Skipulags- og byggingarnefnd

Efla verkfræðistofa, f.h. Kjósarhrepps, leggur fram tillögu, dags. 17.03.2022, á breytingu á Aðalskipulagi Kjósarhrepps 2017-2029, er varðar landnotkun í landi Valdastaða. Verkefnislýsing hefur verið auglýst skv. 1. mgr. 30 gr. skipulagslaga. Umsagnir við lýsinguna bárust frá Skipulagsstofnun, Umhverfisstofnun, Náttúrufræðistofnun, Minjastofnun, Heilbrigðiseftirliti, Vegagerðinni, Rarik, Veðurstofu Íslands, Veiðifélagi Kjósarhrepps og ein athugasemd barst frá almenningi og hefur verið brugðist við þeim.

Aðalskipulagsbreytingin felur í sér að skilgreint verður þéttbýli, Ásgarðsland. Svæðið er að stærstum hluta norðan Kjósaskarðsvegar en nú þegar er starfsemi s.s. stjórnsýsla sveitarfélagsins sunnan vegar. Núverandi landnotkun breytist, fellt er út frístundabyggð, efnistökusvæði og landbúnaðarland minnkar en í stað þess verður skilgreint íbúðarbyggð, stofnanasvæði, opið svæði auk þjónustu sem fyrir er á svæðinu.

Markmið skipulagsbreytingarinnar er að svara aukinni eftirspurn fyrir lóðir í dreifbýli nálægt höfuðborgarsvæðinu í samræmi við áherslur sveitarstjórnar um eflingu byggðar í Kjós og fjölgun íbúa á skipulagstímabilinu með því að tryggja að til staðar sé gott framboð íbúðarlóða. Sveitarfélagið hefur þessu tengt fest kaup á tæplega 80 ha svæði úr landi Valdstaða og áformar að skipuleggja það og byggja upp í áföngum á næstu árum. Sveitarstjórn leggur eftir sem áður áherslu á að viðhalda dreifbýlisyfirbragði í sveitarfélaginu, en stuðla samtímis að betri landnýtingu og hagkvæmari uppbyggingu íbúðarbyggð með bættri nýtingu innviða.

í samræmi við 2. mgr. 30. gr. skipulagslaga, var tillagan kynnt íbúum sveitarfélagsins og öðrum hagsmunaaðilum á almennum fundi í Félagsgarði í Kjós, þann 19. mars 2022. Þá hefur tillagan einnig verið kynnt nærliggjandi sveitarfélögum, sem og svæðisskipulagsnefnd höfðuðborgarsvæðisins. Þá hefur skipulagstillagan verið aðgengileg á vef kjósarhrepps, kjos.is.

Skipulagsfulltrúi sendi Skipulagsstofnun bréf dags. 10. febrúar 2022, skv. 1. mgr. 42. gr. skipulagslaga, varðandi málsmeðferð deiliskipulags í landi Flekkudals - Nesvegur 1, 3 og 5, þar sem óskað var eftir heimild til að auglýsa gildistöku deiliskipulagsins í B- deild stjórnartíðinda.
Svar barst með bréfi, dags. 10. mars 2022. Þar kemur m.a. fram að: "stofnunin lítur svo á að ekki sé um stök hús á landbúnaðarlandi að ræða, heldur stækkun á aðliggjandi frístundasvæði (F4a). Lóðir fyrirhugaðra frístundahúsa liggi upp að núverandi frístundasvæði og gert sé ráð fyrir að þau nýti aðkomu þess".
Samkvæmt svari Skipulagsstofnunar væri þörf á (óverulegri) breytingu aðalskipulags. Meðfylgjandi er tillaga að aðalskipulagsbreytingu frá Eflu, sem er eingöngu breyting á greinargerð.

Efla verkfræðistofa, fyrir hönd landeiganda, óskar eftir heimild til að leggja fram breytingu á fyrirliggjandi deiliskipulagi í landi Flekkudals (L126038). Um er að ræða 8 frístundalóðir til viðbótar. Aðliggjandi svæði var deiliskipulagt fyrir samskonar byggð árið 2015. Einnig er óskað eftir að sveitarfélagið geri breytingu á Aðalskipulagi Kjósahrepps 2017-2029 og stækki svæði fyrir frístundabyggð F4b um ca 2,5 ha til að fyrirhugaðar lóðir falli alfarið undir frístundabyggðina. Meðfylgjandi er uppráttur sem sýnir fyrirhugaða afmörkun lóða og gátlisti fyrir mati á því hvort breytingin geti talist óveruleg skv. 2. mgr. 36. gr. skipulagslaga nr. 123/2010.

Landlínur, fyrir hönd eigenda, leggja fram tillögu að óverulegri breytingu frístundabyggðar á Nesi í Flekkudal, dags. 03.03.2022.
Breytingin nær einungis til Nesvegar 8 og 10 og tekur einungis til hluta liðs "Byggingarskilmálar" í greinargerð deiliskipulags, þ.e. þakhalla og mænisstefnu.

Í kjölfar afgreiðslu á 155. fundi nefndarinnar, barst athugasemd frá eiganda Nesvegar 6 er varðaði textaframsetningu. Texti í greinargerð hefur verið nú verið lagfærður til samræmingar við athugasemdina.

Skipulagsfulltrúi sendi Skipulagsstofnun bréf dags. 1. febrúar 2022, skv. 1. mgr. 42. gr. skipulagslaga, varðandi málsmeðferð deiliskipulags íbúabyggðar og nágrennis í landi Eyrarkots, þar sem óskað var eftir heimild til að auglýsa gildistöku deiliskipulagsins í B- deild stjórnartíðinda.
Svar barst með bréfi, dags. 10. mars 2022. Þar kemur m.a. fram í svari skipulagsstofnunar að: "ekki sé ljóst hvernig brugðist hafi verið við athugasemdum landeigenda að Bolakletti, dags. 25. júní 2021". Einnig að: "stofnunin mælir með að deiliskipulagsmörk nái niður að Hvalfjarðarvegi til að tryggja aðkomu að nýju íbúðasvæði. Til þess að tryggja aðkomu þarf að setja kvöð um aðkomu frá Hvalfjarðarvegi að Blómsturvöllum í samráði við nærliggjandi landeigendur".

Arkþing/Nordic og Gláma Kím, fyrir hönd landeiganda, leggja fram tillögu að deiliskipulagi, dags. 2.3.2022, í samræmi við skipulagslýsingu sömu aðila.
Um er að ræða skilgreiningu á nýjum byggingarlóðum nyrst á Hvítanesi, alls um 5,0 ha að stærð. Gert er ráð fyrir íbúðarhúsi, frístundahúsum, gestahúsum, bryggjuhúsi ásamt fjölnotahúsum ( hlaða, veisluhús, gróðurhús, skemmu eða verkstæði).

Fyrir liggur að sækja þarf um undanþágu til Innviðaráðuneytisins frá grein 5.3.2.14. gr. skipulagsreglugerðar nr. 90/2013 varðandi fjarlægðar mannvirkja nær vötnum ám eða sjó en 50 m.

Tillaga að nýju deiliskipulagi Sandsludar hefur verið auglýst skv. 41 gr. skipulagslaga nr. 123/2010. Frestur til að skila inn athugasemdum var til og með 25. mars 2022. Engar athugasemdir bárust.
Umsagnir bárust frá Umhverfisstofnun, Heilbrigðiseftirliti, Náttúrufræðistofnun, Vegagerðinni, Veðurstofunni og Minjastofnun. Í umsögn Minjastofnunar er farið fram á að fyrirliggjandi fornleifaskrá verði uppfærð á skipulagssvæðinu, í samræmi við núgildandi staðla og reglur Minjastofnunar, sbr.reglur um skráningu jarðfastra menningarminja vegna skipulags og framkvæmda nr. 620/2019.
Skipulagsfulltrúi hefur komið umsögnunum á framfæri við skipulagsráðgjafana til efnislegrar úrvinnslu.

Sótt hefur verið um undanþágu til Innviðaráðuneytisins, frá 5.3.2.14. gr. í skipulagsreglugerð nr. 90/2013 vegna nálægðar við Sandsá.

VA arkitektar leggja fram tillögu að deiliskipulagsbreytingu, dags.15.01.2022, vegna byggingar á u.þ.b 400,0 m² gróðurhúsi. Áður á dagskrá 145. fundar þann 25. mars 2021, þar sem jákvætt var tekið í erindið. Breytingin felst í því að lóðin við Stapagljúfur í landi Morastaða sem áður var ein 8,15 ha lóð, verður skipt í tvær lóðir. Sú minni verður 0,45 ha. með einum byggingarreit íbúðarhús, en sú stærri 7,36 ha. með þremur byggingarreitum, tveir fyrir frístundahús og einn fyrir gróðurhús. Að öðru leiti gilda almennir skilmálar fyrri deiliskipulags. Frestað mál frá 154. fundi.

Fyrirspurn um breytingu á deiliskipulagi í landi Eyjatúns 25, L173144. Afmörkun og stærð lóðar hefur verið mæld/hnitsett og stækkar sem nemur 900 m². Til að uppfæra stærð og afmörkun lóðarinnar í fasteignaskrá Þjóðskrár, þyrfti að koma til breyting á deiliskipulagi. Einnig er spurst fyrir um að breyta lóðinni úr sumarhúsalóð í íbúðarhúsalóð.

Deiliskipulag frístundabyggðar Brekkna, sem samþykkt var á fundi sveitarstjórnar 12. janúar 2022, var auglýst til gildistöku gildistöku í B- deild Stjórnartíðinda þann 22. mars 2022.

Um er að ræða leiðréttingu á afmörkun lóðar fyrir Kaffi Kjós við Meðalfellsveg, L173107. Afmörkun lóðar var samþykkt af byggingafulltrúa Kjósarhrepps í febrúar 1994, af oddvita Kjósarhrepps þann 6. október 1997 og jarðanefnd þann 7. október 1997 sbr. skjali "Eyjar 1 1606 Kjósarhreppur". Stærð lóðar er 3.500 m2 og breytist ekki. En lögun lóðarinnar er önnur og verður það leiðrétt með þessu skjali. Fjarlægð frá miðlínu Meðalfellsvegar (461) er 15 m og liggja lóðamörk samsíða veginum eins og fram kemur á skjalinu frá 1994.

Umsókn um byggingarleyfi fyrir 120,0 m² frístundahúsi, mhl 01, skv. aðaluppdráttum dags.20.03.2022.

Umsókn um byggingarleyfi fyrir 152,2 m² frístundahúsi, mhl 01, skv. aðaluppdráttum dags.14.03.2022.