AÐALSKIPULAG KJÓSARHREPPS

 

Kynningarfundur í Ásgarði

1. nóvember kl. 16.00-18.00.

 

Kjósarhreppur hefur hafið vinnu við endurskoðun aðalskipulags fyrir sveitarfélagið og er gert ráð fyrir að vinnu við það ljúki vorið 2018. Mikilvægt er að sem best samráð verði við íbúa meðan á  skipulags-ferlinu stendur og að þeir setji fram sínar hugmyndir.

Skipulagsnefnd Kjósarhrepps heldur utan um vinnuferlið og skipulagsráðgjafi aðalskipulags er Steinsholt sf sem er með aðsetur á Hellu.

Í aðalskipulagi er mörkuð stefna sveitarstjórnar um landnotkun til framtíðar, sem tekur til alls lands innan sveitarfélagsins. Í aðalskipulagi eru mörkuð stefna fyrir landbúnaðarland, samgöngu- og þjónustukerfi, veitur, íbúðarbyggð, sumarhúsabyggð, verndarsvæði o.fl.

Þriðjudaginn 1. nóvember verður opið hús um aðalskipulagið. Þar verða kynntar áherslur við endurskoðun aðalskipulags og drög að flokkun landbúnaðarlands, sem unnin er samhliða aðalskipulagi.

Íbúar geta skoðað vinnugögn og rætt við skipulagsráðgjafa og skipulagsnefnd.