Skipulags- umhverfis og samgöngunefnd

Tekið fyrir afgreiðslubréf Skipulagsstofnunar dagsett 16. maí 2024. Í því bréfi kemur fram að Skipulagsstofnun gerir athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda vegna formgalla. Fyrir liggja leiðrétta skipulagsgögn þar sem búið er að minnka umfang breytingarinnar frá áður auglýstri tillögu. Eftirfarandi breytingar hafa verið gerðar á tillögunni:

1.Skilgreindur er 150 m2 byggingarreitur við bátaskýli þar sem heimilt verður að stækka bátaskýlið um allt að 100 m2. Við hæð, lita- og efnisval skal þess gætt að bygging falli vel að umhverfinu sem og að útliti sem einkennir svæðið í heild sinni.

2.Tveir nyrstu byggingarreitirnir eru færðir norðar upp í brekkuna til þess að bæta útsýni.

3.Byggingarreitur fyrir þjónustumiðstöð er færður suður fyrir þjónustuaðkomu/bílastæði og bílastæðum við þjónustuaðkomu er hnikað til.

4.Staðsetningu byggingarreita norðan við bæjarstæði Hvamms er breytt, þannig að allir byggingarreitir eru neðan vegar. Skilmálum er breytt á þann veg að á þessu svæði er heimilað að reisa 75 m2 hús að grunnfleti í stað 100 m2.

Lögð er fram tillaga Péturs H. Jónssonar að nýju deiliskipulagi á lóðinni Sandslundi 17 L215924.

Um er að ræða deiliskipulag fyrir svæði sem skilgreint er sem frístundabyggð í gildandi Aðalskipulagi Kjósahrepps 2017-2029. Skipulagssvæðið er um þrír ha að stærð. Í deiliskipulaginu er gert ráð fyrir 6 frístundalóðum, hver lóð 4.615 m2 að stærð.

Landið er flatlent tún og aðkoman að lóðunum frá Flekkudalsvegi (4834) og um lóðina Sandstanga L237218.

Lögð er fram tillaga að breytingu á gildandi deiliskipulagi unnin af Eflu verkfræðistofu fyrir hönd eigenda. Deiliskipulagið er í landi Flekkudals og ber yfirheitið ,,Deiliskipulag frístundabyggðar og íbúðarlóðar við Meðalfellsvatn''.

Tillagan felur í sér stækkun á skipulagssvæði um 2,6 ha. Fjórum nýjum frístundalóðum er bætt við sunnan við Vatnsbakkaveg, Vatnsbakkavegur 14-17. Lega Vatnsbakkavegar breytist með tilkomu nýrra lóða og aðkomu að lóðunum. Lega göngustíga breytist vegna breyttrar legu Vatnsbakkavegar. Einnig eru leiksvæði felld út vegna þessara breytinga.

Byggingarskilmálar breytast að því leiti að mænisstefna og þakhalli er frjáls innan lóða Vatnsbakkavegar 14-17 en gæta skal innbyrðis samræmis bygginga á skipulagssvæði. Að öðru leiti haldast skilmálar óbreyttir.

Lögð er fram fyrirspurn Sigurðar Stefáns Kristjánssonar um að gerð verði breyting á gildandi deiliskipulagi í landi Eyja 2 í Kjósarhreppi sem ber yfirheitið ,,Deiliskipulag frístundabyggðar við Sandsá''.

Breytingin snýr að því að heimilt yrði að reisa hús með einhalla þaki þar sem þakhalli yrði 7 °. Í gildandi skilmálum kemur fram að þakhalli skuli vera á bilinu 20-45° og æskilegt þakform sé hefðbundið mænisþak.

Lögð er fram umsókn Díönu Þorsteinsdóttur um byggingarheimild fyrir 39,7 m2 gestahúsi á íbúðarhúsalóðinni Standgili, L233894.

Á lóðinni er einbýlishús, 217,9 m2 að stærð. Heildarbyggingarmagn á lóð er því 257,6 m2.

Stærð lóðarinnar er 5589 m2 og nýtingarhlutfall því 0,04.

Samkvæmt 2.3.9. gr. í gildandi Aðalskipulagi Kjósarhrepps 2017-2029 má nýtingarhlutfall á stökum íbúðarhúsalóðum vera 0,05.

Lögð er fram bókun stjórnar Samtaka heilbrigðiseftirlita á Vesturlandi frá 8. nóvember 2023, þar sem tekin skýra afstöðu gegn því að starfsemi heilbrigðiseftirlits verði færð til ríkisins.

Lögð er fram verklýsing yfir þær breytingar sem boðaðar eru á Aðalskipulagi Reykjavíkur 2040 varðandi skilgreiningu nærþjónustukjarna á lóðinni Einarsnesi 36 í Skerjafirði (ÍB7).

Skipulags- umhverfis og samgöngunefnd gerir ekki athugasemd við boðaðar breytingar.

Skýrsla lögð fram til kynningar.

Drög að samþykkt um vatnsvernd á Vesturlandi lögð fram.

Innleiðing á loftlagsstefnu höfuðborgarsvæðisins lögð fram til kynningar.

Erindi barst byggingarfulltrúa frá Heilbrigðiseftirliti Vesturlands hvað varðar safnhaug á vatnsbakka við Meðalfellsvatn.

Fulltrúi frá Heilbrigðiseftirliti Vesturlands sem og byggingarfulltrúi Kjósarhrepps hafa farið fram á því að efnið verði fjarlægt en ekki hefur verið brugðist við því.

Eiganda hefur verið gefinn frestur til 3.júlí næstkomandi.