Kjósarhreppur - Myndir

Fréttir

6. júní 2019

Kvennahlaupið við Kaffi Kjós 15. júní

Bolirnir komnir í Kaffi Kjós
 


Sjóvá Kvennahlaup ÍSÍ fer fram laugardaginn 15. júní 2019.

 

Hlaupið verður frá Kaffi Kjós, kl. 14:00.

Vegalengdir: 3 km, 5 km og 7 km


Hlaupið verður á yfir 80 stöðum á landinu en þetta er í þrítugasta skiptið sem Kvennahlaupið er haldið.

Konur á öllum aldri taka þátt í Kvennahlaupinu, allt frá litlum stelpum í kerrum til langamma þeirra.
Hver kona tekur þátt á sínum forsendum og allir eiga að geta fundið vegalengd við sitt hæfi.
Það er því engin tímataka í hlaupinu heldur lögð áhersla á að hver komi í mark á sínum hraða, með bros á vör.

 

Hægt að kaupa boli á hlaupastöðum og kosta þeir 2.000 kr fyrir 13 ára og eldri, og 1.000 kr fyrir 12 ára og yngri.

 

Kynntu þér málið hér: www.kvennahlaup.is

meira...

1. júní 2019

Hvítasunnudagur, 9. júní. Göngumessa og aðalsafnaðarfundur Reynivallasóknar

Ljósmynd: Björn Hjaltason

 

Sameiginleg Göngumessa fyrir Reynivalla- og Brautarholtssóknir.

Hvítasunnudag kl. 14:00 að Reynivöllum.

 

Gengið verður frá Reynivallakirkju að kirkjugarði þar sem teikningar af væntanlegu þjónustuhúsi verða til sýnis.

Þá liggur leiðin inn á Kirkjustíginn og austur með Reynivallahálsi í átt að Gíslagötu.

Þaðan niður að Laxá og gengið með ánni til móts við Reynivelli.

 

Íhugunarstopp í anda pílagrímagangna verða á leiðinni og kaffi að göngu lokinni á pallinum við prestssetrið.

 

Gangan er létt og hentar öllum aldri.

 

Guðmundur Ómar Óskarsson organisti og Kirkjukór Reynivallaprestakalls leiða söng.

 

Verið hjartanlega velkomin.

Sóknarprestur og sóknarnefnd

 

Arna Grétarsdóttir
Sóknarprestur Reynivallaprestakalls

 

Að loknu kaffispjalli verður aðalsafnaðarfundur Reynivallasóknar.

Fundarboð: Aðalsafnaðarfundur Reynivallasóknar


 

Hér með boðar sóknarnefnd til aðalsafnaðarfundar Reynivallasóknar

í Reynivallakirkju, hvítasunnudag 9. júní að göngumessu og kaffi loknu.

 

Dagskrá fundarins:
1. Gerð grein fyrir starfsemi og rekstri sóknarinnar á liðnu starfsári.


2. Afgreiðsla reikninga sóknar og kirkjugarðs fyrir sl. ár, ásamt fjárhagsáætlun næsta árs.

 

3. Greint frá starfsemi héraðsnefndar og héraðsfundi.

 

4. Ákvörðun um meiriháttar framkvæmdir og framtíðarskuldbindingar.
   Aðstöðuhús sem mun rísa við Reynivallakirkjugarð.


 

5. Kosning tveggja skoðunarmanna/endurskoðanda sóknar og kirkjugarðs og varamanna þeirra til árs í senn.


6. Kosning sóknarnefndar.
      Tveir aðalmenn: Sigríður Klara og Unnur, hafa lokið 4 ára setu tímabili og tveir varamenn: Jóhanna Hreinsdóttir og Finnur Pétursson. 

Sigríður Klara og Finnur hafa ákveðið að gefa kost á sér áfram til næstu 4ra ára.
Áhugasamir hvattir til að hafa samband við sr. Örnu sóknarprest.


 

7. Kosning kjörnefndar Reynivallasóknar. 


8. Önnur mál

 

 

F.h. Sóknarnefndar Reynivallasóknar
Sigríður Klara Árnadóttir formaður, Unnur Sigfúsdóttir gjaldkeri og

Hulda Þorsteinsdóttir ritari.


 

Varamenn: Jóhanna Hreinsdóttir, Finnur Pétursson og Sigurþór Ingi Sigurðsson

 

Sr. Arna Grétarsdóttir, sóknarprestur

 

meira...

1. júní 2019

Hreppsnefndarfundur 4.júní nk

 

Fundur verður haldinn í hreppsnefnd  Kjósarhrepps, 

þriðjudaginn 4. júní  2019 í Ásgarði og hefst  kl 20:00

 

    

Dagskrá:

 

1.      Fundargerðir nefnda.

     a.       Skipulags- og byggingarnefnd 3.6.2019

     b.      Viðburða- og menningarmálanefnd 23.5.2019

     c.       Umhverfisnefnd 27.5.2019

2.      Ritstjórnarstefna Kjósarhrepps.

3.      Samstarfsvettvangur um loftslags og umhverfismál.

4.      Grænbók um málefni sveitarfélaga.

5.      Rotþróarhreinsun 2019

6.      Kjósarbókin, staða málsins.

7.      Opnunartími skrifstofunnar og fundir hreppsnefndar í sumar.

8.      Önnur mál.

9.      Mál til kynningar.

 

Karl Magnús Kristjánsson

oddviti

 

meira...

31. maí 2019

Skipulags- og byggingarfulltrúinn við á mánudaginn 3. júní

 

ATH .. breytt viðvera í næstu viku.

 

Sigurður, skipulags- og byggingarfulltrúi verður við

næsta mánudag 3. júní  í stað þriðjudags 4. júní.

 

Fundur skipulags- og byggingarnefndar

verður haldinn mánudag 3. júní í lok vinnudags.

 

Sigurður H. Ólafsson

Skipulags- og byggingarfulltrúi Kjósarhrepps

 

skipulag@kjos.is

GSM: 898-2297

 

meira...

29. maí 2019

Fögnum ljósleiðaranum

Á morgun er spáð þessu fína veðri, kalt framan af en hitnar vel þegar líður á daginn.

Hlökkum til að sjá sem flesta fagna saman enn einum stóráfanganum hér í Kjósinni.

 

Hátíðin byrjar á slaginu 13:00, á útisviði við Félagsgarð.

 

Hringdu, Vodafone og Síminn verða inn í Félagsgarði að kynna þjónustur sínar.

 

Stjórn Leiðarljóss ehf

Hreppsnefnd Kjósarhrepps 

meira...

28. maí 2019

Breyting á deiliskipulagi í landi Eyja II í Kjósarhreppi

Kjósarhreppur auglýsir skv.41 og 43. gr. skipulagslaga nr. 123/2010.

Auglýsing um breytingu á deiliskipulagi í landi Eyja II í Kjósarhreppi

 

Deiliskipulagstillagan: Eyjar II, Eyjavík

 

meira...

27. maí 2019

Meindýravarnir - Garðaúðun

 

Tek að mér alla almenna meindýraeyðingu

og garðaúðun fyrir blaðlús, trjámaðk o.fl.

Eyði líka köngulóm og fjarlægi geitungabú.

 

Sjá nánar: www.edameindyr.is

 

Björn Ananíasson

GSM: 896 9994

Eyjafelli í Kjós

 

meira...

23. maí 2019

Ljósleiðarinn er orðinn virkur - 1. áfanga lokið

 

 

 

Langþráðum áfanga er náð,

 ljósleiðarinn er kominn í Kjósina og orðinn virkur !!

 

Fyrsta áfanga af 3 er lokið. Áfangi 2 eru tengingar við hús sem þarf að leggja sér ídráttarrör að (tóku ekki hitaveitu) og áfangi 3 er Fossá & Brynjudalur.

 

Þessu ætlum við Kjósverjar, jafnt íbúar sem sumarhúsaeigendur,
að fagnað rækilega fimmtudaginn 30. maí nk, (uppstigningardag)

við Félagsgarð í Kjós, kl. 13-15.


Dagskráin hefstkl. 13 með ávörpum, heillaóskum

og okkar eina sanna BUBBA.


Doddi mætir á Tuddanum, bæði með hamborgara fyrir kjötætur OG vegan!
Leikdót fyrir krakkana og hoppukastali.


Fjarskiptafyrirtækin Hringdu, Síminn og Vodafone verða með spennandi tilboð inni í Félagsgarði, en strax er hægt að hafa samband við fyrirtækin og panta þjónustu.


Allt stefnir í flottan fjölskyldudag við Félagsgarð, meira að segja er veðurspáin góð.

 

Hlökkum til að samgleðjast með þér og þínum. 

 


Stjórn Leiðarljóss ehf
Hreppsnefnd Kjósarhrepps

 


 

 

meira...

23. maí 2019

Unglingavinna í Kjósinni í sumar - ath breytt auglýsing !

Unglingavinna fyrir þá sem hafa lokið 7.  til 10. bekk  verður starfrækt í sumar með hefðbundnum hætti ef nægur áhugi er fyrir hendi.  

Vinnan mun hefjast 11. júní og vera til 18. júlí, báðir dagar meðtaldir, mánudaga-fimmtudaga frá kl 09-15.

 

Helstu verkefnin verða: sláttur og hirðing, rusl tínt meðfram vegum, ám og strandlengju, málun og fleira.

 

Áhugasömum er bent á að skila inn umsóknum í tölvupósti á netfangið, kjos@kjos.is fyrir 27. maí næstkomandi.

 

meira...

21. maí 2019

Frá hestamannafélaginu Adam

Kæru Adamsfélagar.

Nú er komið að fyrstu samreið sumarsins sem verður farin föstudagskvöldið 7. júní. Ákveðið er að hittast í Blönduholti kl. 19:00 og farið verður í hnakkinn 19:30. Riðinn verður Eilífsdalshringurinn sem er u.þ.b. 2 tíma reið. Endastöð er Blönduholt, þar sem verður grillað og haldin töltkeppni.  Skráning á staðnum.

Vinsamlegast látið vita fyrir grillarana, fyrir miðvikudagskvöld

5. júní  kl. 19:00  Matur verður í boði Adams en hver og einn sér um sína drykki. 

Þátttaka tilkynnist til;  hugrun@likamiogsal.is  og  einar@ispolar.is

 

meira...

21. maí 2019

Breyting á deiliskipulagi Flekkudal

Breyting á deiliskipulagi Flekkudal, frístundabyggð á Nesi Nesvegur 4 og 6

 

meira...

17. maí 2019

Umferðaröryggisáætlun Kjósarhrepps

Ljósm: Björn Hjaltason

Sveitarfélagið Kjósarhreppur hefur gefið út umferðaröryggisáætlun fyrir árin 2019-2023.

 

Undanfarin ár hefur Samgöngustofa hvatt sveitarfélög til að gera áætlanir um umferðaröryggi. Samgöngu- og fjarskiptanefnd Kjósarhrepps samþykkti í júlí 2018 að fá heimild hjá hreppsnefnd að hefja vinnu við umferðaöryggisáætlun fyrir Kjósarhrepp. Umsjón verkefnisins var í höndum formanns samgöngu- og fjarskiptanefndar sveitarfélagins með aðstoð VSÓ Ráðgjafar. Vinna við gerð áætlunarinnar fór fram á tímabilinu október 2018 – apríl 2019. Þetta er í fyrsta skipti sem heildstæð umferðaröryggisáætlun er gerð fyrir sveitarfélagið.

 

 

meira...

14. maí 2019

Tæming rotþróa 2019 að hefjast - blautþurrkur eru martröð !!

 

Vorboðinn ómissandi - tæming rotþróa hefst mánudaginn 20. maí, nk.

 

Rotþrær sem eru rauðlitaðar verða tæmdar á þessu ári, en almenna reglan er að tæma rotþró á 3ja ára fresti.

 

Fyrirtækið Hreinsitækni sem sér um tæmingar á rotþróm í Kjósinni mun hefja vinnu sína í fristundasvæðinu Valshamri næsta mánudag 20. maí og liggur leiðin þaðan áfram á næstu rauðu svæði.

 

Allar nánari upplýsingar veitir Gísli hjá Hreinsitækni, s: 567-7090

 

Athygli er vakin á að blautþurrkur eru vaxandi vandamál í fráveitumálum almennt  og hefur tæmingarbúnaður verktakans ekki farið varhlutann af því.

 

Hugsum okkur um áður en við hendum hverju sem er í klósettið:  https://www.veitur.is/sturtum-skynsamlega-nidur

 

 

Karl Magnús oddviti

 

 

 

meira...

12. maí 2019

Hreppsnefndarfundur 14. maí, kl. 16

 

 

 

Fundur verður haldinn í hreppsnefnd  Kjósarhrepps, 
14. maí  2019 í Ásgarði og hefst  kl 16:00
       

 

 

 

 Dagskrá:


1. Ársuppgjör Sveitarsjóða A og B hluta fyrir árið 2018.
2. Fundargerðir nefnda.
     a. Viðburða- og menningarmálanefnd og Umhverfisnefnd: 16.4.
     b. Umhverfisnefnd: 23.4. og 26.4.
     c. Samgöngu- og fjarskiptanefnd: 2.5.
     d. Skipulags- og byggingarnefnd: 2.5.
3. Ljósleiðarinn.
     a. Staða framkvæmda og tenginga notenda
     b. Áætluð útgjöld og staða Leiðarljóss árið 2018
     c. Heimild til framlags sveitarsjóðs til Leiðarljóss ehf 2019.
4. Sorphirðumál.
     a. Breytingar í sorphirðunni
     b. Tillaga að endurskoðun samnings við Gámaþjónustuna.
5. Bréf samgöngu- og sveitarstjórnarráðuneytisins varðandi

     eftirlit með fjármálum sveitarfélaga.
6. Aðalfundur Kjósarveitna ehf., 24. maí nk.
7. Lög um opinber innkaup.
8. Skipan í notendaráð fatlaðs fólks.
9. Orlof húsmæðra.
10. Erindi Kaffi Kjóss/álagning fasteignagjalda C.
11. Ritstjórnarstefna Kjósarhrepps.
12. Sumarvinna unglinga 2019.
13. Samfélagsstyrkur – umsóknir
14. Starfsmannamál.
15. Önnur mál.

16. Mál til kynningar.
      a. SSH stjórn Fundur nr. 470, 6.maí

 

Karl Magnús Kristjánsson, oddviti
 

meira...

12. maí 2019

Ljósið nálgast

Gott máltæki segir:  Góðir hlutir gerast hægt

 og nú hillir loksins undir verklok á frumlagningu ljósleiðara í Kjósarhreppi.

 

Öllum blæstri í rörin er lokið, verið að setja upp síðustu tengiboxin, verið að gæðamæla tengingarnar og þjónustuveiturnar farnar að vinna að uppsetningu í miðlæga tækjarýminu.

 

Þessu á öllu að vera lokið 23. maí nk og þá fer þetta formlega í sölu.

 

Það á eftir að leggja rör til þeirra sem tóku ekki hitaveitu en vilja ljósleiðara. Jón Ingileifsson og hans menn, sem unnu með okkur í lagningu hitaveitunnar og lögðu ljósleiðararörin á Kjalarnesinu,  verða á ferðinni í júní til að leggja þessi stöku rör og tengja við ljósleiðarakerfið. Auk þess sem þeir eru að leggja nokkrar nýjar hitaveitulagnir sem eru á biðlista.

 

Svo nú er bara að brosa og horfa mót ljósinu.

 

Takið frá 30. maí, kl. 13-15 - þá verður haldið upp á þennan merka áfanga í Félagsgarði.

 

Nánar auglýst síðar  

 

 

meira...

7. maí 2019

Jón byggingarfulltrúi kveður og Sigurður tekur við

 

Lyklavöldin færð yfir Nóg að gera á fyrsta degi

 

Sigurður Hilmar Ólafsson, byggingafræðingur tók við starfi skipulags- og byggingarfulltrúa Kjósarhrepps 1. maí sl.

 

Sigurður verður með viðveru í Ásgarði frá kl. 9 - 16 á þriðjudögum

og fasta símatíma á föstudögum frá kl. 9-12 í GSM: 898-2297.

Netfang: skipulag@kjos.is

 

Jóni Eiríki eru þökkuð góð störf og Sigurður Hilmar boðinn velkominn til starfa hjá Kjósarhreppi.

 

 

meira...

5. maí 2019

Gámar fyrir landbúnaðarplast tæmdir miðvikudag 8. maí

Miðvikudaginn 8. maí nk. ætlar Gámaþjónustan að tæma gámana sem eru eingöngu ætlaðir undir rúlluplast utan af heyrúllum, svokallað landbúnaðarplast.

 

Meðfylgjandi leiðbeiningarbæklingur frá Gámaþjónustunni fer vel yfir atriði

varðandi frágang og hvað megi fara í þessa gáma. 

 

Bæklingur Gámaþjónustunnar

 

Gott samstarf við bændur er lykilatriði til þess að vel takist til.

Starfsmenn Gámaþjónustunnar munu gefa bændum góð ráð varðandi söfnunina.

 

Vinnum vel saman og minnkum urðun endurvinnsluefna.

 

Hreppsnefnd og Umhverfisnefnd Kjósarhrepps

 

 

 

meira...

5. maí 2019

RARIK - tilkynning um straumleysi aðfaranótt 10. maí nk.

        

Ágætu raforkunotendur.


Rafmagnslaust verður sunnan Skarðsheiðar
föstudaginn 10. maí frá kl. 00:00 til kl. 07:00
vegna vinnu í aðveitustöð við Brennimel.


Um er að ræða allt svæðið sunnan Skarðsheiðar, þ.e. Melasveit, Leirársveit, Melahverfi, Hvalfjörð, Hlíðarbæ, Hvalfjarðargöng, Innri Akraneshrepp og Kjósina.


Hafið ekki viðkvæm raftæki í notkun þegar rafmagnið fer af og hugið að endurstilla öll tímastillt raftæki sem kunna að hafa breytt sér.


Rarik biðst velvirðingar á þeirri röskun sem rafmagnsleysið hefur í för með sér fyrir notendur.


RARIK Vesturlandi


Nánari upplýsingar má finna á heimasíðu Rarik www.rarik.is

Bilanasími: 528 9390 

 

meira...

5. maí 2019

Lengri sunnudagar í sumar á Endurvinnsluplaninu

 

Endurvinnsluplan Kjósarhrepps er staðsett

við Hurðarbaksholt við Meðalfellsveg (461)

 

Alltaf er opinn göngu-aðgangur að planinu fyrir heimilissorp o.þ.h.

 

Í sumar verður aðalhliðið opið lengur á sunndögum, frá kl. 13-18.

 

 

Opnunartími í sumar:

Miðvikudaga, frá kl. 13-16

Laugardaga, frá kl. 13-16

Sunnudaga, frá kl. 13-18

 

 

 

 

 

 

meira...

25. apríl 2019

Sumarð 2019 er komið

 

Gleðilegt sumar !! 

 

 

meira...

23. apríl 2019

Jón byggingarfulltrúi ekki við, þriðjudag 23. apríl

 

Jón byggingarfulltrúi verður ekki á skrifstofunni í dag, þriðjudag 23. apríl,

en býður upp á símatíma, GSM: 699-4396.

 

Hann verður síðan við að venju þriðjudag eftir viku,

þann 30. apríl, kl. 10-18.

 

 

 

 

meira...

20. apríl 2019

Páskadagur. Hátíðarmessa kl.14 í Reynivallakirkju.

Reynivallakirkja á 160 ár afmæli á þessu ári
 

Páskadagur 21. apríl. Hátíðarmessa kl.14

Skírt verður í messunni.
Kirkjukór Reynivallaprestakalls syngur undir stjórn

Guðmundar Ómars Óskarssonar, organista.
Sóknarprestur þjónar.

 

Næstu messur:


Fermingarmessa á sumardaginn fyrsta, 25. apríl, kl. 14.
Kirkjukór Reynivallaprestakalls syngur undir stjórn

Guðmundar Ómars Óskarssonar, organista.
Sóknarprestur þjónar.

 

Fermingarmessa sunnudaginn 5. maí, kl. 14.
Kirkjukór Reynivallaprestakalls syngur undir stjórn

Guðmundar Ómars Óskarssonar, organista.
Sr. Gunnar Kristjánsson, fyrrv. sóknarprestur þjónar.

 

Hvítasunnudagur 9. júní, göngumessa. Helgihaldið hefst eða endar í Reynivallkirkju. Nánar auglýst síðar.

 

Verslunarmannahelgin, sunnudagur 4. ágúst, kl. 14.

Hin árlega hesta- og útivistarmessa

 

Allir velkomnir til kirkju

 

 

 

 

meira...

17. apríl 2019

Opnunartími gámaplans yfir páskana

 

Opið laugardaginn 20. apríl frá kl 13 – 16

Lokað 21. apríl páskadag

Opið 22. apríl annan í páskum frá kl 13 – 16  

 

Gleðilega páska

Kjósarhreppur

 

 

 

 

meira...

16. apríl 2019

Bókasafnið komið í sumarfrí !!

Kæru Kjósverjar

 

Ekki verða fleiri formleg bókasafnskvöld að þessu sinni í Ásgarði. 

Aðgangur er að bókasafninu á opnunartíma skrifstofu hreppsins

mánudaga til fimmtudaga frá kl. 10-15.

 

Minni fólk á að skila bókum sem það er með í láni.

 

Bestu kveðjur

Svana - umsjónarmaður bókasafnsins

meira...

15. apríl 2019

Hreppsnefndarfundur 16.apríl, kl. 16

 

Fundur verður haldinn í hreppsnefnd  Kjósarhrepps, 

16. apríl 2019 í Ásgarði og hefst  kl 16:00

 
Dagskrá:


1. Fyrri umræða um ársreikning sveitarsjóðs Kjósarhrepps A og B hluta.

 

2. Samningar milli Kjósarhrepps og Mosfellsbæjar:
    a. um félagsþjónustu og þjónustu við fatlað fólk
    b. um barnaverndarmál

 

3. Erindi frá Ferðaþjónustunni Hjalla um álagningarreglur fasteignagjalda.

 

4. Yfirlýsing Sambands íslenskra sveitarfélaga

        vegna lífskjarasamninga 2019.

 

5. Tillögur umhverfisnefndar varðandi skipulag sorphirðu.

 

6. Önnur mál.

 

7. Mál til kynningar:
    a. SSH stjórn 469. fundur.
    b. Heilbrigðisnefnd Kjósarsvæðis, fundargerð nr. 45, 8.4.2019.
 

 

Karl Magnús Kristjánsson, oddviti

 

 

meira...

15. apríl 2019

Reiðkennsla í Dallandi - laugardag 27.apríl nk

 Hestamannafélagið Adam hefur í samstarfi við Halldór Guðjónsson, reiðkennara, ákveðið að standa fyrir reiðkennslu fyrir félagsmenn og aðra velunnara hestamannafélagsins þann 27. apríl næstkomandi.  

 

Þátttakendum stendur til boða  að koma með sitt uppáhalds hross í einkatíma hjá Halldóri.

 

Reiðkennslan fer fram í reiðhöllinni að Hestamiðstöðinni Dal, Dallandi í Mosfellsbæ.  

 

Fyrirhugað er að reiðkennslan standi frá kl. 9:30 til kl. 16:30 með skyndibita- og kaffihléum.  

 

Þátttökugjald er kr. 10.000,- fyrir kennslu í hálftíma fyrir hádegi og hálftíma eftir hádegi í glæsilegri aðstöðu.  

Greiðsla fer fram á staðnum.  Þátttakendur taki með sér skyndibita og drykki á námskeiðið.


Tilkynning um þátttöku þarf að berast fyrir miðnætti þriðjudagsins 23. apríl næstkomandi

í netföngin flekkudalur@gmail.com og/eða middalur@emax.is


 

meira...

11. apríl 2019

Messur og fermingar í Reynivallakirkju í apríl

 

 

 

Pálmasunnudagur 14. apríl. Messa kl. 14.
Fermd verða í messunni:
Andri Snær Hólmarsson, Kjalarnesi
Jónmundur Ingi Kibler, Brekkukoti í Kjós
Karen Dæja Guðbjartsdóttir, Mosfellsbæ
Kirkjukór Reynivallaprestakalls syngur undir stjórn Guðmundar Ómars Óskarssonar. Sóknarprestur þjónar.
 
Páskadagur 21. apríl. Hátíðarmessa kl.14.
Kirkjukór Reynivallaprestakalls syngur undir stjórn Guðmundar Ómars Óskarssonar. Sóknarprestur þjónar.
 
Sumardagurinn fyrsti 25. apríl. Messa kl.14.
Fermd verður í messunni:
Una Bella Helgadóttir, Hækingsdal í Kjós
Kirkjukór Reynivallaprestakalls syngur undir stjórn Guðmundar Ómars Óskarssonar. Sóknarprestur þjónar.

 

 

 

 

meira...