Skipulags- og byggingarnefnd

Skipulags- og byggingarnefnd Kjósarhrepps skiptir með sér verkum.

Fyrir liggur erindisbréf skipulags- og byggingarefndar Kjósarhrepps.

Siðareglur kjörinna fulltrúa í skipulags- og byggingarnefnd Kjósarhrepps lagðar fram.

Efla verkfræðistofa, fyrir hönd eigenda, leggur fram tillögu að deiliskipulagi, dags. 05.05.2022, fyrir lóðirnar Flekkudalur 1, 3 og 5 í landi Flekkudals. Skipulagsstofnun fer fram á að deiliskipulagið verði auglýst að nýju til samræmingar við nýlega samþykkta breytingu á aðalskipulagi svæðis F4a.

Verkefnislýsing vegna breytingar á aðalskipulagi Kjósarhrepps og breytingar á deiliskipulagi Hvamms og Hvammsvíkur hefur verið auglýst samkvæmt 1. mgr. 30. gr. og 1. mgr. 40. gr. Skipulagslaga nr.123/2010. Um er að ræða breytingu á aðalskipulagi Kjósarhrepps 2017-2029 í landi Hvamms og Hvammsvíkur í Hvalfirði, þar sem gert er ráð fyrir að stækka skilgreint svæði undir frístundabyggð, F21. Umsagnir bárust frá Umhverfisstofnun, Skipulagsstofnun, Heilbrigðiseftirliti, Minjastofnun, Náttúrufræðistofnun, Rarik og Veðurstofunni. Athugasemdir bárust frá eigendum nágrannalóða, sem telja að eigendur Hvamms og Hvammsvíkur séu bundnir af samkomulagi fyrri eiganda, um að reisa ekki mannvirki á landskikanum milli Vesturlandsvegar (nú Hvalfjarðarvegar) og suðurmarka (hins selda) landsvæðis, heldur verði það tekið til skógræktar. Núverandi eigandi telur sig hinsvegar ekki bundinn af loforði fyrri eiganda, enda hafi kvöðum af þessu tagi hvergi verið getið við kaupin.

Landlínur, f.h. Kjósarhrepps, leggja fram tillögu að breytingu á Aðalskipulagi Kjósarhrepps 2017-2029. Um er að ræða breytingu á landnotkun á hluta frístundabyggðar Möðruvalla 1, þar sem breyta á hluta frístundabyggðar F15c í íbúðarbyggð. Fyrirhuguð íbúðarbyggð nær til lóða Brekkna 1, 2 og 8 ásamt aðkomuveg að lóðunum.
Auk þess á að breyta afmörkun iðnaðarsvæðis I2 í landi Möðruvalla 1. Um er að ræða leiðréttingu á afmörkun iðnaðarsvæðis, til samræmis við samþykkt deiliskipulag athafnasvæðis í landi Möðruvalla (Landlínur ehf, 2016), sem nær að mörkum frístundabyggðar F15c. Verkefnislýsing hefur verið auglýst skv. 1. mgr. 30 gr. skipulagslaga. Staðbundið hættumat fyrir svæðið frá Veðurstofu Íslands liggur fyrir.

Tillögurnar hafa verið kynntar skv. skv. 2. mgr. 30 gr. og 3. mgr. 40. gr. Skipulagslaga og sendar Skipulagsstofnun til athugunar, sbr. 3. mgr. 30. gr. Skipulagslaga. Fyrir liggur bréf frá Skipulagsstofnun, dags. 10. júní 2022, þar sem m.a. kemur fram, að stofnunin gerir ekki athugasemd við að aðalskipulagstillagan verði auglýst skv. 31 gr. skipulagslaga.

Tillaga að nýju deiliskipulagi Sandslundar hefur verið auglýst skv. 41 gr. skipulagslaga nr. 123/2010. Frestur til að skila inn athugasemdum var til og með 25. mars 2022. Engar athugasemdir bárust.
Umsagnir bárust frá Umhverfisstofnun, Heilbrigðiseftirliti, Náttúrufræðistofnun, Vegagerðinni, Veðurstofunni og Minjastofnun. Í umsögn Minjastofnunar er farið fram á að fyrirliggjandi fornleifaskrá verði uppfærð á skipulagssvæðinu, í samræmi við núgildandi staðla og reglur Minjastofnunar, sbr.reglur um skráningu jarðfastra menningarminja vegna skipulags og framkvæmda nr. 620/2019. Búið er að bregðast við þeim umsögnum sem bárust. Fyrir liggur undanþága Innviðaráðuneytisins frá grein 5.3.2.14. gr. skipulagsreglugerðar nr. 90/2013 varðandi fjarlægð mannvirkja nær vötnum ám eða sjó en 50 m.

Tillaga að deiliskipulagi Hvítaness hefur verið auglýst skv. 41 gr. skipulagslaga nr. 123/2010. Frestur til að skila inn athugasemdum var til og með 25. mars 2022. Engar athugasemdir bárust.
Umsagnir bárust frá Umhverfisstofnun, Heilbrigðiseftirliti, Náttúrufræðistofnun, Vegagerðinni, Veðurstofunni, Minjastofnun, Slökkviliði og Rarik. Í umsögn Minjastofnunar er farið fram á að fyrirliggjandi fornleifaskrá verði uppfærð fyrir áhrifasvæði framkvæmda utan þess svæðis sem merkt er "mörk deiliskipulags" á í skipulagsgögnum. Búið er að bregðast við þeim umsögnum sem bárust.
Fyrir liggur undanþága Innviðaráðuneytisins frá grein 5.3.2.14. gr. skipulagsreglugerðar nr. 90/2013 varðandi fjarlægð mannvirkja nær vötnum ám eða sjó en 50 m.

Aalskipulag Hvalfjarðarsveitar 2020-2032 lagt fram til kynningar.

Neyðarlínan 112, óskar eftir staðfestingu á breytingu sveitarfélagsmarka Reykjavíkur og Kjósar á Skálafelli vegna skráningar fjarskiptamannavirkja sem gera þarf þar.

Miðað er við að mannvirkin séu (eða verði) í Reykjavík eins og þau eru nú skráð en útbúa þarf nýja lóð undir þau. Við þá lóðargerð kemur í ljós að skv. líklegum sveitarfélagsmörkum þá er mannvirkið og þar með lóð undir þeim bæði í Reykjavík og Kjós. Það gengur ekki í reynd og því var lagt upp með að skrá sveitarfélagsmörkin upp á nýtt og þar með líka mörk jarðanna Stardalur og Írafell.

Sveitafélögin tvö, þ.e. Reykjavík og Kjósarhreppur þurfa að senda bréf á Innviðaráðuneytið þar sem þau staðfesta samkomulag um fastsetningu landamerkja sveitarfélaganna.

Síðan sendir Innviðaráðuneytið bréf á Landmælingar Íslands þar sem það vonandi staðfestir fastsetningu sveitarfélagsmarkanna. Þjóðskrá Íslands fær svo upplýsingar um nýju mörkin.

Umsókn um stofnun lóðar í landi Eyrarkots, L126029, sem fengi nafnið Hamar.

Umsókn um stofnun lóðar í landi Þrándarstaða, L16490, sem fengi nafnið Rauðilækur.

Fyrirspurn um hvort hægt er að breyta skráningu lóðarinnar Sandseyri 2 L217146, úr frístundalóð í íbúðarhúsalóð.

Skipulagsfulltrúa í Kjósarhreppi barst þann 21.06.2022 beiðni frá Hvítanesi ehf., um umsögn sveitafélagsins hvað varðar að gera Hvítanes (L126129, F2086147) að lögbýli fyrir skógrækt.
Jörðin Hvítanes liggur nærri botni Hvalfjarðar að sunnanverðu, strax austan Hvammsvíkur. Einnig barst beiðni um afgreiðslu og stimplun á hnitasettum uppdrætti frá (Arkþing/Glámakím) sem sýnir áætluð hnit jarðarinnar ásamt það svæði sem ráðgert er að fari undir skógrækt. Einnig fylgdi með umsögn landbúnaðarráðunauts frá Ráðgjafamiðstöð Landbúnaðarins (RML) hvað varðar búrekstrarskilyrði á jörðinni.

Erindi vegna skemmda, ófullnægjandi frágangs og eignarýrnunar v. lagningu hitaveitulögnum um jörð Eyjar II

Umsókn um byggingarleyfi/byggingarheimild fyrir um 93,7 m² frístundahús, mhl 01, skv. aðaluppdráttum dags. 21.05.2021.

Umsókn um byggingarleyfi/byggingarheimild fyrir breytingu á frístundahúsi, mhl 01, á lóðinni Hjarðarholtsvegur 32, skv. umsókn, bréfi með útlitsmyndum, dags 22.05.2022.

Umsókn um byggingarleyfi/byggingarheimild fyrir um 126,7 m² frístundahús, mhl 01, skv. aðaluppdráttum dags. 24.03.2022.

Umsókn um byggingarleyfi/byggingarheimild til að byggja kvist á suð- austurhlið og norð- austurhlið frístundahúss, mhl 01, skv. aðaluppdráttum dags. 04.06.2022.

Umsókn um byggingarleyfi/byggingarheimild fyrir um 33 m² viðbyggingu við frístundahús, mhl 01, skv. aðaluppdráttum dags. 03.06.2022.