk þess á að breyta afmörkun iðnaðarsvæðis I2 í landi Möðruvalla 1. Um er að ræða leiðréttingu á afmörkun iðnaðarsvæðis, til samræmis við samþykkt deiliskipulag athafnasvæðis í landi Möðruvalla (Landlínur ehf, 2016), sem nær að mörkum frístundabyggðar F15c.
Skipulagslýsingin verður til sýnis í anddyri hreppsskrifstofu Kjósarhrepps í Ásgarði frá og með fimmtudeginum 10. mars 2022 til og með 31. mars 2022. Skipulagslýsingin verður jafnframt birt á heimasíðu Kjósarhrepps, www.kjos.is.
Athugasemdir eða ábendingar vegna skipulagslýsingarinnar skulu vera skriflegar og berast skipulagsfulltrúa í síðasta lagi 1. apríl 2022. Póstlagðar athugasemdir berist á skrifstofu Kjósarhrepps að Ásgarði Kjós, 276 Mosfellsbæ, eða með tölvupósti á netfangið skipulag@kjos.is
Kjósarhreppur 9.3. 2022
Skipulagsfulltrúi Kjósarhrepps