Kjósarhreppur flokkar, nýtt flokkunarkerfi og söfnun á matarleifum

Árið 2023 verður innleitt nýtt flokkunarkerfi á höfuðborgarsvæðinu og Suðurnesjum þar sem fjórum úrgangsflokkum verður safnað við hvert heimili. Þetta verður stórt framfaraskref í umhverfis- og loftslagsmálum en meðal annars munu öll heimili fá tunnu fyrir matarleifar. Í Kjósarhreppi mun tunnum ekki fjölga heldur verður tunnan sem núna er undir almennt sorp fjarlægð og í staðin kemur tvískipt tunna (sjá mynd með frétt)undir almennan úrgang annars vegar og lífrænan úrgang hins vegar. Með þessum breytingum er flokkað í fjóra flokka við hvert heimili, þ.e.

• Matarleifar
• Pappír og pappi
• Plastumbúðir
• Blandaður úrgangur

Stefnt er að því að skipt út tunnum 20. maí 2023. Tunnurnar verða keyrðar að heimilum.

Mælum með að þú kíkir inná flokkum.is

Meira síðar, sveitarstjóri