Sveitarstjórn

Skólabifreiðar

Tilkynning um áhrif reglugerðar um skoðun ökutækja

Þann 1. maí sl. tók gildi reglugerð nr. 414/2021 um skoðun ökutækja, sem ætlað er að stuðla að auknu umferðaröryggi. Ákveðin atriði reglugerðarinnar koma þó ekki til framkvæmda fyrr en 1. janúar 2022.

Ýmis nýmæli og breytingar koma fram með reglugerðinni. Sum atriði eiga erindi við alla eigendur og umráðamenn ökutækja en jafnframt eru önnur sem snúa að tilteknum gerðum ökutækja. Með reglugerðinni eru kröfur og heimildir uppfærðar samkvæmt tilskipun Evrópusambandsins.

Breytingar sem snúa sérstaklega að skólabifreiðum eru eftirfarandi:

Ný skoðunartíðni ökutækja í notkunarflokknum "skólabifreið"
Ökutæki sem skráð eru í notkunarflokkinn skólabifreið frá og með 1. janúar 2022 fá nýja skoðunartíðni. Þau ökutæki þurfa nú að fara árlega í reglubundna skoðun (skoðunartíðnin 1-1-1-1...) en áður þurfti að færa þau fyrst til skoðunar innan fjögurra ára frá skráningu, að frátöldu skráningarári, á 24 mánaða fresti næstu tvö skipti og árlega upp frá því (4-2-2-1...).

Samanber 6. grein - 1. málsgrein c-liður

Skoðunarskylda við breytingu á notkunarflokki
Ef ökutæki er fært í nýjan notkunarflokk sem hefur rýmri skoðunartíðni en sá sem ökutækið var áður í, t.d. þegar ökutæki er fært úr notkunarflokki skólabifreið í almenna notkun, þarf að færa ökutækið til skoðunar áður en breyting á notkunarflokki getur átt sér stað, þ.e. hafi það ekki þegar verið fært til skoðunar (reglubundinnar skoðunar, skráningarskoðunar, samanburðarskoðunar eða fulltrúaskoðunar) á því ári.

Samanber 6. grein - 3. málsgrein

Aðgengilega samantekt á helstu breytingum og nýmælum reglugerðarinnar má finna á sérstakri vefsíðu Samgöngustofu


Með kveðju,

Samgöngustofa

Samkvæmt skipulagslögum skal aðalskipulag unnið á stafrænu formi