Sveitarstjórn
Ár 2010, 8. apríl er fundur í hreppsnefnd Kjósarhrepps, haldinn í Ásgarði
kl. 10:00
Mæting; Sigurbjörn Hjaltason, Pétur Blöndal Gíslason, Guðmundur Davíðsson,
Hermann Ingólfsson og Guðný G. Ívarsdóttir
1. Fundagerðir nefnda.
a. Skipulags- og byggingarnefndar frá 15. mars 2010
Afgreiðsla: Málefni Byggingarnefndar:Liður 1 er samþykktur. Liður 2, erindi Haralds Ingvarssonar um leyfi til að hækka hús um 70 cm umfram heimild í deiliskipulagi er hafnað.
Málefni Skipulagsnefndar:Liður 1 er samþykktur. Liður 2, erindi Jónu Thors og Magnúsar Bergmanns um íbúðarhúsalóðir í landi Eyrar afgreiðist þannig: Hreppsnefnd tekur hvorki jákvætt né neikvætt í erindið þar sem til að hægt sé að taka afstöðu til þess þarf til breytingu á aðalskipulagi Kjósarhrepps. Endurskoðun aðalskipulags er ekki á dagskrá fyrr en síðar á árinu.
b. Samgöngu- og orkunefndar frá 15.mars 2010
Afgreiðsla:Lögð fram
c. Umhverfis og ferðamálanefndar frá 23. mars 2010
Afgreiðsla: Lögð fram. Lið 5 vísað til nefndarinnar til úrvinnslu.
d. Ritnefndar Kjósarhrepps frá 25. mars 2010
Afgreiðsla: Lögð fram
- Ársreikningur Kjósarhrepps 2009, fyrri umræða
Afgreiðsla; Vísað til endurskoðunar og síðari umræðu.
- Harðbali, lóðamörk
Oddviti upplýsti að Landlínur ehf í Borgarnesi hefði verið fengið til að hnitsetja lóðamörk í Harðbalahverfi.
Slík útsetning hefur ekki verið gerð áður og komið hefur í ljós að þau lóðarmörk sem stuðst hefur verið við eru ekki að öllu leiti í samræmi við útsetningu Landlína ehf. Jafnframt að vegir sem liggja áttu á lóðamörkum gera það ekki. Lóðarhöfum hefur verið sent bréf þar sem óskað er eftir athugasemdum við útsetninguna ef einhverjar eru.
Afgreiðsla: Lagt fram
4. Eignir Kjósarhrepps hjá Mosfellsbæ og aukið samstarf
Oddviti greindi frá að viðbrögð hefði borist frá bæjaryfirvöldum vegna erindis hreppsnefndar sem samþykkt var á síðasta fundi. Mosfellsbær hefur óskað eftir gögnum sem vitnað er til í erindinu og fundur verður um málið 9. apríl
Afgreiðsla: Lagt fram
5. Bókasafnið.
Grisjun safnsins er nú lokið. Óskar oddviti eftir samþykki hreppsnefndar um að hefja sölu bóka á þeim tíma og á því verði sem Menningarmálanefnd mun leggja til á fundi sínum síðar í dag.
Afgreiðsla: Samþykkt
6. Svæðið umhverfis Kjósarrétt-Möðruvallarrétt.
Borist hefur svar frá eigendum Möðruvalla 2 við fyrirspurn hreppsyfirvalda varðandi svæðið umhverfis Kjósarrétt. Í svarinu fellst að óskað er eftir tilboði og drögum að leigusamningi.
Afgreiðsla: Oddvita falið að vinna málið áfram í samræmi við umræðu fundarins.
7. Hlið á Svínadalsveg.
Lagt fram erindi frá fulltrúa í stjórn sumarhúsafélagsins í Norðurnesi þar sem óskað er eftir afstöðu til að setja hlið á veginn um Svínaskarð. Í erindinu kemur fram t.t. útfærsla sem takmarkar umferð en tryggir jafnframt lögmæta umferð.
Afgreiðsla: Hreppsnefnd er mótfallin því að heimila lokun á fornri þjóðleið.
8. Önnur mál