Kjósarhreppur óskar eftir að ráða sveitarstjóra

Sveitarstjóri Kjósarhrepps

Kjósarhreppur er dreifbýlishreppur í nágrenni við Reykjavík. Íbúar þess eru um 260 og er víða skipulögð sumarhúsabyggð. Kjósin þykir státa af fallegu landslagi og náttúrufegurð sem er víða ósnortin en að öðru leiti er hún skipulagt landbúnaðar-svæði. Þar fyrirfinnst ein elsta kirkja landsins og einnig hið þekkta félagsheimili Ungmennafélagsins Drengs, Félagsgarður. Helstu upplýsingar um Kjósarhrepp má finna á www.kjos.is

Sveitarstjóri Kjósarhrepps

Kjósarhreppur óskar eftir að ráða framsækinn einstakling í starf sveitarstjóra. Sveitarfélagið er vel rekið og innan þess eru mikil tækifæri. Leitað er að aðila sem hefur brennandi áhuga á að taka þátt í að móta framtíðarsýn þess og stuðla að faglegri stjórnsýslu.

Helstu viðfangsefni og ábyrgð:

• Daglegur rekstur sveitarfélagsins og ábyrgð á framkvæmd ákvarðana hreppsnefndar
• Yfirumsjón með skipulagi og virkni stjórnsýslu
• Náið samstarf við hreppsnefnd, undirbúningur og upplýsingagjöf á fundum hreppsnefndar
• Hagsmunagæsla og samskipti við íbúa, stofnanir, samtök og fyrirtæki

Menntunar- og hæfniskröfur:

• Farsæl reynsla af stjórnun, mannauðsmálum, stefnumótun og rekstri
• Þekking og reynsla af opinberri stjórnsýslu, einkum sveitarfélags er æskileg
• Leiðtogahæfni og framúrskarandi hæfni í mannlegum samskiptum
• Sjálfstæð vinnubrögð, frumkvæði og skipulagshæfni
• Hæfni í framsetningu á efni í ræðu og riti
• Háskólamenntun sem nýtist í starfi er kostur