Skipulags- og byggingarnefnd

Tillaga að deiliskipulagi Hvítaness hefur hlotið afgreiðslu í samræmi 41. og 42. gr. skipulagslaga nr. 123/2010.

Gögn málsins hafa verið send Skipulagsstofnun til yfirferðar í samræmi við 42. gr. skipulagslaga, áður en tillagan geti tekið gildi með birtingu auglýsingar í B-deild stjórnartíðinda.

Svarbréf, dags. 12.08.2022, barst frá Skipulagsstofnun, þar sem fram koma nokkrar athugasemdir. Brugðist hefur verið við þeim.

Deiliskipulag Sandslundar, sem samþykkt var á fundi sveitarstjórnar 5. júlí 2022, verður auglýst til gildistöku gildistöku í B- deild Stjórnartíðinda 12. september 2022.

Við gildistöku þessa nýja deiliskipulags fellur úr gildi deiliskipulag svæðisins frá 2005.

Tillaga að nýju deiliskipulagi í landi Flekkudals, fyrir lóðirnar Flekkudalur 1, 3 og 5, hefur verið auglýst skv. 41 gr. skipulagslaga nr. 123/2010. Frestur til að skila inn athugasemdum var til og með 19. ágúst 2022. Engar athugasemdir bárust.

Breyting á aðalskipulagi Kjósarhrepps 2017-2029 og tillaga að breytingu á deiliskipulagi frístundabyggðar Brekkna, Möðruvelli 1, hefur verið auglýst skv. 31. gr. og 41 gr. Skipulagslaga nr. 123/2010.
Engar athugasemdir bárust. Umsagnir bárust frá Umhverfisstofnun, Minjastofnun, Náttúrufræðistofnun og Vegagerðinni, sem minnir á að sýna veghelgunarsvæði á uppdráttum.

VA arkitektar, fyrir hönd landeiganda, óska eftir að breyta deiliskipulagi Stapagljúfurs. Minni lóðin sem áður var 0,45 ha, yrði 0,52 ha. Byggingarreiturinn stækkaður og íbúðarhúsið er fært til innan hans. Stærri lóðin sem áður var 7,36 ha yrði 7,29 ha. Að öðru leiti gilda skilmálar deiliskipulags sem í gildi er.

Sótt er um að skipta Syllu upp í tvær lóðir og einnig Lindabrekku í tvær lóðir, svo úr verði samtals fjórar jafn stórar lóðir 3.784,6 fermetrar hver lóð.

Sótt er um færslu á byggingarreit fyrir lóðina Langimelur 19, L2322920.

Sótt er um að skráningu á stærð lóðarinnar Flekkudalur sumarhús, L126039 verði breytt skv. meðfylgjandi gögnum. Í dag er lóðin skráð 5.900 m² hjá Þjóðskrá Íslands.

Fyrirspurn varðandi breytingu á deiliskipulagi, þannig að lóðirnar Norðurnes 89, L226597 og Norðurnes 91, L219636, verði sameinaðar í eina, þar sem einungis er fyrirhugað að byggja eitt sumarhús.

Sótt er um að leiðrétta lóðarstærð eða stofna viðbótina í samræmi við hjálögð gögn.
Lóðarstærð er í þjóðskrá skráð 600 m², en samkvæmt þinglýstu afsali, hefur verið gert samkomulag um stækkun lóðarinnar í 2.502 m² í samræmi við meðfylgjandi hnitsettann uppdrátt.

Sótt er að stofnaðar verði þrjár íbúðarhúsalóðir í samræmi við meðfylgjandi uppdrátt, en lóðirnar verða allar 0,5 hektarar eða stærri. Samkvæmt aðalskipulagi fyrir Kjósarhrepps er heimilt að stofna íbúðarhúsalóðir á landbúnaðarlandi án deiliskipulags og er sérstaklega tekið fram að lóðirnar séu þá í nálægt við þá uppbyggingu sem farið hefur fram í nálægð á innviðum, vegum, veitulögnum o.s.frv. Samkvæmt aðalskipulagi má gera ráð fyrir 8 íbúðarhúsalóðum á svæðinu að hámarki en í samræmi við umsókn þessa verða þær fjórar.

Óskað er eftir að umsókn um byggingarleyfi/byggingarheimild fyrir um 60,5 m² frístundahús, mhl 01, skv. aðaluppdráttum dags. 05.04.2022, sé tekin aftur á dagskrá skipulags- og byggingarnefndar. Umrædd lóð er á svæði fyrir frístundabyggð.

Umsókn um byggingarleyfi/byggingarheimild fyrir 182,8 m² frístundahúsi, mhl 01, skv. aðaluppdráttum dags. 25.04.2022.

Óskað er eftir heimild til að reisa 97 m² heilsárshús á lóð nr. 7 og 5b sem eru í raun ein lóð.

Umsókn um byggingarleyfi/byggingarheimild fyrir 35 m² frístundahúsi, mhl 01, skv. aðaluppdráttum dags. 08.08.2022, asmt umsókn um niðurrif á sumarhúsi sem fyrir er (mhl.01).

Borist hefur ábending um framkvæmdir á lóðinni Hjarðarholtsvegur 4 L126316. Um er að ræða leyfisskilda framkvæmd/mannvirki, sem stendur alveg við Hjarðarholtsveg.

Á lóðinni eru sumarbústaður (mhl 01) sem er 149,5 m2 að stærð og geymsla (mhl 02) sem er 17,4 m2 að stærð.

Árið 2021 var gefið út byggingarleyfi fyrir viðbyggingu við sumarbústaðinn, 91,8 m2 að stærð. Lokaúttektarvottorð síðar gefið út 18. ágúst 2021.

Að því frátöldu hefur ekkert byggingarleyfi verið gefið út.

Óskað hefur verið eftir að eigandi upplýsi sem fyrst um stöðu þessa máls og gefin kostur á koma með skýringar fyrir þessari byggingu. Engar upplýsingar bárust fyrir fundinn frá eiganda.