Sveitarstjórn

Kjósarhreppur

Árið 2016, 7. júlí, kom hreppsnefnd Kjósarhrepps saman til fundar í Ásgarði kl. 13:00.                                                                                                                                                    Eftirtaldir sátu fundinn: Guðmundur Davíðssson(GD),  Guðný G Ívarsdóttir(GGÍ), Sigurður Ásgeirsson(SÁ) Þórarinn Jónsson(ÞJ)  og  Sigríður K. Árnadóttir(SKÁ).

Mál sem tekin voru fyrir:  

1.      Fundargerðir nefnda.

a.      Markaðs, atvinnu- og menningarmálanefndar frá 4. júlí.

Afgreiðsla: Fundargerðin samþykkt.

 

b.      Skipulags- og byggingarnefnd frá 6. júlí

Byggingarnefnd

Afgreiðsla: Lögð fram.                                                                                          Sk ipulagsnefnd

Tekin er til endanlegrar afgreiðslu aðalskipulagsbreyting á 14,3 ha og deiliskipulagstillaga á svæðum (A2 og A3)  vegna hitaveituframkvæmda í landi Möðruvalla 1 samkvæmt 2.málsgr.32.gr. skipulagslaga nr. 123/2010.

Deiliskipulagstillagan gerir ráð fyrir  einni lóð með tveimur byggingareitum (A2 og A3)  fyrir athafnastarfsemi í landi Möðruvalla. Starfsemin tengist tveim borholum með heitt vatn. Á athafnasvæði A2 er gert ráð fyrir borholuhúsi, gasskilju í sívölum stáltank og allt að 100 m2 dælu- og aðstöðuhúsi. Á athafnasvæði A3 verður einungis gert ráð fyrir borholuhúsi. Aðkoma er frá Meðalfellsvegi.                                                                                                                                  

Afgreiðsla: Engar athugasemdir bárust á umsagnartímanum og samþykkir hreppsnefnd að senda aðalskipulagsbreytinguna til Skipulagsstofnunar samkvæmt 3.málsgr.32.gr. skipulagslaga nr. 123/2010 til athugunar og að fela skipulagsfulltrúa að óska eftir heimild Skipulagsstofnunar til að auglýsa deiliskipulagstillöguna í B-deild stjórnartíðinda samkvæmt 3.málsgr.41.gr. skipulagslaga nr. 123/2010  .

             

2.      Bréf frá Náttúruverndarsamtökum Íslands og Umhverfisvaktinni við Hvalfjörð vegna náttúruperlanna Búðarsands og Maríuhafnar í Hvalfirði.

Afgreiðsla: Lagt fram og sveitarstjóra falið að svara bréfinu.

 

3.      Önnur mál.

a.      Lagður er fram undirritaður leigusamningur Kjósarhrepps við Kjósarveitur ehf.  vegna útihúsa á Möðruvöllun 1.

Næsti fundur verður 8. september.

Fundi slitið kl 14:20   GGÍ