Sveitarstjórn

Fulltrúar Kjósarhrepps hafa óskað eftir því við Vegagerðina að sett verði upp veðurstöð við Tíðaskarð í Hvalfirði en á þessum stað gera oft varasöm veður sem geta skapað hættu fyrir íbúa hreppsins sem og vegfarendur.

Heiðraða Hreppsnefnd.

Óska eftir að eftir farandi erindi verði tekið til efnislegrar meðferðar og afgreiðslu í Hreppsnefnd Kjósarhrepps:

Ég undirritaður, Finnur Pétursson, f.h. Káraness ehf, óska eftir því að Hreppsnefnd Kjósarhrepps banni lausagöngu búfjár í sveitarfélaginu í samræmi við 7. og 8. málslið 3. gr. Laga um búfjárhald nr. 38, og/eða 5. gr sömu laga.

Efni: Girðingar á vegum opinberra aðila.
Skipaður hefur verið starfshópur á vegum allra ráðuneyta ríkisstjórnarinnar með það markmið að móta samstarf helstu aðila sem hagsmuna hafa að gæta varðandi umbætur og hagræðingu vegna girðinga og hvernig þetta samstarf verði best unnið á svæðisvísu.

Deiliskipulag frístundabyggðar við Sandsá, Eyjar II.
Lögð fram breytt tillaga að áður auglýstu deiliskipulagi samkvæmt 1. mgr. 42. gr. Skipulagslaga.

Afgreiðsla: Nefndin leggur til við hreppsnefnd að samþykkja breytta tillögu þar sem helgunarsvæði vegna hitaveitulagnar verði amk 6 metrar.
Tillagan er óbreytt í grundvallaratriðum og þarfnast ekki auglýsingar samanber 4. mgr. 41. gr.

Breyting á deiliskipulagi Háls.
Deiliskipulagsbreytingin felur annarsvegar í sér breytingar á lóðarmörkum þriggja lóða. Breytingar eru gerðar á lóðamörkum lóða nr. 7, 11 og 13. Deiliskipulagsbreytingin felur einnig í sér að byggingarreitum á lóð númer 9 við Hálsenda fjölgar frá einum í tvo. Þar með verður heimilt að reisa tvö frístundahús á lóðinni. Engar breytingar eru gerðar á öðrum skipulags- og byggingarskilmálum.

Afgreiðsla: Nefndin leggur til að hreppsnefnd samþykki deiliskipulagstillöguna í samræmi við
3. mgr. 44. gr. Skipulagslaga.

Umsókn um stofnun landsspildna - Bær, L125953
Umsókn um stofnun 8 landsspildna úr jörðinni Bær.

Afgreiðsla: Samþykkt.

Eyrarkot - Skipulagslýsing - Breyting á aðalskipulagi.
Lögð fram skipulagslýsing 22.09.2020 á breytingu á Aðalskipulagi Kjósarhrepps 2017-2029 á landnotkun í landi Eyrarkots.

Afgreiðsla: Nefndin leggur til að Hreppsnefnd láti auglýsa skipulagslýsinguna skv. 3. mgr. 40. gr. Skipulagslaga nr. 123/2010 og hún send til umsagnar Skipulagsstofnunar og viðeigandi umsagnaraðila.

Breyting á deiliskipulagi Hvamms og Hvammsvíkur - Beiðni um undanþágu.
Lagt fram bréf skipulagsfulltrúa Kjósarhrepps 24. ágúst 2020 til Umhverfisráðuneytisins, þar sem óskað er eftir undanþágu frá grein 5.3.2.14. gr. skipulagsreglugerðar nr. 90/2013 varðandi fjarlægð byggingarreits frá sjó. Í samræmi við 12. mgr. 45 gr. skipulagslaga nr. 123/2010 óskar ráðuneytið eftir umsögn Skipulagsstofnunar og Kjósarhrepps um beiðnina og að hún berist eigi síðar en 29. september nk.

Afgreiðsla: Nefndin er meðvituð um að byggingarreitur og athafnasvæði fyrirhugaðra framkvæmda í Hvammsvík eru innan 50 metra frá sjávarmáli. Undanþágu er því þörf frá umhverfisráðuneytinu. Því er bréf skipulagsfulltrúa í samræmi við ákvörðun nefndarinnar og deiliskipulagstillögunnar. Nefndin leggur til við hreppsnefnd að afgreiða erindið með jákvæðum hætti.

Viðbót við dagskrá- óskað eftir samþykki hreppsnefndar við þessari viðbót í dagskrá við settningu fundar á morgun.

Um hlutverk og tilgang ungmennaráða sveitarfélaga frá umboðsmanni barna.

Niðurstöður könnunar á stafrænni stöðu sveitarfélaga 2020