Skipulags- og byggingarnefnd

Breyting á aðalskipulagi er í lögboðnu auglýsingaferli, sem lýkur 31. maí 2021. Óskað hefur verið eftir lausn úr landbúnaðarnotkun til Landbúnaðarráðuneytisins, með bréfi skipulagsfulltrúa dags. 12. maí 2021.

Samhliða aðalskipulagsbreytingu er deilskipulagstillagan í lögboðnu auglýsingaferli, sem lýkur 24. júní 2021. Óska þarf eftir undanþágu umhverfis- og auðlindaráðherra frá d. lið gr. 5.3.2.5 í skipulagsreglugerð nr. 90/2013 er varðar fjarlægð bygginga frá stofnvegi á svæði (ÍB9b), en í ofangreindri grein skipulagsreglugerðar stendur að utan þéttbýlis skuli ekki staðsetja íbúðir eða frístundahús nær stofn- og tengivegum en 100 m og ekki nær öðrum þjóðvegum eða almennum vegum en 50 m eins og þeir eru skilgreindir í aðalskipulagi.

L228625 - Umsókn um byggingarleyfi fyrir 149,9 m2 frístundahúsi, mhl 01, skv. aðaluppdráttum dags. 02.05.2021

L217636 - Umsókn um byggingarleyfi fyrir 93,7 m2 frístundarhúsi, mhl. 01, samkvæmt aðaluppdráttum dags. 21.05.2021.

L126177 - Umsókn um byggingarleyfi fyrir 38,7 m2 stækkun frístundahúss, mhl. 01, skv. aðaluppdráttum dags. 01.03.2021 Heildarstærð verður eftir stækkun 98,4 m2.

L126103 - Umsókn um byggingarleyfi fyrir íbúðarhúsi og gestahúsi, samtals 182,3 m2, samkvæmt aðaluppdráttum dags. 24.05.2021.

L126300 - Fyrirspurn um hvort heimilt sé að byggja 40 m2 geymslu/skúr úr timbri. Klætt verði með sama efni og frístundahúsið sem fyrir er á lóðinni og í stíl sem fellur vel að umhverfinu. Meðfylgjandi er loftmynd sem sýnir fyrirhugaða staðsetningu á lóðinni. Lítil geymsla sem er fyrir framan fyrirhugaða staðsetningu yrði fjarlægð ef af framkvæmdinni verður.

Landgræðslan, fyrir hönd verkefnisstjórnar landgræðsluáætlunar, óskar eftir umsögnum um drög að landgræðsluáætlun 2021-2031 og um drög að umhverfismati áætlunarinnar.
Drög áætlunarinnar og umhverfismatsins liggja fyrir á vefsíðu Landgræðslunnar (sjá: https://landgraedsluaaetlun.land.is/ ). Frestur til að skila inn umsögnum er til 14. júní næstkomandi.
Meginmarkmið landgræðsluáætlunar lúta að vernd og endurheimt vistkerfa, vernd kolefnisríks jarðvegs, samdrætti í losun gróðurhúsalofttegunda frá landi og bindingu kolefnis í jarðvegi og gróðri samhliða því að efla líffræðilega fjölbreytni. Áætlunin setur fram sýn um hvað leggja skal til grundvallar fyrir landgræðslustarfið. Jafnframt er fjallað um hvernig má auka þanþol og viðnámsþrótt vistkerfa og nýta land á sjálfbæran hátt, í takt við vistgetu þess.