Teikningar aðgengilegar á kortavef Kjósarhrepps

Á síðasta ári var ákveðið að hefja vinnu við að gera teikningar fasteigna í Kjósarhreppi aðgengilegar á rafrænu formi.  Undanfarnar vikur hefur verið unnið að því. Nú eru aðal­upp­drættir bygg­inga í Kjósarhreppi  hægt og bítandi að verða aðgengi­legir á kortavef sveitarfélagsins og stöðugt bætist við.

Fyrst í stað verða allar nýjar teikningar skannaðar inn eftir að Byggingarfulltrúi hefur samþykkt þær,  þeir sem þurfa að skoða teikn­ing­ar geta þá farið inn á kortavef­inn hjá kjos.is í stað þess að sækja af­rit upp­drátta í af­greiðslu bygg­ing­ar­full­trúa.  Eftir því sem tími gefst til verða eldri teikningar líka skannaðar inn. Stefnt er að því að við lok árs verði stór hluti teikninga kominn á vefinn.

Minnum á að Byggingarfulltrúi þarf nú einungis eitt afrit af endanlegum teikningum í stað þriggja áður, til úrvinnslu og skönnunar sem sparar kostnað húseigenda og dregur úr umhverfisáhrifum.

Slóð á  kortasjá

Leiðbeiningar um notkun kortavefs

Svo má benda á nýjungar á kortasjánni svo sem:
Tímaflakk, 360°götu sýn, teikna, mæla

Bestu kveðjur Skipulags- og byggingarsvið Kjósarhrepps