Kjósarhreppur - Myndir
Hreppsnefnd, fundur nr. 170

Dags. 7.9.2017

             

Kjósarhreppur

Árið 2017, 07. september   kom hreppsnefnd Kjósarhrepps saman til fundar í Ásgarði kl. 13:00.                                                                                                                                                    Eftirtaldir sátu fundinn: Guðmundur Davíðssson(GD),  Þórarinn Jónsson(ÞJ) og Guðný G Ívarsdóttir(GGÍ) sem ritaði fundargerð.

Sigurður Ásgeirsson(SÁ) er erlendis og Sigríður K. Árnadóttir(SKÁ) boðaði forföll.

Varamenn boðaðir en höfðu ekki tök á að mæta

Mál sem tekin voru fyrir:   

 

1.      Fundargerðir nefnda

a.      Skipulags- og byggingarnefnd frá 21. ágúst.

 

Byggingarmál

Afgreiðsla: Staðfest.

 

Skipulagsmál

01.       Lóa Sigríður Hjaltested 020858-2069, Karfavogi 43, 104 Reykjavík óska eftir því við hreppsnefnd Kjósarhrepps að frístundahúsið Flekkudalur nr. 1, (fn. 232-7261) verði skráð sem  íbúðarhús og lóðin íbúðarhúsalóð.

Afgreiðsla: Vísað til starfshóps um endurskoðun aðalskipulagsins.

 

02.       Lóðarhafar við Þorláksstaðaveg 1 – 5  í landi Meðalfells óska eftir að svæðið sem lóðirnar standa á sem nú er deiliskipulagt sem frístundasvæði verði breytt í íbúðarsvæði við endurskoðun á aðalskipulaginu.

Afgreiðsla: Vísað til starfshóps um endurskoðun aðalskipulagsins.

 

2.      Bréf frá Sigurði Guðmundssyni sem hann ritar fyrir hönd og í umboði landeigenda eftirtalinna lóða: Lækir, Trana og Sel. Í bréfinu mótmælir hann harðlega samþykkt hreppsnefndar frá 6. júlí um að heimila sumarhúsahverfinu í Norðurnesi um að setja upp rafmagnshlið á veginn inn í hverfið. Bréf kom einnig frá eigendum Bílfells sama efnis.

Afgreiðsla: Hreppsnefnd ákvað að boða landeigendur og stjórn sumarhúsafélagsins til fundar í Ásgarði laugardaginn 30. september og fara yfir málið.

 

3.      Fjallskil í Kjósarhreppi 2017

Afgreiðsla: Ákveðið var að fyrri rétt verði sunnudaginn 17. september kl 15:00 og seinni sunnudaginn 8. október kl 15:00.

 

4.      Reglur um fjárhagsaðstoð í Kjósarhreppi.                                                                           Afgreiðsla: Drög að nýjum reglum samþykkt frá og með 1. okt 2017 og sveitarstjóra falið að klára málið.

 

5.      Umsóknir um skráningu  “óstaðsett í hús” í Kjósarhreppi. Fyrir liggur núna umsóknir frá tveim fjölskyldum sem búsettar eru í sumarhúsum við Eyrar í Eilífsdal.

Afgreiðsla: Hreppsnefnd hafnar umsóknunum en bendir jafnframt á að hægt er að óska eftir að breyta sumarhúsalóðum í íbúðarhúsalóðir þar sem aðstæður eiga vel við.

 

6.      Guðmundur Daníelsson verkefnisstjóri Leiðarljóss og Jón Páll Hilmarsson hdl frá Pacta lögmönnum komu á fundinn um kl 15:00 og fóru yfir reglumál varðandi ljósleiðaralagningu í hreppnum. Einnig var farið yfir verkstöðuna og hvernig tengingum verði komið á inn á kerfi hreppsins.

 

7.      Mál til kynningar

a.                 Átta mánaða uppgjör Kjósarhrepps.

b.                 Staða innheimtu á fasteingagjöldum.

c.                  Fjárhagsstaða Leiðarljóss  ehf.

d.                 Kjósarskarðsvegur. Vinna við burðarlag og klæðingu á Kjósarskarðsvegi þokast áfram. Nýlega var klárað að leggja klæðingu niður að bílastæðinu við Þórufoss. Þannig að nú er komin klæðning á veginn frá Þingvallaheiði langleiðina að Fremri Hálsi í Kjós.

Skv. upplýsingum frá Vegagerðinni verður, föstudaginn 8. september nk, auglýst eftir tilboðum í endurbyggingu Kjósarskarðsvegar (48) frá Vindási og inn fyrir Fremri Háls. Verkið felst í undirbyggingu vegarins á sama stað, lögn ræsa, útlögn burðarlaga og klæðingar á 7,5 km kafla.

Verklok 1.október 2018. Tilboð verða opnuð 26.september nk.

Verður það virkileg samgöngubót þegar þessi mikilvægi vegur verður orðinn ökuhæfur.

 

 

 

Fundi slitið kl  17:00  GGÍ



Til baka