Kjósarhreppur - Myndir
13. desember 2018

Líf og fjör í sveitinni á aðventu

 

Lúsíur á aðventukvöldi í Reynivallakirkju 9. des sl.

 

Það er ekki hægt að segja annað en að líf og fjör sé í Kjósinni á þessari aðventu eins og áður.

 

Aðventumarkaðurinn í Félagsgarði var vel sóttur, hangikjötið rann út og Kirkjukór Reynivallasóknar sló í gegn með jólasöngvum sínum.
 
Um 80 manns mættu á aðventukvöldið í Reynivallakirkju á 2. sunnudegi í aðventu.
Kirkjugestir nutu þess að hlusta á englasöng 7 ungra stúlkna úr sveitinni, hlýða á einlæga hátíðarræðu Hrafnhildar í Fagralandi og njóta tónlistar Bubba Morthens á heimaslóðum. Gæddu gestir sér í lokin á heitu súkkulaði og áttu notalegt spjall við sveitungana.
 
Nær 20 manns mættu á upplestur úr jólabókum í Ásgarði í gærkvöldi, 12. desember. Þar sem Guðrún Eva Mínervudóttir, las upp úr smásagnasafni sínu um hann Austin frá Texas og Bjarni Harða fór á kostum í leiklestri bæði úr bók sinni Gullhreppurinn og úr ævisögu refaskytturnnar Guðmundar Einarssonar, Nú brosir nóttin eftir Theódór Gunnlaugsson og þá fékk hann Guðrúnu Evu sér til að stoðar að lesa um baráttu Guðmundar sem smá stráks við mannýga tarfinn. Báðar þessar bækur eru til á bókasafni Kjósarhrepps í Ásgarði ásamt heilum haug af nýjum og spennandi bókum.

 

Í dag 13. desember kl. 16,  verður auka fundur í hreppsnefnd þar sem farin verður síðari yfirferð yfir fjárhagsáætlanir sveitarfélagsins fyrir næsta ár og næstu 3 ár.
 
Fimmtudaginn 20. desember mun sr. Arna Grétarsdóttir, sóknarpresturinn okkar, bjóða eldra fólki úr Kjósinni og af Kjalarnesinu til  kaffisamsætis kl. 15, að prestssetrinu á Reynivöllum og gítarinn örugglega innan seilingar hjá sr. Örnu.
 
Hin árlega skötuveisla verður að venju í Félagsgarði á Þorláksmessu, sunnudaginn 23. des. kl. 13.00.
Nauðsynlegt er að skrá sig fyrir hádegi fimmtudaginn 20. des. á felagsg@gmail.com eða hjá Syrrý í síma 823 6123.  Verð kr. 2.300 á mann. Frítt inn fyrir 12 ára og yngri.

 
Í gær, miðvikudaginn 12. des létu konur í Kvenfélagi Kjósarhrepps enn á ný gott af sér leiða og mættu færandi hendi til Kvennadeildar Landspítalans, með tvo Lazyboy stóla að andvirði nær 300 þús kr.

F.v: Hrund Kvennadeild LSP, Sigurbjörg Meðalfelli,

Jóhanna Káraneskoti, Guðný Flekkudal formaður kvenfélagsins

og Soffía Traðarholti

 

 

Nú mega jólin koma í Kjósina

 

 

Ef einhverjir vilja láta vita af fleiri viðburðum í Kjósinni og/eða nágrenni þá endilega sendið póst á kjos@kjos.is og því verður komið á framfæri hér á síðunni.

 

 

P.S. Smá praktískt í lokin.

Gámaþjónustan mun tæma bæði almennar ruslatunnur og blaðatunnur, mánudaginn 17. desember.
Koma síðan aftur sunnudaginn 30. desember og tæma þá einnig bæði rusla- og blaðatunnur.

Fyrsta ferð þeirra á nýju ári verður mánudaginn 14. janúar 2019 og þriðju ferðina í röð ætla þeir að tæma bæði rusla- og blaðatunnur.


Í kjölfarið hefst rútinu tæmingarferlið þeirra, annan hvern mánudag ruslatunnan og blaðatunnan á 4 vikna fresti.

Þannig að mánudaginn 28. janúar verður einungis ruslatunnan tæmd, sorphirðudagatalið fyrir 2019 er að finna HÉR  

 

 


meira...
12. desember 2018

Nýtt aðalskipulag 2017-2029, samþykkt í sveitarstjórn

F.v.: G. Oddur Víðisson formaður Skipulags- og byggingarnefndar

         og Karl Magnús Kristjánsson oddviti Kjósarhrepps

 

 

 

Kjósarhreppur auglýsir afgreiðslu sveitarstjórnar samkvæmt 2.mgr. 32 gr. skipulagslaga nr: 123/2010 á Aðalskipulagi Kjósarhrepps 2017-2029.


Aðalskipulagstillagan var samþykkt í sveitarstjórn Kjósarhrepps  4.desember sl.

Áður hafði verið brugðist við athugasemdum og ábendingum Skipulagsstofnunar.

Í framhaldi af því er óskað eftir að Skipulagsstofnun staðfesti tillöguna og auglýsi í B-deild Stjórnartíðinda.

 

Formlega tilkynningu  er að finna HÉR

Einnig auglýst í Morgunblaðinu 12. desember 2018. 

 

Jón Eiríkur Guðmundsson
Skipulags- og byggingarfulltrúi Kjósarhrepps.

 

meira...
11. desember 2018

Ljósleiðarinn. Samningur við verktaka undirritaður

F.v. Karl Magnús Kristjánsson oddviti,

Jón Ingileifsson verktaki og Guðmundur Davíðsson

stjórnarformaður Leiðarljóss ehf

 

 

Skrifað var undir verksamning við Jón Ingileifsson ehf,

um jarðvinnu við lagningu ljósleiðararöra í Reykjavík / Kjós í dag,

þriðjudaginn 11. desember 2018.

 

Jón Ingileifsson var með lægsta tilboðið af þremur í verkið. Hinir tveir sem buðu voru Línuborun ehf og Þjótandi ehf.

 

Jón er reyndur verktaki í lagningu ljósleiðara og þekkir Kjósina mjög vel, þar sem hann sá um lagningu hitaveitu- og ídráttarröra fyrir ljósleiðarann í frístundahúsahverfin í Kjósinni 2016-2017.

 

 

Strax að undirskrift lokinni fóru Jón og Kjartan hjá Kjósarveitum í það að merkja lagnaleiðina og undirbúa sjálft verkið.

 

Guðmundur Daníelsson, verkefnisstjóri og Sigríður Klara hjá Kjósarhreppi eru að leggja lokahönd á gögn fyrir útboð á blæstri og tengivinnu á sjálfum ljósleiðaraþræðinum.

 

Nú fer hver að verða síðastur að sækja um ljósleiðaratengingu í þetta sinn,

umsóknareyðublaðið er HÉR   

og hægt að senda það skannað á netfangið kjos@kjos.is

 

 

 

meira...
6. desember 2018

Frá viðburða- og menningarmálanefnd

 

Upplestur í Ásgarði

 

Á næsta bókasafnskvöldi, miðvikudaginn 12. desember kl. 20 fáum við góða gesti í Ásgarð, en rithöfundarnir Bjarni Harðarson og Guðrún Eva Mínervudóttir munu koma kl. 20 og lesa upp úr bókum sínum. Bjarni mun kynna nýja bók sína Gullhreppurinn auk þess sem hann mun segja frá ævisögu refaskytturnnar Guðmundar Einarssonar, Nú brosir nóttin eftir Theódór Gunnlaugsson. Guðrún Eva mun lesa upp úr nýútkomnu smásagnasafni sínu Ástin, Texas. Boðið verður upp á kaffi og piparkökur, við hvetjum Kjósverja til að fjölmenna og njóta góðrar kvöldstundar saman í aðdraganda jólanna.

 

meira...
5. desember 2018

Aðventumarkaður í Félagsgarði 8. des

 

Aðventumarkaðurinn verður í Félagsgarði á laugardaginn 8. des frá kl. 12:00-17:00. Fjölbreyttar vörur verða á boðstólum og má þar nefna:
Snorri og Sveina verða með safaríkar jólasteikur frá kjötvinnslunni sinni, Sogni Holdanautakjöt.
Sigurbjörn og Bergþóra verða með sitt landsfræga, Kiðafells tvíreykt hangikjöt.
Sigga á Bakka verður með hönnun sína, SG Textil.
Nana verður með sitt frábæra handverk, Nana.
Rosmary heldur áfram að safna fyrir skólastarfi í Kenýja og mun sýna myndir af starfi þeirra hjá TEARS CHILDREN.
Svanborg Eyþórsdóttir verður með skartgripi, hekl, prjónavörur og tækifæriskort.
Kvenfélag Kjósarhrepps sér um veitingasölu þar sem allur ágóði rennur til líknarmála.
Kirkjukórinn kemur og iljar okkur með jólasöng kl. 13:30.
Þetta og margt fleira verður að finna í Félagsgarði laugardaginn 8. des. 

 

Auglýsingin er HÉR

meira...
4. desember 2018

Aðventukvöld í Reynivallakirkju 9. des

 

Aðventukvöld verður í Reynivallakirkju á öðrum sunnudegi í aðventu, 9. desember nk, kl. 20:00.


Hrafnhildur Hafsteinsdóttir, Fagralandi í Kjós flytur hátíðarræðu.
Eiginmaður hennar, Bubbi Morthens spilar og syngur fyrir kirkjugesti ásamt börnum úr Kjósinni.
 
Kirkjukór Reynivallaprestakalls syngur
Stjórnandi og organisti er Guðmundur Ómar Óskarsson.
 
Boðið verður upp á notalega stund við aðventukrans og kertaljós.
Heitt súkkulaði og piparkökur í kirkjunni.
 
Verið velkomin til kirkju.

Kærleikskveðja
Sóknarprestur og sóknarnefnd  
 

meira...
30. nóvember 2018

Fréttir af ljósleiðaranum

 

  Af ljósleiðaraverkefninu er það helst að frétta  að búið er að ná samkomulagi við alla forsvarsmenn þeirra 16 jarða og landspildna á Kjalarnesi,

sem ídráttarrörin verða lögð um.

 

Mánudaginn 3. des nk,

verða opnuð tilboð jarðvinnuverktaka í verkið:

Lagning ljósleiðara í REYKJAVÍK / KJÓS – JARÐVINNA.

 

 

Opnun tilboðanna verður kl. 13:00 á skrifstofu Kjósarhrepps, Ásgarði í Kjós og verða þau opnuð þar í samræmi við kafla 2.5 í ÍST 30:2012.

 

Gerð útboðsgagna er í höndum Kristins Haukssonar hjá Eflu hf.

Ráðgjafi við verkefnið er Guðmundur Daníelsson hjá Snerru ehf., sem jafnframt veitir frekari upplýsingar, netfang: gudmundur@snerra.com

Verið er að leggja lokahönd á gögn varðandi tilboð í blástur og tengivinnu á sjálfum ljósleiðaraþræðinum.

 

Þeir sem sótt hafa um tengingu við ljósleiðarann fá sendan reikning vegna tengigjalds innan tíðar eða strax og ljóst verður að hægt verði að hefjast handa við blástur sjálfs ljósleiðarans í rörin sem þegar eru komin í jörð.

 

Umsóknareyðublað er að finna undir Umsóknareyðublöð - hér til vinstri á síðunni.

 

Svo nú er að vonast eftir hagstæðum tilboðum frá vinnusömum verktökum og mildum vetri, til að þetta verkefni klárist sem fyrst.   

 

Góðar fréttir að taka með sér inn í helgina !
 

meira...
30. nóvember 2018

Hrútaskráin 2018-2019 komin út

Aðalfundur Sauðfjárræktarfélagsins Kjós var haldinn í gær, fimmtudag 29. nóvember 2018 í Ásgarði í Kjós.

Á fundinum var að venju farið yfir skýrslu stjórnar, ársreikning og svo var sitjandi stjórn kjörin áfram óbreytt.

 

Við fengum heimsókn frá sérfræðingum RML og BúVest sem fóru yfir stigahæstu lambhrútana, bestu kjötgæðahrútana og bestu ærnar á svæði félagsins.

Það er hrúturinn Bárður frá Kiðafelli sem er stigahæsti lambhrúturinn þetta árið með 87,5 stig.

Hrúturinn með besta BLUPið fyrir gerð á svæðinu er Ölur frá Morastöðum með hvorki meira né minna er 125 stig.

Besta ærin er sú ær sem er með hæstu kynbótaeinkunnina (samanlögð einkunn fyrir kynbótamat fyrir skrokkgæði, frjósemi og mjólkurlagni). Sú ær sem hlaut þennan titil var Skolta frá Kiðafelli með 110 stig og ákvað félagið að verðlauna Sigurbjörn og Bergþóru fyrir hana.

 

Að lokum fengu fundarmenn kynningu á því sem er helst að frétta úr sauðfjárræktinni á landinu í dag ásamt kynningu á þeim sæðingarhrútum sem eru í boði á sæðingarstöð Vesturlands í ár.

 

Fyrir áhugasama sem ekki komust á fundinn liggja nokkur eintök af hrútaskránni í Ásgarði.

 

 

Takk fyrir okkur,

Stjórn SF Kjós.

Ólöf Ósk Guðmundsdóttir formaður,

Ingibjörg Ásta Guðmundsdóttir gjaldkeri,

Hafþór Finnbogason ritari.

 

 

meira...
27. nóvember 2018

Aðalfundur UMF Drengs 6. des

 

 

Aðalfundarboð UMF Drengs.


Aðalfundur Ungmennafélagsins Drengs í Kjós

 verður haldinn

fimmtudaginn 6. desember næstkomandi

kl 20:00 í Ásgarði í Kjósarhreppi.

 

 


Dagskrá aðalfundar:


1. Skýrsla stjórnar um unnin störf á árinu.
2. Ársreikningur lesinn upp til samþykktar.
3. Tillaga um breytingar á lögum, til samþykktar á aukafundi.    
4. Tillaga lögð fram um ársgjald næsta árs.
5. Kosning stjórnar.
6. Önnur mál sem félagið varðar.

 


Vonumst til að sjá sem flesta.

Stjórn UMFD

 

meira...
26. nóvember 2018

Auka fundur í hreppsnefnd - 27. nóv

 

Fundur verður haldinn í hreppsnefnd  Kjósarhrepps, 

27. nóvember 2018,

í Ásgarði og hefst  kl 19:00

 

Dagskrá:

 

  1. Fjárhagsætlanir.
  1. Forsendur fjárhagsáætlunar 2019.
  2. Fyrri umræða fjárhagsáætlunar 2019 -2022.

 

  1. Önnur mál.
  1. Umsóknir um starf byggingarfulltrúa.

 

meira...
26. nóvember 2018

Aðalfundur Adams - 3.des


 

 

Aðalfundur

Hestamannafélagsins Adams í Kjós

verður haldinn mánudag 3. desember 2018

kl. 20.30 í Ásgarði í Kjósarhreppi

 

 

 

 


Dagskrá fundarins:


1. Kosning fundarstjóra og fundarritara.


2. Lesin upp nöfn þeirra, sem æskt hafa inngöngu í félagið á árinu, og leitað samþykkis fundarins.


3. Formaður leggur fram og sk‎‎‎‎‎‎ýrir skýrslu stjórnar um starfsemi félagsins á liðnu ári.


4. Gjaldkeri leggur fram og sk‎ýrir reikninga félagsins.


5. Umræður um liði 3. og 4. og atkvæðagreiðsla um reikninga félagsins.

 

6. Formenn nefnda leggja fram og sk‎ýra starf viðkomandi nefnda á liðnu ári. Kynning á reglum stjórnar um að veitingu ræktunarverðlauna til félagsmanns (félagsmanna).


7. Kosning fjögurra meðstjórnenda og tveggja varamanna til eins árs í senn.


8. Kosning tveggja skoðunarmanna.


9. Tillaga lögð fram til samþykktar um árgjald næsta árs.


10. Veiting ræktunarverðlauna.


11. Önnur mál sem félagið varðar.

 

Reikningar félagsins liggja frammi til skoðunar fyrir félagsmenn hjá formanni félagsins.

 

Stjórn Hestamannafélagsins Adams í Kjós

 


 

meira...
23. nóvember 2018

Frá Viðburða- og menningarmálanefnd

 

Bókasafnið verður næst opið miðvikudaginn 28. nóvember frá kl 17:00-21:00.

þann dag mæta þeir félagar Gunnar Helgason og Ævar Þór Benediktsson (Ævar vísindamaður) í Ásgarð kl 17:00 og lesa upp úr bókum sínum. Börn og unglingar eru hvött til að mæta og taka að sjálfsögðu foreldra og systkini með.

 

Námskeið í tálgun - jólaseríugerð

Ólafur Oddsson býður Kjósverjum upp á að koma og læra að búa til tálgaðar jólaseríur úr birki, selju, víði og fleiri viðartegundum fyrir jólin.

Námskeiðið fer fram í Ásgarði miðvikudaginn 5. des frá 18-22.

Nauðsynlegt er að skrá sig svo hægt sé að undirbúa efniðviðinn sem þarf til, hámarksfjöldi þátttakenda er sjö, lágmark fimm.

Vinsamlegast skráið ykkur fyrir föstudaginn 30. nóvember með því að senda póst á oli@skogur.is Þangað má einnig senda fyrirspurnir ef nánari upplýsinga er óskað. Námskeiðið kostar 5.000 kr, allur efniskostnaður er innifalinn og áhöld á staðnum. Einnig verður hægt að kaupa tálgunarhnífa á 3.000 kr ef einhverjir kjósa að halda áfram með verkið heima. 

 

meira...
23. nóvember 2018

Áttu rétt á ferðastyrk eða frístundastyrk ?

 

    Kjósarhreppur minnir á að hægt er að sækja um hina ýmsu styrki hjá sveitarfélaginu, sem unga námsmenn og þeirra foreldra munar um.

 

Nýjasti styrkurinn er sérstakur húsnæðisstuðningur vegna barna 15-17 ára sem þurfa að leigja á heimavist vegna náms fjarri lögheimili, veittur á grundvelli laga um félagsþjónustu sveitarfélaga nr. 40/1991 og byggir á meginreglum þeirra laga.

 

 

Nánar um  styrki og úthlutunarreglur er að finna hér til vinstri undir: Samþykktir og gjaldskrár

 

Vakin er athygli á eftirfarandi styrkjum
Ferðastyrkur grunnskólanema vegna félagsmiðstöðva- umsókn
Ferðastyrkur framhaldsskólanema - umsókn
Sérstakur húsnæðisstuðningur, 15-17 ára  - umsókn

Frístundastyrkur - umsókn

 

Allar umsóknir er að finna undir: http://kjos.is/umsoknareydublod/

 

 

 

meira...
23. nóvember 2018

Ungmennaráð Kjósarhrepps

 

Ungmennaráð Kjósarhrepps. Ertu á aldrinum 13 - 18 ára?


 

Kjósarhreppur auglýsir eftir áhugasömum til að sitja í ungmennaráði sveitarfélagsins.

Ungmennaráð er skipað þremur ungmennum á aldrinum 13-18 ára.

 

Hlutverk ungmennaráðs er m.a að vera sveitastjórn til ráðgjafar um málefni ungs fólks eins og segir í 2.mgr. 11.gr æskulýðslaga nr. 70/2007.
 
Áhugasöm hafi samband við Regínu Hansen Guðbjörnsdóttur

formann Félags- æskulýðs- og jafnréttisnefndar Kjósarhrepps

 í gegnum netfangið: kjos@kjos.is

 

 

 

 

meira...
14. nóvember 2018

Sauðfjárræktarfélagið í Kjós - aðalfundarboð

 

Aðalfundur Sauðfjárræktarfélagsins í Kjós verður haldinn

fimmtudaginn 29. nóvember 2018 kl. 20.00 í Ásgarði í Kjós.


Á dagskrá eru hefðbundin aðalfundarstörf og svo er von á ráðgjafa frá RML í heimsókn. Hann ætlar fyrst að fara yfir uppgjör búanna á svæðinu fyrir árið 2017 og í framhaldinu verður farið yfir hrútakostinn á sæðingastöð í vetur.


 

Dagskrá:
1. Skýrsla stjórnar um unnin störf á árinu
2. Ársreikningur lesinn upp til samþykktar
3. Kosning stjórnar
4. Uppgjör búanna á svæðinu árið 2017
5. Kynning á hrútum á sæðingastöð


Kaffi í boði!


 

Hlökkum til að sjá sem flesta.
Stjórn SF Kjós


 

meira...
13. nóvember 2018

Auglýsing frá Lýðháskólanum á Flateyri

 

 

Lýðháskólinn á Flateyri - getur bætt við sig 2-4, nemendum á vorönn


Kennsla hófst við Lýðháskólann á Flateyri 20. september síðastliðinn með 29 nemendum á tveimur námsbrautum.

 

Skólinn getur bætt við sig 1-2 nemendum í hvora námsbraut á vorönn.

Á námsbrautinni: Hafið, fjöllin og þú,    

miðar námið að því að upplifa náttúruna á nýjan hátt með því  að ferðast um hana, vinna með hana, nýta hana og kanna á öruggan hátt. Stór hluti námsins fer fram utan dyra í öllum veðrum og við hinar ýmsu aðstæður.

 

Á námsbrautinni:  Hugmyndir, heimurinn og þú,

 miðar námið að því að þroska og þróa nemendur sem skapandi einstaklinga þar sem þeir öðlast þekkingu og færni í ferlum skapandi starfs allt frá hugmyndavinnu, yfir í framkvæmd og miðlun.

 

Lýðháskólinn á Flateyri er samfélag nemenda og kennara sem býður fólki tækifæri til að þroskast og mennta sig í samstarfi við íbúa á Flateyri.

Einkunnarorð skólans eru frelsi, þekking og þroski.

 

Í Lýðháskólanum á Flateyri hefur fólk frelsi til menntunar út frá sínum einstaklingsbundnu forsendum. Því byggir skólinn ekki á prófum, einkunnum eða gráðum, heldur skapar hann nemendum sínum aðstæður og umgjörð til náms og menntunar. Ábyrgð á náminu er nemandans þar sem megináherslan er á að uppgötva og styrkja þá einstöku hæfileika sem hver og einn býr yfir í umhverfi sem er fullt af áskorunum en um leið ríkt af stuðningi, endurgjöf og samvinnu.

 

Sótt er um á vefsvæði skólans:  https://lydflat.is/umsoknir-og-inntokuskilyrdi/

 

Umsóknarfrestur er til 20. nóvember n.k.  en kennsla á vorönn hefst þann 7. janúar.

 

Hver sem náð hefur 18 ára aldri við upphaf námsannar getur sótt um skólavist við Lýðháskólann á Flateyri. Við leitum eftir nemendum sem eru áhugasamir, viljugir og tilbúnir til að taka þátt, deila ábyrgð og prófa eitthvað nýtt.

Frekari upplýsingar er að finna á vefsvæði skólans https://lydflat.is/

Vinsamlega hikið ekki við að hafa samband ef frekari upplýsinga er þörf.


Hlýjar kveðjur,

Helena Jónsdóttir
Lýðháskólinn á Flateyri – skólastjóri
skolastjori@lydflat.is
s. 661 7808

 

 

meira...
12. nóvember 2018

Nýjar bækur komnar - opið á miðvikudaginn

 

Bókasafnið í Ásgarði verður opið

miðvikudaginn 14. nóvember frá 17-21.

 

Nýjar bækur komnar á safnið

Fyrstir koma fyrstir fá !!

 

Að þessu sinni verður ekki skipulögð dagskrá,

en þess í stað helgum við kvöldið handverki og hannyrðum og hvetjum Kjósverja til að koma með prjónana/tálguhnífana eða hvað annað sem er og nýta rýmið til að hittast og deila fróðleik og ráðum með hvert öðru.

 

Eflaust geta þau sem hafa meiri reynslu t.d. af prjónaskap gefið þeim reynsluminni ráð.


Einnig hvetjum við barnafjölskyldur í Kjósinni til að nýta sér opnunartíma bókasafnsins, en nýtt barnabókasafn hefur verið opnað á efri hæðinni í Ásgarði með fjölda nýrra bóka og því tilvalið að kíkja við seinnipart dags og nýta sér rýmið.
 

meira...
8. nóvember 2018

Aðventumarkaður 8. des - hvað viltu selja?

 

 

Aðventumarkaðurinn í Kjós verður haldinn í Félagsgarði 8. des kl. 12 - 17.
Þeir sem hafa áhuga á að vera með sölubása í Félagsgarði eru vinsamlegast beðnir að hafa samband við staðarhaldarann þar,

Einar Tönsberg með gmailið: felagsg@gmail.com
eða í gsm: 6595286

 

 

meira...
7. nóvember 2018

Plastgámar tæmdir í dag

 

Bíll frá Gámaþjónustunni er í Kjósinn í dag að tæma gáma með rúlluplasti 

Því miður láðist að láta vita af komu bílsins með góðum fyrirvara.

Beðist er velvirðingar á því

 

 

meira...
6. nóvember 2018

Minning látinna í Reynivallakirkju næsta sunnudag

 


  

Sunnudaginn 11. nóvember verður messa i Reynivallakirkju kl.14.

 

Kveikt verða ljós í minningu látinna ástvina og sveitunga.

 

Kirkjukór Reynivallaprestakalls syngur undir stjórn Guðmundar Ómars Óskarssonar organista.

 

Formaður sóknarnefndar, Sigríður Klara Árnadóttir les ritningarlestra og tendrar minningarljós.


Sóknarprestur þjónar.

 

Verið hjartanlega velkomin til athafnarinnar

Sóknarprestur og sóknarnefnd

 


 

 

 


 

meira...
2. nóvember 2018

Næsti hreppsnefndar fundur 6. nóv

 

 

Fundur verður haldinn í

hreppsnefnd  Kjósarhrepps, 

6. nóvember 2018,

í Ásgarði og hefst  kl 16:00

 

 

 

Dagskrá:

1. Fundargerðir nefnda.
       a. Félags- æskulýðs- og jafnréttismálanefnd  4. október og

            30. október.
       b. Samgöngu- og fjarskiptanefnd 29. október.
       c. Skipulags- og byggingarnefnd 8. október. 
       d. Umhverfisnefnd 17. október.
       e. Viðburða- og menningarmálanefnd 1. október og 31. október.

 

 

2. Fjárhagsáætlanir.
     a. Forsendur fjárhagsáætlunar 2019.
     b. Fyrri umræða fjárhagsáætlunar 2019.
     c. Fyrri umræða um fjárhagsáætlanir 2020, 2021 og 2022.

 

3. Eftirlitsnefnd um fjármál sveitarfélaga (EFS).
     a. Bréf dags. 10. október sl..
     b. Svar til EFS

 

4. Vík lögmannsstofa vegna Búðarsands.
     Lagt fram bréf dagsett 2. október.

 

5. Önnur mál.
     a. Umsóknir um starf byggingarfulltrúa.
     b. Lóðir í Norðurnesi.

 

6. Mál til kynningar
     a. Stjórn SSH 461. fundur.
     b. Stjórn SSH 462. fundur.
     c. Stjórn Sambands íslenskra sveitarfélaga 863. fundur.
     d. Stjórn Sambands íslenskra sveitarfélaga 864. fundur.
     e. Heilbrigðisnefnd Kjósarsvæðis 40. fundur,

           ásamt fjárhagsáætlun 2019. 

 

 

 

 

meira...
30. október 2018

Breyttur opnunartími á skrifstofu Kjósarhrepps

 

 

    

Frá og með 1. nóvember 2018,  

verður skrifstofa og símsvörun

Kjósarhrepps opin sem hér segir:

 

Mánudaga - fimmtudaga  kl 10 - 15

Lokað föstudaga

 

Netfang: kjos@kjos.is

 

 

Kjósarveitur, bakvaktarsími: 853-2112

 

Hreppsnefnd Kjósarhrepps

 

 

meira...
29. október 2018

Bókasafnið og námskeið næsta miðvikudag

 

Bókasafnið verður næst opið miðvikudaginn 31. október frá 17-21.

 

Ólafur Oddsson mætir kl 20:00 með fræðandi erindi um
Tálgun og sjálfbærar skógarnytjar
Ólafur hefur haldið námskeið tengd sjálfbærni, skógrækt, tálgun og tengslum við náttúruna um árabil. Hugmyndin er að í kjölfar erindisins verði rætt hvort áhugi sé meðal Kjósverja á að sækja stutt námskeið í tálgun í vetur.

Á opnum fundi menningar- og viðburðarnefndar á dögunum kom upp sú fyrirtakshugmynd að einnig mætti nýta opnunartíma bókasafnsins til að hittast með handverk og hannyrðir.
Við hvetjum Kjósverja til að nýta tækifærið þegar bókasafnið er opið og njóta góðra stunda saman í Ásgarði, hvort sem það er til að fá sér kaffibolla, prjóna, ná sér í bók og sækja fræðslu eða bara til að sýna sig og sjá aðra.
Einnig hvetjum við barnafjölskyldur í Kjósinni til að nýta sér opnunartíma bókasafnsins, en nýtt barnabókasafn hefur verið opnað á efri hæðinni í Ásgarði með fjölda nýrra bóka og því tilvalið að kíkja við seinnipart dags og nýta sér rýmið.
 

meira...
26. október 2018

Kvenfélag Kjósarhrepps lætur gott af sér leiða til Grensáss

 

Konur í Kvenfélagi Kjósarhrepps komu færandi hendi föstudaginn 19. október sl., á Grensásdeild - Endurhæfingardeild Landspítalans.


Allur ágóði af kaffisölu kvenfélagsins á Kátt í Kjós sl. sumar, ásamt rausnarlegri viðbót frá félaginu, dugði til að kaupa tvær UNO loftdýnur til varnar þrýstingssárum, oft nefnd legusár.
Auk þess að bæta lífsgæði sjúklinga þá auðvelda þessar dýnur starfsfólki alla umönnun og að sinna sínu mikilvæga starfi hjá Grensásdeildinni.
Andvirði gjafarinnar er um ein milljón króna.


Vel var tekið á móti kvenfélagskonum, voru þar í fararbroddi Sigríður Guðmundsdóttir, deildarstjóri og Steinar Gíslason, sjúkraliði frá Meðalfelli í Kjós.

Fengu konur fræðslu um starfið, vettvangsferð um endurhæfingardeildina, í lokin var boðið upp á heimabakaðar pönnukökur og fleira gott með kaffinu.


F.v.: Tobba Írafelli, Dóra Neðra Hálsi, Sigríður deildarstjóri Grensás,
Steinar sjúkraliði Meðalfelli, Regína Lækjarbraut 2, Soffía Traðarholti,
Katrín Kiðafelli 3 og Sigríður Klara Klörustöðum
Kaffihlaðborð í Ásgarði, á Kátt í Kjós 21. júlí sl.
F.v.: Tobba Írafelli, Birna Eyrum 19, Dóra Neðra Hálsi, Guðný Flekkudal,
Soffía Traðarholti, Hulda Eilífsdal, Sigurbjörg Meðalfelli,
Regína Lækjarbraut 2 og Sigríður Klara Klörustöðum.

 

 

 

meira...
25. október 2018

Breytingar á almennri sorphirðu

 

Vegna breytinga hjá Gámaþjónustunni þarf að færa sorphirðudaga og skipta um viku.

 

Samkvæmt gamla planinu áttu þeir að vera hjá okkur næsta mánudag 29. okt en koma þess í stað á morgun föstudag 26. október , koma aftur mánudag 5. nóvember

og tekur þá við meðfylgjandi dagatal, sjá: HÉR

 

Beðið er afsökunar á þessu en í kjölfarið er von Gámaþjónustunnar

að auglýstir sorphirðudagar standist framvegis.

 

meira...
23. október 2018

Rafmagnslaust í hluta af Kjós, miðvikudag 24.okt

  

Rafmagnslaust verður í Kjós frá Bæ að Eyjatjörn og Meðalfelli

á morgun miðvikudag 24.10.2018

frá kl 14:00 til kl 16:00

vegna færslu á háspennustreng við Grjóteyri/Flekkudal.

 

Mögulega kemur rafmagn á í stuttan tíma undir lok straumleysis vegna prófunar

 

Nánari upplýsingar veitir Svæðisvakt RARIK Vesturlandi í síma 528 9390.  

 

meira...
22. október 2018

Bubbi Morthens spilar í Félagsgarði 27. okt.

 

 

Bubbi Morthens spilar í Félagsgarði 27. okt.

Flutt verður nýtt efni í bland við eldra og þekktara efni.

 

Tónleikarnir hefjast kl. 20:30 og húsið opnar 30 mínútum fyrr.

Verð 3.990 kr. 

Miðasala er við innganginn og á midi.is

 

Barinn verður opinn.

Hlökkum til að sjá sem flesta sveitunga.

 

 

 

 

 

 

meira...
22. október 2018

Auglýst eftir byggingar- og skipulagsfulltrúa


Laust er starf byggingar- og skipulagsfulltrúa í Kjósarhreppi.

Leitað er eftir öflugun og hæfum einstaklingi sem hefur áhuga á starfi á þessu sviði. Um er að ræða hlutastarf.
Starfsmaðurinn fer með framkvæmd byggingar- og skipulagsskipulagsmála samkvæmt lögum og sinnir verkefnum í samstarfi við skipulags- og byggingarnefnd sveitarfélagsins sem starfar í umboði hreppsnefndar ásamt því að vinna náið með oddvita/sveitarstjóra.

 

Helstu verkefni:
• Móttaka skipulags- og byggingarerinda
• Undirbúningur og eftirfylgni funda skipulagsnefndar
• Úttektir, mælingar og vettvangsathuganir
• Útgáfa byggingarleyfa, framkvæmdaleyfa og stöðuleyfa.
• Umsagnir vegna útgáfu rekstrar og/eða starfsleyfa
• Yfirferð uppdrátta
• Skráning fasteigna og stofnun lóða.
• Umsjón með skjalavistun er varðar skipulags og byggingarmál og tryggja virkni gæðakerfis byggingarfulltrúa.

 

Menntunar- og hæfniskröfur:
• Umsækjendur skulu fullnægja menntunar- og hæfniskröfum 7. gr. skipulagslaga nr. 123/2010 og 25. gr. mannvirkjalaga nr. 160/2010.
• Þekking og reynsla af skipulags- og byggingarmálum ásamt opinberri stjórnsýslu er æskileg.
• Mikilvægt er að umsækjandi hafi iðnmenntun í byggingariðnaði sem bakgrunn.
• Góðir samskiptahæfileikar eru nauðsynlegir.
• Skipulögð og fagleg vinnubrögð.

 

Konur jafnt sem karlar eru hvattar til að sækja um starfið.
Laun og önnur starfskjör eru samningsatriði.


Nánari upplýsingar veitir oddviti í síma 566 7100.

Umsóknir ásamt fylgigögnum skal senda á netfangið: oddviti@kjos.is

Umsóknarfrestur er til 5. nóvember. 

 

Prentútgáfa auglýsingar: HÉR

 

 

meira...
19. október 2018

Bestu hrútarnir í sveitinni

Hrútasýning Sauðfjárræktarfélagsins í Kjós fór fram mánudaginn 15. október sl. Í félaginu eru sauðfjárbændur í Kjós, á Kjalarnesi og í Mosfellsbæ og kepptu þeir sín á milli um hver ætti besta hrútinn. Keppt var í nokkrum flokkum og fengu bændur stiguð og ómmæld lömb og veturgamla hrúta.
Hrúturinn Ölur bar sigur úr býtum en hann er í eigu Orra og Maríu Dóru á Morastöðum sem hlutu því hinn eftirsótta hreppaskjöld. Í umsögn dómara er Ölur sagður jafnbestur og með þykkasta bakvöðvann.

Að sögn Maríu Dóru er galdurinn að rækta hrútana vel og setja einungis þá bestu undir, þá endar með því að maður uppsker. „Það skiptir mjög miklu máli að eiga góða hrúta, enda eiga þeir flestu afkvæmin“, segir María Dóra.

 

Úrslit hrútasýningarinnar:


Kollóttir lambhrútar
1. sæti – Lamb nr. 18 frá Kiðafelli. 87,5 stig. Gríðargóður og vænn, 67 kg með 32 mm bakvöðva.
2. sæti – Lamb nr. 3 frá Kiðafelli. 85 stig. Vænn hrútur.
3. sæti – Lamb nr. 14 frá Kiðafelli. 87 stig. Vænn hrútur.

 

Mislitir lambhrútar
1. sæti – Svartur hrútur frá Morastöðum. 85 stig. Lítill en vel gerður og með bestu læraholdin.
2. sæti – Mórauður hrútur frá Þórunni á Hraðastöðum. 85,5 stig. Fallegur hrútur með góðan bakvöðva.
3. sæti – Svartflekkóttur hrútur frá Reyni Hólm í Víði. 84,5 stig. Vænn hrútur.

 

Hyrndir hvítir lambhrútar
1. sæti – Lamb nr. 885 frá Morastöðum. 86,5 stig. Holdaköggull og pakkaður af kjöti.
2. sæti – Lamb nr. 328 frá Kiðafelli. 86,5 stig. Jafngóður hrútur fyrir alla þætti.
3. sæti – Lamb nr. 9 frá Kiðafelli. 86 stig. Vænn 64 kg hrútur, langur með góða ull.
4. sæti – Lamb nr. 442 frá Miðdal. 85,5 stig.

 

Veturgamlir hrútar
1. sæti – Ölur frá Morastöðum. Hvítur, hyrndur. 85 stig. Jafnbestur og með þykkasta bakvöðvann.
2. sæti – Tralli frá Miðdal. Hvítur, kollóttur. 86 stig. Þéttur hrútur með góð læri og malir.
3. sæti – Skeggi frá Reykjum. Grár, hyrndur. 85 stig. Jafnöflugur hrútur með góðar malir og læri.
4. sæti – Sprengisandur frá Kiðafelli. Svartur, hyrndur. 85,5 stig.

 

Gaman er að segja frá því að sigurvegarinn í Veturgamla flokknum, Ölur frá Morastöðum, er faðir lambs nr 885 frá Morastöðum sem stóð efstur í flokki hyrndra hvítra lambhrúta.

 

Birt með leyfi Mosfellings...

 

Efstu fjórir í flokki veturgamalla hrúta: Guðbrandur  Sigurbergsson með Sprengisand frá Kiðafelli,

Hafþór Finnbogason með Tralla frá Miðdal,

Orri Snorrason með Öl frá Morastöðum og

Ingibjörg Ásta Guðmundsdóttir með hrútinn Skeggja frá Reykjum í Mosfellsbæ.

Kollóttir lambhrútar í efstu sætunum allir frá Kiðafelli í Kjós
 

meira...
16. október 2018

Fundur í hreppsnefnd næsta fimmtudag


   

Fundur verður haldinn í hreppsnefnd  Kjósarhrepps, 

18. október 2018,

í Ásgarði og hefst  kl 17:00

Fundurinn er aukafundur.

            
Mæta eiga:
Karl Magnús Kristjánsson,  Regína Hansen Guðbjörnsdóttir, Sigríður Klara Árnadóttir, Þórarinn Jónsson og Sigurþór Ingi Sigurðsson sem mætir sem 2. varamaður í forföllum Guðnýjar G. Ívarsdóttur.


Dagskrá:


1. Drög að samsstarfssamningi um fjarskiptainnviði við Reykjavíkurborg.

2. Breytingar á skrifstofu Kjósarhrepps.

3. Önnur mál.
 

 

meira...
14. október 2018

Bókasafnið opið næsta miðvikudag

 

Bókasafnið verður næst opið miðvikudaginn 17. október frá 17-21.

 

Björn Hjaltason mætir kl 20:00 með fræðandi erindi um

Það smáa í náttúrunni.

Björn er liðtækur ljósmyndari og hefur um árabil tekið magnaðar myndir af plöntum og skordýrum.

 

Á opnum fundi menningar- og viðburðarnefndar á síðasta bókasafnskvöldi kom upp sú fyrirtakshugmynd að einnig mætti nýta opnunartíma bókasafnsins til að hittast með handverk og hannyrðir.

Við hvetjum Kjósverja til að nýta tækifærið þegar bókasafnið er opið og njóta góðra stunda saman í Ásgarði, hvort sem það er til að fá sér kaffibolla, prjóna, ná sér í bók og sækja fræðslu eða bara til að sýna sig og sjá aðra. 

 

meira...
11. október 2018

Hrútasýning í Kjósinni

 

Hin árlega hrútasýning fyrir Mosfellsbæ, Kjalarnes og Kjós verður haldin að Kiðafelli,  mánudaginn 15. október og hefst klukkan 13.00. Þar geta bændu fengið stiguð og ómmæld lömb og veturgamla hrúta.

 

Þeir sem vilja nýta sér þessa þjónustu RML eru beðnir að hafa samband við Ólöfu Ósk í síma 849-8254 eða á netfangið olofosk@lbhi.is.

 

Um kl. 16:00 verður verðlaunaafhending fyrir góðan árangur í sauðfjárrækt og eru allir hjartanlega velkomnir til að vera viðstaddir og þiggja kaffiveitingar. Svo er auðvitað um að gera að kaupa og selja kynbótagripi!

 

Hlökkum til að sjá ykkur.

 

Sauðfjárræktarfélagið Kjós

 

meira...
10. október 2018

Sviðaveisla á Hjalla 3.nóv

Fjármarkið - Gagnbitað Fjármarkið - Fjöður

   

 

Sviðaveisla í Hlöðunni að Hjalla 3.nóvember 2018
Miðapantanir: kaffikjos@kaffikjos.is

eða í síma 8972219 Hermann/ 8682219 Birna
Húsið opnar kl. 20 - Borðhald kl.21
Kokkur Jón Þór
Miðaverð kr. 5.000
Pantanir fyrir 1.nóv. 

 

 

meira...
9. október 2018

Skrifstofa Kjósarhrepps lokuð 11. og 12. okt

 

 

 

 Skrifstofa Kjósarhrepps verður lokuð

fimmtudaginn 11. október og föstudaginn 12. október

vegna Fjármálaráðstefnu sveitarfélaga.

 

 

 

meira...
8. október 2018

Villibráðarkvöld í Kjós 17. nóvember

 

 

Glæsilegt villibráðarkvöld verður haldið í Félagsgarði í Kjós,

laugardaginn 17. nóvember

-  kl. 19:00.


Allra aðfanga er aflað af Kjósverjum, meistarakokkur sér um að töfra fram það besta úr hverju hráefni fyrir sig, svo bragðlaukarnir munu hreinlega dansa af kæti.


Meginstreymi, uppáhalds hljómsveit Kjósverja, sér um danstónlistina.

 
Miðaverð: 14.500 kr - takmarkaður fjöldi miða, þjónað verður til borðs.
Miðapantanir á netfangið: villibradarkvold.kjos@gmail.com

 

Viðburðurinn er opinn öllum sem kunna að meta kjöt og góðan félagsskap.
Allur ágóði rennur til góðra mála í Kjósinni. 

 

Áhugamannahópur Kjósverja um villibráð

og skynsamlega nýtingu afurða náttúrunnar stendur fyrir kvöldinu.

  

 

meira...
5. október 2018

Ljósleiðarinn - Samstarfssamningur við Reykjavíkurborg samþykktur

 

Á fundir borgarráðs nr. 5517, sem haldinn var í gær, 4.október,  var loksins samykktur samstarfssamningur Kjósarhrepps og Reykjavíkurborgar um lagningu ídráttarröra fyrir ljósleiðara frá Kiðafelli í Kjós að Grundarhverfi á Kjalarnesi.
 
Á fundinum voru lagðar fram eftirfarandi bókanir:
Borgarráðsfulltrúar Sjálfstæðisflokksins og áheyrnarfulltrúi Miðflokksins:
„Borgarráðsfulltrúar fagna því að loks sé komið að lagningu ljósleiðara á þessu svæði sem bætir netsamband íbúa. Þetta svæði hefur því miður lengi verið vanrækt af borginni.“

 

Borgarráðsfulltrúar Samfylkingar, Viðreisnar, Pírata og Vinstri grænna: 
„Góð tækni til að tryggja gott aðgengi að internetinu og öðrum miðlum ýtir undir upplýsingafrelsi og er styrking innviða hvað þetta varðar ákveðin lýðræðisleg aðgerð. Borgarfulltrúar meirihlutans eru ánægðir með að náð hafi verið lendingu í þessu máli.“
 
Fundargerðina í heild sinni (okkar mál er nr. 25 í röðinni ) er að finna inn á: https://reykjavik.is/fundargerdir/fundur-nr-5517
 
Ber að fagna þessu mikilvæga samkomulagi sem náðst hefur við Reykjavíkurborg og þar með er kominn grunnur að áframhaldandi vinnu við ljósleiðaravæðingu hér í Kjósinni.


Næsta verkefni er að ná samkomulagi við landeigendur þeirra jarða sem gert er ráð fyrir að ídráttarrörin fari um.

 

 

 

 

 

meira...
1. október 2018

Dagskrá hreppsnefndarfundar

 

Dagskrá næsta hreppsnefndarfundar þann 2. október 2018 má sjá HÉR 

meira...
1. október 2018

Bókasafnið í Ásgarði

 

Bókasafnið í Ásgarði opnar fyrst þann 3. október 2018 og verður opið frá kl. 17-21 á miðvikudögum á tveggja vikna fresti í vetur.

Svanborg Magnúsdóttir tekur að sér umsjón með því í vetur.

 

Barnafólk er sérstaklega hvatt til að nýta sér bókasafnið, en nýr opnunartími er sérstaklega miðaður að þeim hóp, auk þess sem þó nokkuð hefur verið bætt við barnabókasafnið og það fært í sér rými á annarri hæð hússins.

 

Bókatíðindi verða á staðnum og gefst gestum bókasafnsins kostur á að láta vita af bókum sem þeir vilja láta bókasafnið kaupa.

Börnin eru sérstaklega hvött til að koma og búa sér til óskalista því ætlunin er að auka enn frekar við úrvalið af barnabókum.

 

Einnig verður boðið upp á ýmsa fræðslu og viðburði á opnunartíma bókasafnsins í vetur, en á fyrsta bókasafnskvöldinu mun viðburða- og menningarmálanefnd ríða á vaðið með því að halda opinn nefndarfund þar sem Kjósverjum er boðið að eiga samtal við nefndina um þau verkefni sem eru framundan og koma með tillögur að fleiri verkefnum sem nefndin gæti unnið að.

 

Gamlar myndir liggja frammi, sumar hverjar sem þarf að bera kennsl á fólk og/eða  umhverfi. 

 

Gestir eru einnig hvattir til að koma með fleiri myndir sem tengjast mannlífinu í Kjósinni sem nefndin gæti skannað og haldið til haga, sérstaklega óskum við eftir gömlum myndum af Kjósarrétt.

 

Sr. Arna Grétarsdóttir kemur kl 20:00 og kynnir íhugunarstundir sem haldnar verða nú í október í Reynivallakirkju. Gefur dæmi.

 

Nefndin.

 

meira...
23. september 2018

Græn messa og íhugunarstundir

 

Græn messa verður í Reynivallakirkju

sunnudaginn 30. september kl.14.

 

Tímabil sköpunarverksins stendur yfir í kirkjum landsins þar sem lögð er áhersla á að biðja fyrir lífríki jarðar.

Auk þess verður fjallað um sambands manns og náttúru.
Kirkjukór Reynivallaprestakalls leiðir sálmasöng.

Organisti og kórstjóri er Guðmundur Ómar Óskarsson.

Sr. Arna Grétarsdóttir sóknarprestur þjónar.

 

 

Íhugunarstundir verða í Reynivallakirkju öll fimmtudagskvöld

í október og nóvember kl.19.30 - 20.00.

Hefst 4. október -  Slökun, kyrrð og bæn.

Þau sem vilja geta mætt með dýnur og legið á gólfi.
Gott að mæta 10-15 mín fyrir tímann,

þar sem ekki er gert ráð fyrir truflun á meðan á stundinni stendur.  

 

 Verið hjartanlega velkomin.

 

 

 

 

 

meira...
19. september 2018

Framkvæmdir við Kjósarskarðsveg

 

 

Verið er að vinna við endurbyggingu Kjósarskarðsvegar.

Koma á klæðningu á 7,5 km kafla frá Vindási og inn fyrir Fremri Háls.

 

Mikil vinna liggur í undirbyggingu vegarins og jarðvegsskiptum á burðarlagi.

Búið er að mala rúmlega 30 þúsund rúmmetra og skipta um 28 ræsi.

 

 Komin er klæðning á 2,5 km af þessum 7,5 km, í framhaldi af eldri klæðningu niður að Hálsá við Fremri Háls. 

Stefnt er að 2 km af klæðningu til viðbótar á næstunni.

 

Tafir hafa orðið á verkinu vegna gríðarlegra jarðvegsskipta auk þess sem  sumarið hefur verið einstaklega votviðrasamt.

 

Verktakar láta hins vegar engan bilbug á sér finna og ætla að vinna eins lengi og tíð leyfir.

 

Vörubifreiðastjórafélagið Mjölnir á Selfossi sér um verkið undir stjórn Ólafs Óskarssonar

 

 

 

meira...
12. september 2018

Styrkir hækka í Kjósarhreppi

 

Hreppsnefnd Kjósarhrepps hefur staðfest tillögur frá félags- æskulýðs- og jafnréttismálanefnd um hækkun á margvíslegum styrkjum.

 

Sem dæmi má nefna að ferðastyrkur framhaldsskólanema hækkar úr 35 þús.kr. í 40 þús.kr. á önn og hefur aldurshámark verið afnumið.

Ferðastyrkur til grunnskólanema hækkar  hjá miðstigi.

Frístundastyrkur til barna og ungmenna hækkar og bætast nú 3-6 ára og einnig 16-18 ára inn í hópinn.

 

Áætlað er að allar breytingar á styrkjum og öðrum framlögum muni auka útgjöld sveitarsjóðs um 500 þús.kr. á ári.

 

Við hvetjum alla sem kunna að eiga rétt á hvers konar styrkjum eða aðstoð að fara inn á heimsíðuna: www.kjos.is 

opna Samþykktir og gjaldskrár til að kynna sér réttindi sín og barna sinna.

Undir Umsóknareyðublöð má finna viðeigandi eyðublöð.

 

meira...
5. september 2018

Réttir í Kjósinni 16. september, kl. 15

 

Fjallskil til lögrétta í Kjósarhreppi á þessu hausti verða á eftirtöldum  dögum í Kjósarrétt.
 
Aðalréttir verða

sunnudaginn  16. september kl. 15


Seinni  réttir verða

sunnudaginn  7. október kl. 15:00

 

 

 

[ATH: þetta er leiðrétting á dagsetningu, sem var búið að auglýsa áður]


 

meira...
5. september 2018

Aðalsafnaðarfundur Reynivallasóknar í kvöld

 

Sóknarnefnd Reynivallasóknar minnir á aðalfund safnaðarins í kvöld - kl. 20:30 í Ásgarði

http://www.kjos.is/allar-frettir/nr/206040/

Komdu og taktu þá í áhugaverðri umræðu um aðstöðuhús við kirkjugarðinn 

 

Hlökkum til að sjá þig

Sóknarnefnd Reynivallasóknar

meira...
3. september 2018

Mom´s Balls - sýning að Neðra Hálsi


Mom’s Balls.

Sýning að Neðra-Hálsi í Kjós.

Opin frá sunnudeginum 2. sept til og með sunnudagsins 9. sept

á hverjum degi frá kl. 12:00 - 18:00.


 

Þrískipt sýning með verkum Ágústu Oddsdóttur, Elínar Jónsdóttur og Egils Sæbjörnssonar opnar 2. september 2018 að Neðra-Hálsi í Kjós, í gamla Borgarbókasafninu við Þingholtsstræti og á barnum á Hótel Holti.
Sýningin sem á sér stað á bóndabæ í Kjós teygir svæði sýningarhalds á Reykjavíkursvæðinu norður fyrir Esju en um 45 mínútna akstur er að bænum Neðra-Hálsi sem einnig er þekktur sem fyrsti lífræni mjólkurframleiðandinn á Íslandi og stendur hann á bakvið vörur Bíó-bús sem margir þekkja. Opin frá sunnudeginum 2. sept til og með sunnudagsins 9. sept á hverjum degi frá kl. 12:00 - 18:00.

Á Hótel Holti er verk eftir Egil á meðal teikninga Kjarvals á barnum og er það aðgengilegt á opnunartímum barsins. Hótel Holt er einnig stuðningsaðili verkefnisins og er fólk hvatt til að heimsækja þetta hótel sem er einstakt á heimsmælikvarða fyrir gæði listaverkasafnsins sem stofnandi þess Þorvaldur í Síld og fisk setti saman á sínum tíma.

Sýningin í gamla Borgarbókasafninu verður opin einungis 3 daga tvo tíma á dag, sunnudaginn 2. sept til og með þriðjudagsins 4. sept 2018 frá 12:00 - 14:00. Eigandi hússins Róbert Wessmann hefur góðfúslega lánað húsið fyrir sýninguna. Hann var einnig með fyrirtæki sýnu Alvogen aðalstuðningsaðili íslenska skálans á Feneyjartvíæringnum 2017. 

 

 Sjá:

meira...
28. ágúst 2018

Öflugir hrossaræktendur í Kjós með framúrskarandi árangur

 

Það er óhætt að segja að mjög góður árangur hafi náðst hjá hrossaræktendum í Kjós á kynbótasýningum sumarsins. Tíu hross sem ræktuð voru af Kjósverjum voru sýnd í fullnaðardóm á árinu og eiga þau öll ættir að rekja til Adams frá Meðalfelli eins og vera ber. Hæst dæmdu hrossin voru hryssurnar Katla frá Meðalfelli og Sólgrá frá Miðdal sem hlutu báðar 8,47 í aðaleinkunn en þriðja hæst dæmda hrossið var hryssan Halla frá Flekkudal með 8,37 í aðaleinkunn.

 

Frá Meðalfelli voru sýnd þrjú hross, Katla frá Meðalfelli, 6 vetra, sem hlaut 8,68 fyrir byggingu og 8,33 fyrir hæfileika, Þór frá Meðalfelli, 4 vetra, sem hlaut 8,07 í byggingu og 8,09 fyrir hæfileika, og Von frá Meðalfelli, sem hlaut 8,02 fyrir byggingu og 8,06 fyrir hæfileika.   Aðaleinkunn Kötlu er 8,47, Þórs 8,08 og Vonar 8,04.

 

Frá Þúfu voru sýnd tvö hross, Prins Valíant, 7 vetra, sem hlaut 8,15 fyrir byggingu og 8,38 fyrir hæfileika, og Rauðhetta, 5 vetra, sem hlaut 8,53 fyrir byggingu og 8 fyrir hæfileika.  Aðaleinkunn Prins er 8,29 og Rauðhettu 8,21.  Rauðhetta var sýnd sem klárhross og er án einkunnar fyrir skeið.

 

Frá Flekkudal voru sýnd tvö hross, Halla, 6 vetra, sem hlaut 8,08 fyrir byggingu og 8,56 fyrir hæfileika, og Sýr, 5 vetra, sem hlaut 8,19 fyrir byggingu og 8,07 fyrir hæfileika.  Aðaleinkunn Höllu er 8,37 og Sýrar 8,12.

 

Frá Morastöðum var sýnt eitt hross, Kolbakur,  7 vetra, sem hlaut 8,19 fyrir byggingu og 8,27 fyrir hæfileika.  Aðaleinkunn Kolbaks er 8,24.  Kolbakur var sýndur sem klárhross og er án einkunnar fyrir skeið.

 

Frá Miðdal var sýnt eitt hross, Sólgrá, 7 vetra, sem hlaut 8,18 fyrir byggingu og 8,67 fyrir hæfileika.  Aðaleinkunn Sólgráar er 8,47.

 

Frá Blönduholti var sýnt eitt hross, Sóley, 7 vetra, sem hlaut 7,93 fyrir byggingu og 8,02 fyrir hæfileika.  Aðaleinkunn Sóleyjar er 7,98. 

 

Hrossaræktendur í Kjós áttu fulltrúa á Landsmóti hestamanna sem haldið var í sumar.  Katla frá Meðalfelli tók þátt í kynbótasýningu á 6 vetra merum, Rauðhetta frá Þúfu í Kjós í kynbótasýningu á 5 vetra merum, og Vorsól frá Grjóteyri, Halla frá Flekkudal og Frjór frá Flekkudal í B flokk.

 

meira...
27. ágúst 2018

Aðalsafnaðarfundur Reynivallasóknar, 5. sept - í Ásgarði

 

Fundarboð: Aðalsafnaðarfundur Reynivallasóknar

Hér með boðar sóknarnefnd til aðalsafnaðarfundar Reynivallasóknar

í Ásgarði, miðvikudagskvöldið 5. september, kl. 20:30

 

Dagskrá fundarins:
1. Gerð grein fyrir starfsemi og rekstri sóknarinnar á liðnu starfsári.
2. Afgreiðsla reikninga sóknar og kirkjugarðs fyrir sl. ár, ásamt fjárhagsáætlun næsta árs.
3. Greint frá starfsemi héraðsnefndar og héraðsfundi.
4. Ákvörðun um meiriháttar framkvæmdir og framtíðarskuldbindingar.
a. Kynna framkvæmdanefnd og hugmyndir að byggingu aðstöðuhúss með salernisaðstöðu
5. Kosning tveggja skoðunarmanna/endurskoðanda sóknar og kirkjugarðs og varamanna þeirra til árs í senn.
6. [Kosning sóknarnefndar ]
Hvorki þarf að kjósa aðalmenn né varamenn í sóknarnefnd þetta árið
(kosið er annað hvert ár til 4ra ára og því er enginn að ganga úr stjórn núna)
7. [Kosning kjörnefndar Reynivallasóknar]. Ekki þarf að kjósa í kjörnefnd þetta árið.
8. Önnur mál

 

 

F.h. Sóknarnefndar Reynivallasóknar
Sigríður Klara Árnadóttir formaður, Unnur Sigfúsdóttir gjaldkeri og

Hulda Þorsteinsdóttir ritari.

Varamenn: Jóhanna Hreinsdóttir, Finnur Pétursson og Sigurþór Ingi Sigurðsson

Sr. Arna Grétarsdóttir, sóknarprestur

 

Prentvæn útgáfa fundarboðs er HÉR
 

meira...
22. ágúst 2018

Ruslabílinn kemur í dag

 

Skv. nýjustu upplýsingum frá Gámaþjónustunni verður langþráð sorphirða í dag.

Báðar tunnur verða tæmdar, blaðatunna og almennt rusl.

Ástæða seinkunar á sorphirðu var bilaður bíll.

 

 

meira...
21. ágúst 2018

Breyttur fundartími hreppsnefndar.

 

Framvegis verða fundir hreppsnefndar Kjósarhrepps fyrsta þriðudag hvers mánaðar kl 16:00.

Næsti fundur verður þriðjudaginn 4. september  kl 16:00  í Ásgarði.

meira...
16. ágúst 2018

Breytt viðvera byggingarfulltrúa haust 2018

  Viðvera á skrifstofu í Ásgarði: 
Mánudagar frá kl.  10:00 -18:00
Sími á skrifstofu: 566-7100
 

 Símaviðtalstími:
Miðvikudagar og fimmtudagar frá kl. 9-10
Farsími: 699-4396

Netfang: jon@kjos.is

 

 

 

meira...
10. ágúst 2018

Góðar fréttir af ljósinu og eMax

 

   Forsvarsmenn Kjósarhrepps og Leiðarljóss áttu góðan fund með aðilum frá Reykjavíkurborg, þar á meðal borgarritara, og Eflu-Verkfræðistofu,  í Ráðhúsi Reykavíkur í gær, fimmtudaginn 9. ágúst.


Samkomulag náðist við Reykjavíkurborg um að lögð yrðu tvenn ídráttarrör frá símstöðinni í Grundarhverfi upp að Kiðafelli. Eitt fyrir Kjósarhrepp og annað fyrir Reykjavíkurborg. Aðgangur, ábyrgð og eignarhald yrði algjörlega aðskilið milli þessara ljósleiðara og rörin höfð í mismunandi litum.
Kjósarhreppur tekur að sér verkið og kemur rörunum niður skv. lagnaleið sem Reykjavíkurborg hefur ákveðið í samvinnu við Eflu-verkfræðistofu.
Kraftur verður settur í næstu skref, sem eru að klára ýmis formsatriði s.s. skriflegt samkomulag milli Kjósarhrepps og Reykjavíkurborgar (varðandi ábyrgð, eignarhald, kostnaðarþátttöku o.s.frv.), samninga við landeigendur á umræddri leið, samninga við Vegagerðina, fá verktaka í verkið

 ... OG BYRJA SVO !


Síðan var haldið til fundar með forstöðumanni tæknisviðs Sýnar hf. / Vodafone, Sigurbirni Eiríkssyni, vegna tilkynningar frá þeim að örbylgju dreifikerfið eMax (Lofthraði) yrði lagt niður á næstu mánuðum. Samkomulag náðist um að fresta því þar til ljósleiðarinn væri orðinn virkur í Kjósinni. Kjósarhreppur er stærsta sveitarfélagið sem hefur þurft að treysta á örbylgjusamband þar sem 4G farsímakerfið næst einungis í hluta sveitarinnar. Fundarmenn drógu ekki dul á almenna óánægja með uppitíma og flutningsgetu gamla eMax-kerfisins, lágmarks viðhald hefur verið á kerfinu eftir að ákvörðun var tekin að leggja það niður enda varahlutir mjög dýrir í þetta sérhannaða kerfi og hreinlega illfáanlegir í dag. En kerfinu verður haldið virku þar til ljósleiðarinn kemur og þakkar Kjósarhreppur Vodafone fyrir skilninginn.
Á móti sækir Vodafone um ljósleiðara að sínum fjarskiptastöðum (möstrum) sem mun tryggja bættara farsímasamband á svæðinu og aukin gæði sjónvarpsútsendinga.
Staða verkefnanna verður uppfærð hér á heimasíðunni um leið og hver verkáfangi er í höfn.


Aldeilis frábærar fréttir til að taka með inn í helgina.

Karl Magnús Kristjánsson
oddviti og sveitarstjóri

 

 

meira...
10. ágúst 2018

Umferðaöryggisáætlun fyrir Kjósarhrepp

 

 

Á næstu vikum hefst vinna við gerð umferðaöryggisáætlunar fyrir Kjósarhrepp markmiðið með slíkri áætlun er að auka vitund forráðamanna sveitafélaga og almennings um umferðaöryggismál.

 

Lagt verður mat á stöðu umferðaöryggismála í sveitarfélaginu og verður slíkt mat svo notað til að koma á úrbótum þar sem þess gerist þörf. Umsjón með verkefninu er Samgöngu- og fjarskiptanefnd og vinnur nú að samningum við ráðgjafafyrirtæki sem verður nefndinni innan handar við vinnslu áætlunar.

 

Lögð er áhersla á að rödd allra fái að heyrast og að hagsmunir allra vegfarendahópa séu teknir með við gerð umferðaöryggisáætlunar, því óskar nefndin eftir ábendingum frá Kjósverjum, frístundabyggðum og öllum aðilum sem hafa eitthvað til málanna að leggja.

 

Ábendingar þurfa vera skýrar og gefa glögga mynd af því svæði sem um ræðir, senda skal allar ábendingar á netfang nefndarinnar, fyrir 15. september nk.

 

samgongu.fjarskipta.nefnd@gmail.com

 

meira...
3. ágúst 2018

Hreppsnefndarfundur 3. ágúst

 

Dagskrá fundar hreppsnefndar Kjósarhrepps 3. ágúst  2018.

meira...
30. júlí 2018

Hesta- og útivistarmessa á sunnudaginn – Tindatríóið syngur

 

  Sunnudaginn 5. ágúst kl.14

verður hin árlega hesta- og útivistarmessa

í Reynivallakirkju.


 Tindatríóið syngur og

Atli Guðlaugsson leikur á trompet.


Það er upplagt að ríða til kirkju eða taka góðan göngutúr um Kjósina fyrir messu. 

Guðmundur Ómar Óskarsson organisti spilar og leiðir kirkjukór Reynivallaprestakalls. Sóknarprestur þjónar.

 

Kaffi og kleinur á pallinum við prestssetrið að messu lokinni.

 ATH! Hestagirðing er neðan við prestssetrið.

 

Við hlökkum til að sjá ykkur á Reynivöllum! 
Allir hjartanlega velkomnir

Sr. Arna Grétarsdóttir, sóknarprestur

 

 

meira...
20. júlí 2018

Ásgarður- Kátt í Kjós

 

Kvenfélagið verður með veislukaffi til sölu í Ásgarði á morgun frá kl 14:00-17:00 og rennur allur ágóðinn til Grensásdeildarinnar.

 

Bókin " Ungmennafélagið Drengur 100 ára saga" og "Kjósarmyndin" verða til sölu í Ásgarði

meira...
19. júlí 2018

Rúlluskreytingakeppni á Kátt í Kjós

 

Ef veður leyfir þá mun hin vinsæla rúlluskreytingakeppni verða haldin á Kátt í Kjós. Spáin gerir reyndar ráð fyrir smá vætu en vonum það besta. Staðsetning er Meðalfell hjá þeim ágætu hjónum Sibbu og Siguþóri sem voru svo vinsamleg að leyfa þetta. Hver þátttakandi skráir sig við komu og fær eina rúllu til að skreyta að eigin vilja. Málningarsprey er á staðnum.

 

Bæklingurinn "Kátt í Kjós 2018" má skoða HÉR

meira...
19. júlí 2018

Reynivallakirkja opin á Kátt í Kjós

 

Sóknarprestur Reynivallaprestakalls, sr. Arna Grétarsdóttir verður með kirkjuna opna og býður alla hjartanlega velkomna í heimsókn. Áhugaverðar uppákomur verða í kirkjunni kl. 13, 15 og 17.

 

meira...
19. júlí 2018

Félagsgarður - Kátt í Kjós 2018

 

Kata og Bjössi frá Kiðafelli 3 verða með til sölu við Félagsgarð hinar ýmsu tegundir af trjáplöntum, runnum og fjölæringum.

 

Tuddinn er fyrstaflokks grillbíll frá Hálsi í Kjós sem selur alvöru hamborgara. Hamborgara úr hreinu kjöti af holdagripum. Gripirnir eru eingöngu fóðraðir á grasi sem gerir kjötið af þeim að nánast hreinni náttúruafurð.

 

„Blaðrarinn“ frá Sirkus Íslands verður við Félagsgarð að búa til blöðrufígúrur fyrir börnin.

Fyrir börnin út á velli. Frisbígolf, krikket, Kubb víkingaspil, spaðaleikir, húllahringir og margt fleira á grasflötinni við Félagsgarð fyrir börnin.

 

Sveitamarkaður og kynning á ýmsum framleiðsluvörum. Meðal þess sem er í boði er prjónavara, handverk, listmunir og matvörur.

 

meira...
19. júlí 2018

Dagskrá

 

Dagskrá næsta hreppsnefndarfundar sem verður haldinn föstudaginn 20. júlí í Ásgarði og hefst kl 15:00 má sjá  HÉR

meira...
18. júlí 2018

Kaffi Kjós og Hjalli - Kátt í Kjós

 

Kaffi Kjós er þjónustumiðstöð í suðurhlíð Meðalfells þar sem lögð er áhersla á að fólk geti notið veitinga í heimilislegu andrúmslofti. Hjólabátar og fleira skemmtilegt á Kátt í Kjós www.kaffikjos.is

 

Gönguferð (ca 1.klst) frá Hjalla með leiðsögn að Sandsfossi í Eyjadal. Lagt af stað kl. 13 frá Hjalla. Hlaðan á Hjalla opin kl. 14 – 16 . Heitt á könnunni

 

meira...
18. júlí 2018

UMF Drengur með á Kátt í Kjós

 

Ungmennafélagið Drengur mun taka þátt í Kátt í Kjós í ár. Í Möðruvallarétt/Kjósarrétt verða hin ýmsu dýr sem hægt verður að heilsa upp á og börnum verður boðið á hestbak.

meira...
17. júlí 2018

Sogn á Kátt í Kjós

 

Á Sogni verđur til sölu ungnautakjöt og ýmsar vörur unnar ùr

ungnautakjöti.

Í tilefni 30 ára bùsetu afmæli fjölskyldunnar verđa GEFINS

hamborgarar af grillinu

 

meira...
17. júlí 2018

Best prýddi póstkassinn á Kátt í Kjós

 

Setjum póstkassana í sparigallann fyrir Kátt í Kjós!

Íbúar Kjósarinnar eru hvattir til að skreyta póstkassa

sína í tilefni dagsins. Viðburða-, og menningarnefnd

mun svo keyra um Kjósina á sunnudeginum og velja

best prýdda póstkassa Kjósarinnar!

 

meira...
16. júlí 2018

Kátt í Kjós- opin handverkshús

 

SG textíl. Sigga á Bakka, Flekkudalsvegi 19a,  við Sandsá verður með vinnustofu sína opna frá kl 12:00-17:00 og verður hún með til sýnis og sölu handunnar vörur úr meðal annars ull og silki. Einnig framleiðir Sigga skartgripi úr roði.  www.sgtextil.is

 

Gallery NaNa í Asbyrgi, Flekkudalsvegi 18  er einnig með vinnustofu sína opna á sama tíma, hún er líka staðsett við Sandsá, bara hinum megin árinnar. Þar eru til sýnis og sölu glæsilegar handgerðar leðurtöskur skreyttar með fiskiroði og skinni ásamt fylgihlutum. www.nana.is

 

Keramik, Eyrum 9, Eilífsdal. Sjöfn Ólafsdóttir hefur hannað ævintýraheim úr keramiki. Hún er með vinnustofu sína í sumarhúsahverfinu í Eilífsdal, húsið hennar og garðurinn eru töfrum líkast. Sjón er sögu ríkari og nældu þér í smá ævintýri til að taka heim með þér. Opið frá 12:00-17:00. S: 696 3338.

 

Ragnhildur Jónsdóttir myndlistarkona og sjáandi býður fólki að heimsækja vinnustofu sína í Álfagarði. Þar verður í aðalhlutverki Vinátturefillinn sem er alþjóðlegt vina og handavinnuverkefni sett saman úr rúmlega 200 handavinnubútum eftir jafnmarga þáttakendur frá fimm heimsálfum. Ragnhildur og Lárus taka á móti gestum og ræða um vináttu á milli heima, meðal annars vináttu við álfa og huldufólk. Álfagarðurinn verður einnig með lítinn álfamarkað með vörum tengdum álfum og huldufólki, bók eftir álfinn Fróða, álfate og dvergakrydd, handgerð lítil álfahús ofl og býður fólki að smakka álfate eftir uppskrift úr álfheimum. Allir velkomnir.

 

meira...
13. júlí 2018

Kátt í Kjós- Samansafnið á Kiðafelli

 

Bændurnir á Kiðafelli hafa komið upp fjölbreyttu safni gamalla

muna á fjósloftinu. Þar má m.a. skoða gamlar búvélar,

stríðsminjar, sjávar og landbúnaðarminjar.

 

Í safninu eru margir hlutir sem koma gestum skemmtilega á óvart svo sem einn elsti

ísskápur landsins, áfengisbók fyrir karla frá skömmtunarárunum og hvalskurðarhnífur Halldórs Blöndals.

 

Safnið er almennt opið eftir samkomulagi og er vinsæll viðkomu staður í óvissu og

starfsmannaferðum.

S: 566 7051, 896 6984, kidafell@emax.is

 

meira...
13. júlí 2018

Kátt í Kjósinni 2018

 

Kvenfélag Kjósarhrepps verður að þessu sinni í Ásgarði með með sitt alþekkta, alvöru kaffihlaðborð. Rjómatertur, skonsutertur, súkkulaðitertur og rúllutertubrauð svo eitthvað sé nefnt.

 

Allur ágóði af kaffisölunni rennur til stuðnings á enduhæfingarstarfi Grensásdeildar Landspítala Háskólasjúkrahúss.

 

Gestir í Kjósinni þennan dag eru hvattir til að koma við í Ásgarði, hitta þar kátar kvenfélagskonur, kaupa sér kaffi og styrkja þar með gott málefni, setjast niður með kunningjunum og spjalla, einnig verður þar ýmislegt að skoða svo sem, gamlar myndir, kort, bækur, söfn og margt fleira.

 

meira...
10. júlí 2018

Kátt í Kjós 2018

 

Nýr og aðeins breyttur auglýsingabæklingur um opna viðburði í  Kjósinni þann 21. júlí nk er tilbúinn og má skoða hann HÉR  og eða prenta hann út.

meira...
30. júní 2018

Kátt í Kjós 2018

 

Þeir sem vilja vera með í bæklingnum  "Kátt í Kjós 2018" eru vinsamlegast beðnir um senda upplýsingar þar um á netfangið gudny@kjos.is fyrir miðvikudaginn 4. júlí nk svo hægt verði að koma honum í dreifingu sem fyrst.

Nefndin.

meira...
20. júní 2018

Kátt í Kjós 21. júlí

 

Kátt í Kjós hátíðin verður haldin hátíðleg að venju laugardaginn 21. júlí.

 

Eins og á síðasta ári eru íbúar hvattir til að skreyta póstkassana sína og flottasti kassinn verður valinn. Boðið verður upp á rúlluskreytingar og fleira.

 

Þeir sem hafa áhuga á að vera með sölubása í Félagsgarði eru vinsamlegast beðnir að hafa samband við staðarhaldarann þar, Einar Tönsberg með gmailið: felagsg@gmail.com eða í gsm: 6595286.

 

Auglýsingabæklingur verður gerður og þeir sem vilja vera með í honum eru vinsamlegast beðnir að senda texta og myndir á netfangið gudny@kjos.is

 

Hugmyndir eru um að fá lánuð skemmtileg söfn, safnara  og hafa til sýnis í Ásgarði og fleira. 

 

Boðað er til fundar um verkefnið  fimmtudagskvöldið í Ásgarð 28. júní kl 20:30. Allir velkomnir með góðar hugmyndir að viðburðum og/eða vilja vera með opið hús hjá sér og kynna sína starfssemi.

 

meira...
20. júní 2018

Kvöldstund í Reynivallakirkju kl.20 – Laugardaginn 23. júní

 

 

Laugardagskvöldið 23. júní kl.20

verður íhugunarkvöldstund í Reynivallakirkju.

 

Jónsmessan og náttúran íhuguð í  kyrrð á björtu kvöldi.

Sóknarprestur þjónar.

Kirkjukórinn syngur undir stjórn Guðmundar Ómars Óskarssonar.

 

Verið hjartanlega velkomin. 

Sr. Arna Grétarsdóttir, sóknarprestur

 

 

meira...
19. júní 2018

Ný hreppsnefnd Kjósarhrepps 2018-2022

 

 

Ný hreppsnefnd Kjósarhrepps fyrir kjörtímabilið 2018-2022

Frá vinstri:

Guðný Guðrún Ívarsdóttir, Karl Magnús Kristjánsson-oddviti,

Regína Hansen Guðbjörnsdóttir-ritari, Þórarinn Jónsson og

Sigríður Klara Árnadóttir-varaoddviti

 

 

Á fyrsta fundi var Karl Magnús Kristjánsson kjörinn oddviti, Sigríður Klara Árnadóttir var kjörin varaoddviti og Regína Hansen Guðbjörnsdóttir kjörin ritari nefndarinnar.

 

Ákveðið var að auglýsa eftir áhugasömu fólki í nefndir.

Öðrum ákvarðanatökum var frestað til framhaldsfundar, sem verður haldinn

28. júní nk, kl. 10 í Ásgarði. 

Sjá fundargerð hreppsnefndarfundar nr. 182, undir Fundargerðir hér til vinstri.

 

Hér með er því auglýst með formlegum hætti eftir fulltrúum í eftirfarandi nefndir (drög að erindisbréfi viðkomandi nefndar fylgir með, þar sem má m.a. finna hlutverk nefndar).

 

Umsóknarfrestur í nefndir er til 27. júní nk.

Síminn á skrifstofu Kjósarhrepps er: 566-7100 og einnig er hægt að láta vita af sér á netfangið: kjos@kjos.is

 

  • Félags-, æskulýðs- og jafnréttisnefnd, erindisbréf HÉR
  • Samgöngu- og fjarskiptanefnd, erindisbréf HÉR
  • Skipulags- og byggingarnefnd, erindisbréf HÉR
  • Umhverfisnefnd, erindisbréf HÉR
  • Viðburðar- og menningarmálanefnd, erindisbréf HÉR

 

Núþegar hafa nokkrir áhugasamir einstaklingar haft samband og lýst yfir áhuga að starfa í nefndum á vegum hreppsins sem er þakkar vert, en allir sem hafa áhuga, búa yfir reynslu og þekkingu er hvattir til að láta vita af sér.

 

Með kærri þökk fyrir stuðninginn í nýliðnum sveitarstjórnarkosningum

Hreppsnefnd Kjósarhrepps

 

 

meira...
12. júní 2018

17. júní í Kjósinni

                                                 

meira...
12. júní 2018

Dagskrá fyrsta fundar hreppsnefndar

 

Meðfylgjandi er dagskrá 1. fundar nýrrar hreppsnefndar Kjósarhrepps sem er boðaður föstudaginn 15. júní. 

Dagskrá

meira...
11. júní 2018

Reynivallakirkja fær andlitslyftingu

 

   Verið er að taka í gegn og mála Reynivallakirkju þessa dagana, á milli skúra.

Ragnar Gunnarsson, málari á Bollastöðum sér um verkið eins og síðustu árin. 

Eins og sést á meðfylgjandi myndum er þetta talsverð vinna og ekki fyrir lofthrædda.

 

  Reynivallakirkja mun fagna 160 ára vígsluafmæli á næsta ári.

Árið 1857 var torfkirkja á Reynivöllum, sem hafði verið byggð árið 1780, farin að láta verulega á sjá. Þáverandi sóknarprestur, séra Gísli Jóhannesson, var byrjaður að viða að sér efni í nýja timburkirkju sem þótti framtíðin. Einar Jónsson frá Brúarhrauni, snikkari í Reykjavík, var ráðinn yfirsmiður hinnar nýju Reynivallakirkju. Einar vann að byggingunni í 65 daga árið 1859 auk þess að smíða hurð og glugga kirkjunnar í Reykjavík. Með honum unnu að smíðinni Sigurður Sigurðsson, lærlingur hans og Jón Jónsson snikkari í Reykjavík. Auk þess vann Sigurður Ólafsson, smiður á Reynivöllum, að byggingu kirkjunnar í ársbyrjun 1860. Guðmundur Guðmundsson, bóndi á Ingunnarstöðum, kom að smíðinni síðsumars 1861 og einnig Jóhannes Jónsson, snikkari í Reykjavík, sem lagið yfirþak á kirkjuna. Kostnaður við smíðina var 1.097 ríkisdalir og 42 skildingar. Ólafur Pálsson prófastur vísiteraði krikjuna 13. september 1860 og lýsti henni svo: "Kirkja þessi var í fyrra byggð að nýju og, eftir fengnu leyfi, færð miðju vegu milli kirkjugarðs og staðar. Er hún nú prýðilega vandað og snoturt timburhús".

Reynivallakirja hefur verið stækkuð tvisar síðan hún var vígð.

 

[Sr. Gunnar Kristjánsson, fyrrum sóknarprestur, tók sama í tilefni 150 ára vígslu kirkjunnar ]

 

Sóknarnefnd Reynivallasóknar

 

Svo er að bíða eftir uppstyttu Búið að grunna helminginn af þakinu

  

meira...
5. júní 2018

Hreinsunardagur í Kjós

 

Næstkomandi laugardag, 9. júní, stendur Veiðifélag Kjósarhrepps ásamt Hreggnasa, okkar leigutökum, fyrir hreinsunardegi við Laxá og Bugðu.

 

Tökum höndum saman við að gera fallegt svæði enn fallegra.

Áætlað er að hefjast handa kl. 10.00 og að hver fari með sínu landsvæði. Kl. 15.30 verður svo boðið upp grill og léttar veitingar í Veiðihúsinu.

Vonumst til að sem flestir sjái sér fært að vera með.

 

 

 

Stjórn Veiðifélags Kjósarhrepps og Hreggnasi

 

meira...
31. maí 2018

Auglýsing. Aðalskipulag Kjósarhrepps 2017-2029. Heildarendurskoðun.

    Hreppsnefnd Kjósarhrepps hefur að fenginni heimild Skipulagsstofnunar samþykkt að auglýsa tillögu að endurskoðuðu aðalskipulagi Kjósarhrepps skv. 31. gr. skipulagslaga nr. 123/2010 ásamt umhverfisskýrslu sbr. 7. gr. laga nr. 105/2006 um umhverfismat áætlana.


Tillögunni er ætlað að leysa af hólmi gildandi Aðalskipulag Kjósarhrepps 2005–2017.
Aðalskipulagstillagan verður til sýnis á skrifstofu Kjósarhrepps í Ásgarði og hjá Skipulagsstofnun Borgartúni 7b, 105 Reykjavík.

Einnig má nálgast öll gögn aðalskipulagstillögunnar rafrænt hér að neðan.


Gögn á rafrænu formi:

  • Formleg auglýsing HÉR
  • Forsendur og umhverfisskýrsla  HÉR
  • Aðalskipulagið á korti HÉR
  • Flokkun landbúnaðarlands HÉR
  • Greinargerð með aðalskipulaginu HÉR
  • Fornleifaskráning  1 ,  2 ,  3 ,  4

 

 Tillagan er til kynningar frá 31. maí – 14. júlí 2018. Þeir sem telja sig eiga hagsmuna að gæta er hér með gefinn kostur á að gera athugasemdir við tillöguna.

Athugasemdir skulu berast fyrir 14. júlí 2018.


Skila skal athugasemdum skriflega til skipulagsfulltrúa á skrifstofu hans í Ásgarði, Kjósarhreppi, 276 Mosfellsbær eða á netfangið jon@kjos.is


Jón Eiríkur Guðmundsson,
Skipulagsfulltrúi Kjósarhrepps. 

 

meira...
29. maí 2018

Plastgámar losaðir á morgun

 

Plastgámar verða losaðir á morgun miðvikudaginn 30. maí. 

Verktakinn gleymdi að láta vita fyrr en nú.

meira...
26. maí 2018

Sveitarstjórnarkosningar 2018 - aðalmenn & varamenn

  

Talningu er lokið. Niðurstaðan er þessi:

 

Aðalmenn:
1. Sigríður Klara Árnadóttir, 92 atkvæði
2. Karl Magnús Kristjánsson, 84 atkvæði
3. Þórarinn Jónsson, 75 atkvæði
4. Regina Hansen Guðbjörnsdóttir, 67 atkvæði
5. Guðný G. Ívarsdóttir, 55 atkvæði

 

Varamenn:

1. Guðmundur Davíðsson

2. Sigurþór Ingi Sigurðsson

3. Sigurbjörn Hjaltason

4. Einar Tönsberg

5. Maríanna H. Helgadóttir

 

 

 

 Á kjörskrá voru 87 konur og 95 karlar, alls 182 einstaklingar.

 

Alls kusu 67 konur og 74 karlar, eða 141 í heildina.  Kjörsókn: 77,47%

Auðir seðlar: 3

Ógildir seðlar: 3

 

 

 

Kjörstjórn Kjósarhrepps

 

meira...
24. maí 2018

Fundur í Félagsgarði í Kvöld

 

Frambjóðendur (10 af 181 sem eru á kjörskrá)  munu standa fyrir kynningafundi í Félagsgarði í Kjós, næstkomandi fimmtudagskvöld, 24. maí,  kl. 20:00.  Kjósendur í hreppnum eru hvattir til að fjölmenna  á fundinn til að ræða sveitarstjórnarmálin, kynnast frambjóðendum og þeirra áherslum.   

Boðið verður upp á kaffi og sætindi. 

 

Með bestu kveðjum, frambjóðendur í Kjósarhreppi.

meira...
22. maí 2018

Tilkynning frá kjörstjórn Kjósarhrepps.

 

Auglýsing um kjörstað og aðsetur kjörstjórnar.

 

Kjörstaður vegna sveitarstjórnarkosningar  í Kjósarhreppi, sem fram fara þann 26. maí  n.k., verður í Ásgarði og stendur kjörfundur frá kl. 12:00-20:00. 

Aðsetur kjörstjórnar verður á sama stað.

Í Kjósarhreppi eru 181 á kjörskrá.

 

Kvenfélag Kjósarhrepps mun sjá um kaffiveitingar frá kl 14:00-17:00.

 

Talning atkvæða fer fram í Félagsgarði og hefst kl 21:00

 

Kjós 22. maí  2018

Kjörstjórn Kjósarhrepps  

                                                                                                                                         Ólafur Helgi Ólafsson formaður

UnnurSigfúsdóttir         

Karl M Kristjánsson

 

 

meira...
18. maí 2018

Fréttir af hitaveitunni

Stjórn KV og starfsmenn, f.v.: Karl Magnús Kristjánsson Eystri-Fossá ritari, Magnús Sigurðsson, Hlíð Eilífsdal meðstjórnandi, Kjartan Ólafsson rekstrarstjóri kerfis, Pétur Guðjónsson Bæ stjórnarformaður, Guðmundur Davíðsson Miðdal meðstjórnandi, Sigurður Ásgeirsson Hrosshóli meðstjórnandi og Sigríður Klara Árnadóttir framkvæmdastjóri.

 

 

Nú er farið að vora í Kjósinni (svona næstum því) og jarðvinna á vegum hitaveitunnar farin af stað aftur.
Hörður Úlfarsson, Gröfutækni mætti í Kjósina í síðustu viku til að klára frágang, vinna við lagfæringar á vegum / slóðum / lagnaleiðum, sem víða láta á sjá eftir harðan vetur. Auk þess mun hann fara í að leggja nýjar heimæðar sem sótt hefur verið um í vetur á hans svæði.

Jón Ingileifs sem sá um þéttu frístundahúsahverfin verður á ferðinni um mánaðarmótin júní / júlí að leggja nýjar heimæðar á því svæði sem hann var með.

 

Þeir sem hafa huga á því að fá hitaveitulögn til sín í sumar er bent á að fylla út umsókn sem fyrst:   UMSÓKN UM HITAVEITU  og koma á skrifstofu Kjósarveitna í Ásgarði, einnig er hægt að skanna inn útfyllta umsókn og senda í tölvupósti á netfangið: sigridur@kjos.is  

 

Nú eru alls 68 íbúðarhús farin að nota heita vatnið eða 87% af þeim sem komin eru með rörin upp að húsi, en bara 40% af frístundahúsunum eða  alls 151 frístundahús.

Vakin er athygli á undirsíðunni Píparar og tilboð, nokkrir píparar á þeim lista hafa haft samband og látið vita að þeir geti bætt við verkefnum.  

 

Aðalfundur Kjósarveitna ehf (KV) var haldinn sunnudaginn 13. maí sl.

Um leið og stjórn KV þakkar Jóni Bjarna Bjarnasyni, formanni sumarhúsafélagsins í Norðurnesi fyrir góð störf, er boðinn velkominn í stjórn KV,  Magnús Sigurðsson, formaður sumarhúsafélagsins Valshamri, Eilífsdal, f.h. frístundahúsaeigenda í Kjósarhreppi.

 

Með hlýjum kveðjum,

Sigríður Klara Árnadóttir, sigridur@kjos.is, GSM: 8410013

Kjartan Ólafsson, kjartan@kjos.is, GSM: 8532112

 

 

meira...
17. maí 2018

20 ára afmæli Kaffi Kjós um Hvítasunnuhelgina

 

Laugardagur 19.maí er afmæliskaffi frá kl. 14:00  - 17:00.  Blaðrarinn mætir og gerir fígúrurnar sínar.

*************************************

Sunnudagskvöld  20.maí  mætir Ingó veðurguð á pallinn og spilar frá kl. 21:00 - 23:00.  

                        ALLIR VELKOMNIR

HERMANN OG BIRNA

 

meira...
17. maí 2018

Fuglafræðsla UMF Drengs

 

Fuglafræðsla UMF Drengs verður á morgun, föstudaginn 18. maí, mæting við Kaffi Kjós kl. 19:00. Klæðið ykkur eftir veðri og munið eftir að gott er að hafa kíki.

 

Stjórnin

meira...
17. maí 2018

Göngumessa á Hvítasunnudag kl. 14

 

  Göngumessa fyrir báðar sóknir

(Reynivalla- og Brautarholtssóknir) verður á

Hvítasunnudag kl. 14.

 

Gengið verður frá Brautarholtskirkju á Kjalarnesi að Fólkvangi þar sem boðið verður upp á kaffi.

 

Umsjón Sigríður Pétursdóttir varaformaður sóknarnefndar Brautarholtskirkju og sr. Arna Grétarsdóttir sóknarprestur Reynivallaprestakalls.

Guðmundur Ómar Óskarsson leiðir góða sálma- og sumarsöngva ásamt kirkjukór sóknanna.

Gangan er létt og við hæfi flest allra. Gerð verða sjö stutt íhugunarstopp.

 
Fyrirhugað er að endurtaka leikinn frá Reynivallakirkju að ári.


Gerðar hafa verðið ráðstafanir til að skutla aftur að kirkju til að sækja bíla þangað! 

 

 

meira...
16. maí 2018

Kjörskrá vegna sveitarstjórnarkosninga 26. maí 2018

 

Kjörskrá fyrir Sveitarfélagið Kjós  vegna sveitarstjórnarkosninganna 26. maí 2018 mun liggja frammi á skrifstofum Kjósarhrepps að Ásgarði  frá og með 16. maí 2018 til kjördags á opnunartíma skrifstofunnar frá kl. 09:00 -16:00 alla virka daga.

 

meira...
15. maí 2018

Frambjóðendur 2018 í Kjósarhreppi

 

Búið er að setja upp vefsíðu "Kosningar 2018" hér til vinstri á síðunni  www.kjos.is  fyrir frambjóðendur til setu í hreppsnefnd Kjósarhrepps næstu fjögur árin. Þeir sem hafa áhuga á að kynna sig og sínar hugmyndir þar eru vinsamlegast beðnir um að senda þær á pdf formi á  gudny@kjos.is   Lesendur geta síðan klikkað á nafn frambjóðanda og lesið áherslur hans.

meira...
8. maí 2018

Leiðarljós - upphaf og staða framkvæmda

 

Þegar sú ákvörðun var tekin af hreppsnefnd Kjósarhrepps að leggja hitaveitu um sveitarfélagið þótti ekki annað koma til greina en að ráðast  í að leggja ljósleiðararör samhliða hitaveitulögnum, þó svo að í upphafi hafi verið vitað að tengingu þyrfti að sækja um langa leið yfir í annað sveitarfélag. Lesa má meira  HÉR

meira...
8. maí 2018

Framboð í Kjós

 

 

Engir framboðslistar bárust kjörstjórn í Kjósarhreppi í framboðsfresti fyrir komandi sveitarstjórnarkosningar þann 26. maí næstkomandi og verður því um persónukjör að ræða í sveitarfélaginu.

 

Nú er skorað á áhugasama kröftuga einstaklinga með lögheimili í Kjósarhreppi að bjóða sig fram til trúnaðarstarfa í sveitarfélaginu.

 

Ákveðið hefur verið að bjóða þeim aðilum sem hyggjast bjóða sig fram til setu í hreppsnefnd Kjósarhrepps á næsta kjörtímabili að birta kynningu um sig og stefnumál sín á heimasíðu hreppsins, kjos.is.   Sérstök síða mun verða sett upp á heimasíðunni í tilefni af sveitarstjórnarkosningunum.  Frambjóðendur munu einnig vera aðstoðaðir af hálfu hreppsins við að senda út dreifibréf með kynningarefni.

 

Áhugasamir vinsamlegast hafið samband við sveitarstjóra á skrifstofu Kjósarhrepps eða í gegnum netfangið gudny@kjos.is sem fyrst eða fyrir 15. maí.

 

meira...
8. maí 2018

Þriðja grein Sigurbjörns

 

Þriðja grein Sigurbjörns Hjaltasonar Kiðafelli um málefni sveitarfélagsins má lesa HÉR

 

Nauðsynlegt þykir að leiðrétta strax að frístundastyrkurinn er ekki kr. 25.000.- á ári heldur kr. 50.000 og hefur verið það frá 2014. Ferðastyrkurinn er kr 70.000.- á ári.

meira...
8. maí 2018

Auglýsing frá UMF Dreng

 

Nýtt og spennandi frá UMF Dreng í Kjós

Fuglafræðsla í maí. Nánar um málið HÉR  

meira...
7. maí 2018

Frá Veiðifélagi Kjósarhrepps

 

Eftirfarandi ályktun var samþykkt einróma á aðalfundi Veiðifélags Kjósarhrepps sem haldinn var 3. maí sl.

 

Aðalfundur Veiðifélags Kjósarhrepps haldinn í Veiðihúsi félagsins 3. maí 2018 mótmælir stefnuleysi stjórnvalda þegar kemur að laxeldi í sjó. Veiðifélag Kjósarhrepps krefst þess að íslenski laxastofninn verði verndaður fyrir allri kynblöndun við eldislax sem verður ekki gert öðruvísi en með notkun ófrjórra stofna eða ræktun í lokuðum kerfum í sjó eða á landi.

 

Nýlegar rannsóknir hafa staðfest erfðablöndun eldislax og villtra stofna í nágrannalöndum okkar og neikvæð langtímaáhrif á ýmsa eiginleika villtu stofnanna. Nú þegar hefur umtalsvert magn af norskum eldislaxi sloppið úr kvíum við Íslandsstrendur og Hafrannsóknarstofnun hefur staðfest kynblöndun hans við íslenska stofninn . Íslenskur lax er fjarskyldur öðrum Atlandshafslaxi og hafa íslenskar stofnerfðarannsóknir leitt í ljós leitt í ljós að hver á hefur sinn stofn. Veiðifélagið telur óásættanlegt að stofna þessum fjölbreytileika í hættu með ræktun á frjóum eldislaxi í sjókvíum.

 

Veiðifélag Kjósarhrepps  skorar á umhverfisráðherra, Guðmund Inga Guðbrandsson, að beita sér í þessu máli þannig að sérstaða íslenska laxastofnsins verði tryggð.

 

Fyrir hönd Veiðifélags Kjósarhrepps

Guðmundur Magnússon, formaður

 

 

meira...
7. maí 2018

Rafmagnslaust fram undir morgun 9. maí

 

  Rafmagnslaust verður í Hvalfjarðarsveit og Kjósarhreppi aðfaranótt 09.05.2018

frá kl 03:00 til kl 05:00

vegna vinnu Landsnets í aðveitustöð Brennimel.

 

Nánari upplýsingar veitir Svæðisvakt RARIK Vesturlandi

í síma 528 9390.

 

meira...
7. maí 2018

Engir listar komu fram í Kjósarhreppi

 

Samkvæmt upplýsingum frá formanni kjörnefndar Kjósarhrepps kom enginn listi fram fyrir kl 12:00 þann 5. maí sl.

 

Kosning fulltrúa í hreppsnefnd Kjósarhrepps verður því óbundin í kosningunum til sveitarstjórna þann 26. maí næst komandi.

 

Atkvæðagreiðslan fer í fyrstu fram á skrifstofu embættisins að Hlíðasmára 1 í Kópavogi á þeim tíma sem embættið er opið þ.e. frá kl. 8:30 til 15:00 á virkum dögum.  Einnig verður opið á laugardögum og sunnudögum frá kl. 12:00 til kl. 14:00.

 

Eftir 10. maí fer utankjörfundaratkvæðagreiðsla 2018  eingöngu fram í verslunarmiðstöðinni Smáralind í Kópavogi á 2. hæð vesturenda. Þar verður opið alla daga milli kl. 10:00 og 22:00.

Lokað er á uppstigningardag 10. maí og hvítasunnudag 20. maí.

 

Allar nánari upplýsingar má finna á www.kosning.is

 

meira...
27. apríl 2018

Auglýsing til "heldri borgara"

 

Næsta miðvikudag, 2. maí býður Kjósarhreppur og Reynivallasókn, Kjósverjum 67 ára og eldri, nær og fjær að koma saman og gera sér glaðan dag.

Við fáum góða gesti í heimsókn úr öflugu safnarðarstarfi aldraðra í Neskirkju.

Samveran hefst upp í Reynivallakirkju kl. 14:30, þar sem sr. Arna Grétarsdóttir sóknarprestur og Sigríður Klara formaður Reynivallasóknar taka á móti gestum.Í kjölfarið verður farið í Ásgarð til að hressa sig með kaffisopa og kruðeríi.

Allir velkomnir og brottfluttir Kjósverjar hvattir til að fjölmenna

meira...
26. apríl 2018

Gleðifréttir frá Kjósarveitum

 

Kæru sveitungar og viðskiptavinir Kjósarveitna.
Það hefur ekki farið fram hjá stjórn Kjósarveitna að einhverjir sveitungar hafa örlitlar en sem betur fer óþarfar áhyggjur af stöðu og rekstri fyrirtækisins. Þeir hafa haft samband við stjórnarmenn í framhaldi af nýbirtum  ársreikningi og spurt hvað tölurnar í honum þýði. Satt að segja er staðan og framtíðin björt.

Hér verður varpað skýru ljósi á framkvæmdirnar, kostnað við framtakið, skuldastöðu og rekstrarhorfur Kjósarveitna.


Þegar við gerðum áætlanir fyrir framkvæmdina árið 2015 með aðstoð öflugra ráðgjafa um framkvæmdir og rekstur benti allt til að þetta yrði framkvæmd upp á ríflega milljarð króna þegar allt væri talið. Borun fyrir heitu vatni, framkvæmdir við stofnlagnir og heimæðar, eftirlit með framkvæmdum, samningagerð við landeigendur og fjármálafyrirtæki og samskipti við stofnanir og ráðuneyti varðandi styrki o.fl. Ekki mátti gleyma fjármagnskostnaði á framkvæmdatímanum. Bókfært tap 2016 og 2017 er hluti af fjárfestingunni, óhjákvæmilegur kostnaður við rekstur á uppbyggingartímanum sem eins hefði mátt eignfæra sem fjárfestingu. Góðu fréttirnar eru að áætlanir okkar um kostnað stóðust nokkuð vel. Sumt varð dýrara en annað ódýrara þótt vandað væri til framkvæmdanna. Frábær árangur. 

Hvernig í ósköpunum tókst að fjármagna rúman milljarð hjá Kjósarveitum, sem lítið sveitarfélag stendur á bak við?

Lausnin byggðist á fjórum stoðum: Framlagi hreppsins, stofngjöldum notenda, styrki frá ríkissjóði og loks lántöku fyrir því sem vantaði til að fjármagna ævintýrið að fullu. 
Framlag hreppsins í borholum og landi var 168 milljónir (hlutafé).
Góð þátttaka eigenda íbúðarhúsa, fyrirtækja og sumarhúsa skipti gríðarlegu máli til að gera framkvæmdina gerlega. Við höfðum reiknað út að það þyrfti þátttöku nær allra íbúðarhúsa og 60% sumarhúsa svo  verkefnið væri mögulegt. Þátttaka íbúa er orðin 93% og sumarhúsa 73%. Þetta er umfram björtust vonir. Komnar voru 375 milljónir í stofngjöld í lok síðasta árs og meira kemur á þessu ári.
Ríkið greiðir veitunni styrk fyrir hvert  íbúðarhús sem tengist veitunni. Það jafngilti 12 faldri árlegri niðurgreiðslu á rafmagnsnotkun fyrir hvert hús, sem hættir að fá styrki. Stjórn Kjósarveitna beitti sér fyrir því að Alþingi samþykkti hækkun á styrknum um 33% í 16 falda árlega niðurgreiðslu. Um áramót var kominn styrkur að fjárhæð 152 milljónir og stefnir hann í 190 milljónir.

Glöggir sjá að nettóskuldir Kjósarveitna voru um 435 miljónir í árslok. Þegar vatnið var farið að renna gerði stjórn Kjósarveitna um mitt síðasta ár drög að 10 ára rekstraráætlun.  Fyrstu tvö árin ætla að standast, reyndar stefnir árið 2018 í að gera heldur betur enda vildi stjórnin sýna fyllastu varkárni í áætlanagerðinni. Þann 24. apríl sl. var langtímafjármögnun lokið að fullu. Lánastofnanir treysta okkur og áætlununum. Það tókst að semja um stórlækkun vaxta og hóflega greiðslubyrði. Langtímalánin verða nærri 450 milljónir og lánstíminn um 16 ár. Kjósarveitur munu,  ef ekkert óvænt gerist,  eiga auðvelt með að standa undir öllum gjöldum þar á meðal vöxtum og afborgunum og gætu átt skuldlausa virkjun eftir 15 ár.

  Ekki má láta hjá líða að nefna þýðingu þess að stjórnin og starfsmenn Kjósarveitna stóðu saman sem einn maður alveg frá upphafi. Sama á við um hreppsnefndina alla. Aldrei stóð á stuðningi við verkefnið. Samstaðan var fyrir öllu. Aldrei kom hik á undirbúning og framkvæmdir. Hröð og fumlaus framkvæmd hefur lækkað vaxtagreiðslur og tryggt bjarta framtíð.

 

Til hamingju með flottu hitaveituna Kjósverjar!

Stjórn Kjósarveitna

 

 

meira...
25. apríl 2018

Viltu verða betri reiðmaður?

 

Fræðslufyrirlestur sem vera átti  10. apríl 2018 verður fimmtudagskvöldið 3. maí í Ásgarði og hefst kl 20:30.

Susana Sand Ólafsdóttir mun fræða okkur um hvernig hún nýtir sér reynslu sína af Andalúsíu hestum yfir í þjálfun íslenska hestsins og hvernig við getum orðið betri reiðmenn !                                    

Aðgangseyrir er 2.000 kr, ath. ekki er posi á staðnum.

 

Allir hjartanlega velkomnir

Opið öllum sem hafa áhuga að koma og fræðast.

 

Stjórn Hestamannafélagsins Adam í Kjós

 

meira...
25. apríl 2018

Svar hreppsnefndar

 

Hreppsnefnd Kjósarhrepps telur sér rétt og skylt að svara annarri grein Sigurbjörns Hjaltasonas um hreinlætismál í Kjósarhreppi  vegna þess að talnaefni sem hann notar til grundvallar sínum útreikningum er ekki fyllilega rétt. Svar við greininni má lesa  HÉR

 

meira...
20. apríl 2018

Önnur grein Sigurbjörns

 

Aðsent efni frá Sigurbirni Hjaltasyni Kiðafelli

Greinina má lesa HÉR

meira...
11. apríl 2018

Aðalfundur FSM

 

Aðalfundur Félags sumarhúsaeigenda við Meðalfellsvatn (FSM) verður haldinn sunnudaginn 29. apríl nk. kl. 14:00 að Hjalla í Kjós.

Dagskrá: Venjuleg aðalfundarstörf
Kaffiveitingar

Við hvetjum alla félagsmenn að mæta og bjóðum nýja félaga hjartanlega velkomna.

Kær kveðja

Stjórn FSM

 

meira...
10. apríl 2018

Fræðslufyrirlestri frestað

 

Fræðslufyrirlestri sem vera átti í kvöld í Ásgarði  á vegum hestamannafélagsins Adams er frestað. Önnur dagsetning auglýst síðar 

meira...
10. apríl 2018 11:15

Frá sumarbústaðafélaginu í Norðurnesi

 

Aðalfundur sumarbústaðafélagsins Norðurnes verður haldinn miðvikudaginn, 25. apríl kl 19.30 í Gerðubergi.

 

Dagskrá:

 - Kosning um sameiginlegt hlið

 - Vegaframkvæmdir

 - Hækkun félagsgjalda

 - Aðgengi að vetri

 - Breytingar á stjórn

 - Önnur mál

 

Nágrannar félagsins í Norðurnesinu eru velkomnir á fundinn til að ræða um sameiginlegt hlið.

 

Það er von okkar að sem flestir sjái sér fært að mæta á fundinn og nýjir félagar eru boðnir hjartanlega velkomnir.

 

Bestu kveðjur

 

 - Stjórnin

 

meira...
6. apríl 2018 12:02

Sorphirða í Kjós

 

Vegna óviðráðanlegra aðstæðna þarf  að flýta sorphirðunni um tvo daga.

Bílinn fer af stað á morgun 07.04.2018.

Losar bæði blaðatunnu og almennt sorp.

 

 

meira...
6. apríl 2018 10:53

Viltu verða betri reiðmaður ?

 

Fræðslufyrirlestur verður í Ásgarði þriðjudagskvöld 10. apríl 2018 kl 20:30.


Susana Sand Ólafsdóttir mun fræða okkur um hvernig hún nýtir sér reynslu sína af Andalúsíu hestum yfir í þjálfun íslenska hestsins

og hvernig við getum orðið betri reiðmenn !

 

Aðgangseyrir er 2.000 kr, ath. ekki er posi á staðnum.

 

Allir hjartanlega velkomnir

Opið öllum sem hafa áhuga að koma og fræðast.

 
Stjórn Hestamannafélagsins Adam í Kjós

 

 

meira...
3. apríl 2018 05:22

"Kjósarveitur á mannamáli"

 

Aðsent efni frá Sigurbirni Hjaltasyni Kiðafelli.

Greinina má lesa   HÉR 

meira...
3. apríl 2018 01:23

Rausnarleg gjöf til bókasafns Kjósarhrepps

 

Um páskana barst bókasafni Kjósarhrepps rausnarleg gjöf frá fjölskyldunni að Miðbúð 7 í Kjósarhreppi.  Þau Tinna Laufey Ásgeirsdóttir, prófessor í hagfræði og Sigurður Gylfi Magnússon, prófessor í sagnfræði, og Pétur Bjarni Einarsson, sonur þeirra, færðu bókasafninu að gjöf á annað hundruð valdar bækur sem gefnar hafa verið út af Háskólaútgáfunni en Tinna Laufey og Sigurður Gylfi eru höfundar margra bókanna.

  

 Fjölskyldan lét ekki þar við sitja heldur styrktu þau bókasafnið að auki með framlagi að fjárhæð kr. 250.000,- sem ætlaður er til bókakaupa á næstu árum.   Seint verður þakkað nægjanlega fyrir þessa veglegu gjöf en fjölskyldunni er óskað alls velfarnaðar og boðin velkomin í Kjósina.  

Gjafabréf fjölskyldunnar  sem sent var umsjónarmanni bókasafnsins er HÉR birt ásamt mynd frá formlegri móttöku gjafarinnar.

 

meira...
3. apríl 2018 11:21

Fréttabréf hreppsnefndar 2018

 

Hreppsnefnd Kjósarhrepps sendi frá sér  fréttabréf til íbúanna fyrir páska um þau um verkefni sem unnið er að og unnin hafa verðið á síðasta og síðustu árum.  Þau  hafa verðið mörg og sum hver mjög stór. 

Áhugasamir geta lesið það  HÉR

 

meira...
27. mars 2018 11:27

Hátíðarmessa á Páskadag, kl. 14 í Reynivallakirkju

 

  Á Páskadag verður hátíðarmessa í Reynivallakirkju kl.14.

 

Kirkjukór Reynivallaprestakalls syngur undir stjórn organistans Guðmundar Ómars Óskarssonar.

Bollastaðahjónin þau Unnur Sigfúsdóttir og Ragnar Gunnarsson munu syngja og leika á gítar í messunni.

 

Ritningalestra les Sigríður Klara Árnadóttir sóknarnefndarformaður.

Sóknarprestur þjónar.

 

Verið hjartanlega velkomin til kirkju á Páskadag. 

 

Sr. Arna Grétarsdóttir, sóknarprestur Reynivallasóknar

 

 

meira...
19. mars 2018 02:59

Umhverfissjóður Íslenskra Fjallaleiðsögumanna

 

Umhverfissjóður Íslenskra Fjallaleiðsögumanna veitir styrki á tveggja ára fresti.
Sjóðnum er ætlað að úthluta styrkjum til verkefna sem stuðla að verndun náttúru Íslands.  Fyrirtæki, einstaklingar, eignarhaldsfélög, félagasamtök, sveitarfélög og opinberar stofnanir geta fengið framlög frá sjóðnum. Umsóknaraðilar geta einnig verið samstarf nokkurra aðila. 

Umsóknafrestur rennur út 10. april 2018.

 

Sjá nánar um reglur sjóðsins á heimasíðu félagsins;

https://fjallaleidsogumenn.is/um-okkur/umhverfisstefna/umhverfissjodur/

 

 

meira...
13. mars 2018 03:11

Vantar þig aðstoð við þrifin heima eða í bústaðnum?


  Tek að mér þrif og tiltektir t.d. vegna flutninga og sumarbústaðaþrif.

Tæmi og þríf geymslur ofl.

Margra ára reynsla og er búsett í Kjósinni.
Vinsamlegast hafið samband

í síma 783-3992
eða sendið tölvupóst á:  themarin95@hotmail.com

 

Theódóra, Valdastöðum

 

Auglýsing til að prenta út og geyma  HÉR

 

 

 

meira...
5. mars 2018 10:00

HS Orka óskar eftir sumarhúsi á leigu í Kjós

 

Starfsmannafélag HS Orku óskar eftir sumarhúsi á leigu frá júní til lok ágúst.

Æskileg staðsetning er innan 100 km radíus frá Reykjavík. Sjá nánar HÉR.

Áhugasamir vinsamlegast sendið upplýsingar á sig@hsorka.is

 

meira...
28. febrúar 2018 01:35

Vöfflukaffi í Kjós- Stefnumótun við landslag

 

Öllum Kjósverjum, íbúum og öðrum sem dvelja í Kjósinni, er boðið í vöfflukaffi laugardaginn 10. mars á milli kl. 16:00 og 18:00 í Ásgarði. Sjá nánar H'ER

meira...
22. febrúar 2018 10:29

Vesturlandsvegur - Umferðaröryggi

Íbúasamtök Kjalarness í samvinnu við Hverfisráð Kjalarness, bæjar- og sveitarstjórnir Kjósarhrepps, Hvalfjarðarsveitar, Skorradalshepps, Akraneskaupstaðar og Borgarbyggðar, boða til fundar um uppbyggingu á Vesturlandsvegi um Kjalarnes til að tryggja öryggi vegfarenda.


Fundurinn veður 22. febrúar kl. 17:30 í Fólkvangi á Kjalarnesi.

Um er að ræða opinn fund og til hans boðað, auk íbúa á svæði fundarboðenda, þingmönnum Norðurlands vestra og Reykjavíkur, vegamálastjóra, ráðherra vegamála og borgarstjórn Reykjavíkur.
Öllum er ljóst hversu hættulegur umræddur vegur er. Lögð hafa verið drög að endurgerð hans en fjármagn hefur ekki fengist til framkvæmda.
Fundinum er ætlað að sýna ráðamönnum fram á að ekki má lengur láta undir höfuð leggjast að bæta hér úr. Í núverandi fjárlögum er ekki gert ráð fyrir þessum endurbótum utan hringtorgs á Esjumelum.

Við svo búið má ekki standa. 

 

 

meira...
16. febrúar 2018 01:04

Umhverfisvaktin við Hvalfjörð

 

Aðalfundur Umhverfisvaktarinnar við Hvalfjörð verður haldinn sunnudaginn 25. febrúar kl. 14:30 í Garðakaffi á Akranesi. (Ath. aðalfundinum sem vera átti 11. feb. var frestað vegna óveðurs).

 

Dagskrá:

1. Venjuleg aðalfundarstörf

2. Tillaga að verkefnum næsta starfsárs

3. Önnur mál

4. Ávörp gesta

 

Heitt á könnunni og meðlæti.

Allir sem áhuga hafa á verndun náttúru og lífríkis eru hvattir til að mæta og taka þátt í starfi Umhverfisvaktarinnar.

Stjórnin 

 

meira...
6. febrúar 2018 09:16

Píparar og tilboð !

 

Ertu að leita að pípara ?

Vantar þig heitan pott ?

 

Inn á síðu Kjósarveitna er að finna lista yfir pípara og hin ýmsu tilboð: http://www.kjos.is/kjosarveitur-ehf/piparar-og-tilbod/

 

Varstu t.d. búin(n) að skoða úrvalið af heitum pottum hjá Godda ?

http://goddi.is/voruflokkur/pottar/

 

Allir sem vilja auglýsa þjónustu sína eða vörur hafi samband við

Kjósarveitur í síma: 566 7100 eða á netfangið: kjosarveitur@kjos.is

 


 

http://goddi.is/voruflokkur/pottar/

 

 

meira...
1. febrúar 2018 12:40

Kvöldmessa í Reynivallakirkju

 

 Kvöldmessa verður í Reynivallakirkju

sunnudagskvöldið 4. febrúar nk. - kl. 20

 

Kirkjukór Reynivallaprestakalls syngur.
Stjórnandi og organisti er Guðmundur Ómar Óskarsson.

 

Helgihald vor 2018 sjá HÉR
 
Verið velkomin til kirkju
Kærleikskveðja
Sr. Arna Grétarsdóttir, sóknarprestur

meira...
14. janúar 2018 04:46

Almennur safnaðarfundur Reynivallasóknar, mánudag 15.janúar, að Reynivöllum

 

Boðað er til almenns safnaðarfundar að Reynivöllum (prestssetrinu),

mánudaginn 15. janúar nk, kl. 20:00

 

Dagskrá fundarins:

 

1. Val í Kjörnefnd Reynivallasóknar: Kjósa þarf þrjá aðalmenn og þrjá varamenn í kjörnefnd sóknarinnar. Áhugasamir eru hvattir til að mæta eða setja sig í samband við formann Reynivallasóknar, Sigríði Klöru, sigridur@kjos.is, GSM: 841-0013

2. Önnur mál

 

Nánar um starf og leiðbeiningar fyrir kjörnefndir er að finna inn á slóðinni:   http://kirkjan.is/kosningar-og-kjornefndir/ 

 

Vonumst til að sjá sem flesta á safnaðarfundi að Reynivöllum.

 

F.h. sóknarnefndar Reynivallasóknar

Sigríður Klara Árnadóttir og

sr. Arna Grétarsdóttir, sóknarprestur

 

 

 

 

meira...
11. janúar 2018 02:04

Þorrablótið í Kjósinni 2018

 

HIð árlega þorrablót kvenfélags Kjósarhrepps verður haldið laugardakvöldið 20. janúar.

Sjá auglýsingu HÉR   

meira...
11. janúar 2018 02:01

Breytt viðvera skipulags-og bygingarfulltrúa

 

Jón E. Guðmundsson skipulags- og byggingarfulltrúi verður framvegis við á fimmtudögum frá kl 13:30-19:00.  Jón verður einnig með viðtalstíma á þriðjudagsmorgnum frá kl 09:00-12:00 í gsm 699-4396 

meira...
10. janúar 2018 11:01

Plastlosun á föstudaginn

 

Plastgámar verða losaðir á föstudaginn 12. janúar.

meira...
3. janúar 2018 10:23

Þrettándafagnaður í Félagsgarði

 

Jólin verða kvödd  í Félagsgarði laugardagskvöldið 6. janúar á þrettánda degi jóla og hefst kl 19:00.   Dagskráin verður með venjubundum hætti.

 

Fyrst verður gengið í kringum jólatréð, sungið og síðasti jólasveinninn kemur og kveður með tilheyrandi.

Kveikt verður í „risabrennunni„ um kl. 20:00.

Að lokum verður boðið upp á heitt súkkulaði og kaffi í Félagsgarði.

Gestir eru vinsamlegast beðnir taka með sér jólamatarafganga til að setja á sameiginlegt veisluborð.  Mikið er oft um dýrðir á þrettándanum þegar jólin eru kvödd en ljúka skal þá við allan jólamat og drykk.

Barinn verður opinn fyrir þá sem ekki eiga neina drykkjarafganga(gos o.fl.).

Til að lífga upp á er fólk kvatt til að koma í búningum t.d. sem  álfakóngar, drottningar, púkar eða  vættir.

 

Kjósarhreppur stendur ekki fyrir flugeldasýningu eins og undanfarin ár af virðingu við hina mállausu íbúa sveitarinnar.   Flugeldasýningar og sprengingar hafa valdið ofsahræðslu hjá dýrum og þannig valdið alvarlegum slysum.

 

meira...
3. janúar 2018 10:21

Folaldasýning Adams

 

Hestamannafélagið Adam í Kjós heldur árlega folaldasýningu sína þann 13.  janúar næst-komandi og hefst hún stundvíslega kl.  12:00.   Folaldasýningin verður haldin í Miðdal í Kjós en þar ráða húsum hrossaræktendurnir Svanborg Anna Magnúsdóttir og Guðmundur Davíðsson.

„Landskunnir“ dómarar dæma um gæði folalda og keppt verður í tveimur flokkum, merfolöld og hestfolöld.   Verðlaunað verður fyrir fyrstu þrjú sæti í hvorum flokki en jafnframt verður afhentur farandbikar fyrir  glæsilegasta folald sýningarinnar.   Aðeins folöld sem hafa verið ræktuð af félaga  í hestamannafélaginu Adam og/eða eru í eigu félagsmanns eru gjaldgeng til verðlauna á sýningunni. 

Við dómstörfin munu dómurum vera ókunnugt um foreldra og eigendur eða ræktendur þeirra folalda sem sýnd verða en allt verður upplýst þegar úrslit liggja fyrir.

Skráningagjald fyrir hvert folald er kr. 1.500,- og þarf að greiða skráningagjaldið með peningum til gjaldkera Adams við upphaf sýningarinnar.  Tilkynning um þátttöku þarf að berast fyrir kl. 24:00 að kvöldi fimmtudagsins 11. janúar 2018 en í tilkynningunni þarf að upplýsa nafn folalds, lit, nafn móður og nafn föður.   Tilkynningu um þátttöku skal senda með tölvupósti í odinn@fulltingi.isog/eða flekkudalur@gmail.com, middalur@emax.is

 

meira...
22. desember 2017 10:40

Jólakveðja frá Kjósarveitum

Lagningu dreifikerfis hitaveitu Kjósarhrepps er lokið og þar með 2ja ára verkefni einungis tveim vikum eftir áætluð verklok, sem er ekki mikið á jafn viðamiklu verkefni.
Hörður Úlfarsson og hans menn hjá Gröfutækni ehf komu síðustu heimtauginni í jörð föstudaginn 8. desember sl.
Jón Ingileifsson og hans hópur hjá Magnúsi Ingberg Jónssyni ehf lauk sínum verkhluta um miðjan október. Þeir tóku í kjölfarið til við að leggja 10 heimæðar sem voru komnar á biðlista og luku þeirri vinnu fyrir októberlok.
Næsta vor verður farin lokaúttekt á framkvæmdasvæðinu til að sjá hvernig jarðvinnan kemur undan vetri. Jafnframt verður haldið áfram næsta vor með þær heimæðar sem eru á biðlista og koma til með að bætast við.

 

Tengistaðir voru alls 462, í dag eru 190 af þessum stöðum farnir að nota heita vatnið og því ljóst að heilmikil tengivinna er framundan.
93% íbúðarhúsa í Kjósinni sóttu um hitaveitu og nú þegar er 71% þeirra farin að njóta hitaveitunnar.
Varðandi sumarhúsin í Kjósinni, þá sóttu 73% þeirra um hitaveitu og er farið að renna heitt vatn um 36% af þeim.
Margir eru að bíða eftir pípulagningarmönnum til að klára innanhúslagnir hjá sér, mikill uppgangur er í þjóðfélaginu og því víðar beðið eftir iðnaðarmönnum en í Kjósinni.

Verkís ehf hefur sinnt kostnaðareftirliti með framkvæmdinni, haldinn var síðasti verkfundur með þeim 13. desember og hafa kostnaðaráætlanir staðist.
Eina sem ekki stóðst voru styrkgreiðslur frá ríkinu vegna lagningar hitaveitu á rafhituðu svæði skv. lögum nr. 78/2002, sem áttu að koma jafnt og þétt eftir því sem íbúar tengdust. En það horfir allt til betri vegar og skv. upplýsingum frá Atvinnuvega- og nýsköpunarráðuneytingu er gert ráð fyrir greiðslum strax í ársbyrjun 2018. Í kjölfarið verður farið í endurfjármögnun þeirra lána sem hvíla á verkinu.

 

Í ársbyrjun 2018 tekur ný gjaldskrá gildi, heimæðargjöld munu hækka um 20%, (þar sem útboðsverðin gilda ekki lengur hjá verktökum og efnissölum) en verðskrá fyrir sjálft heita vatnið verður óbreytt.

 

Kjósarveitur ehf þakka viðskiptavinum sínum, íbúum, sumarhúsaeigendum, landeigendum, hönnuðum, verktökum, efnissölum og öllum öðrum velunnurum veitunnar fyrir góða samvinnu og ómetanlega þolinmæði á meðan þessar stórframkvæmdir voru í gangi.

 

Með bestu óskum um hlýleg komandi ár.

Stjórn Kjósarveitna:
Pétur Guðjónsson, Bæ - stjórnarformaður
Guðmundur H. Davíðsson, Miðdal
Jón Bjarni Bjarnason, Norðurnesi - f.h. sumarhúsaeigenda í Kjós
Karl Magnús Kristjánsson, Eystri-Fossá
Sigurður Ásgeirsson, Hrosshóli

og starfsmenn:
Sigríður Klara Árnadóttir, framkvæmdastjóri
Kjartan Ólafsson, rekstrarstjóri 

 

 

meira...
22. desember 2017 10:19

Jólakveðja frá Kjósarhrepp

 

meira...
18. desember 2017 10:51

Sorp ekki tekið í dag

 

Sorp verður ekki tekið í dag vegna mikillar hálku. Reynt verður á morgun eða hinn.

meira...
12. desember 2017 10:45

Á döfinni

 

Miðvikudaginn 13. desember  verður  sveitungum, 67 ára og eldri boðið í hátíðarkjöt og meðlæti  í Ásgarð, kl 13:00. Vonast er til að sem flestir sjái sér fært að mæta.

 

Laugardaginn 23. desember á Þorláksmessu  verður hin árlega skötuveisla í Félagsgarði og hefst skötuveislan  kl 13:00.

Pantanir óskast á mailið felagsg@gmail.com eða í síma 823 6123 fyrir fimmtudaginn 21. desember

 

Mánudaginn  25. desember- jóladagur.  Messa í Reynivallakirkju kl 14:00.

Hægt er að koma við í Ásgarði og ná sér í nýja bók og skila öðrum á opnunartíma skrifsstofu. Fullt af nýjum bókum.

 

Jólaballið verður í tengslum við Þrettándafagnaðinn í janúar á nýju ári.

 

Þorrablót kvenfélagsins verður með hefðbundnum hætti  20. janúar 2018.

 

meira...
5. desember 2017 10:05

Aðventumarkaðurinn í Félagsgarði á laugardaginn

 

Aðventumarkaðurinn verður í Félagsgarði á laugardaginn þann 9. des frá kl 12:00-17:00. Fjölbreyttar vörur verða á boðstólum og má þar helst nefna:

 

Snorri og Sveina verða með safaríkar jólasteikur, forrétti og dásamlegt meðlæti frá kjötvinnslunni sinni, Sogni Holdanautakjöt

Lilli og Begga verða með sitt landsfræga, Kiðafells tvíreykt hangikjöt.

Sigga á Bakka verður með hönnun sína, SG Textil.

Nana verður með sitt frábæra handverk, Nana.

Rosmary heldur áfram að safna fyrir skólastarfi í Kenýja og mun sýna myndir af starfi þeirra hjá TEARS CHILDREN

Fjölskyldufyrirtækið Hnyðja verður með ýmis konar handverk svo sem nytja- og skrautmuni, að mestu unnið úr tré. (Hnydja.is)

Svanborg Eyþórsdóttir verður með skartgripi, hekl, prjónavörur og tækifæriskort.

Bókin stórgóða, Ungmennafélagið Drengur 100 ára saga og Kjósarmyndin verða einnig til sölu á markaðnum.

 

Kvenfélag Kjósarhrepps sér um veitingasölu þar sem allur ágóði rennur til líknarmála.

Þetta og margt fleira verður að finna í Félagsgarði laugardaginn 9. des.

 

Að markaði loknum verður hægt að glöggva sig aðeins á aðventunni á barnum, á neðri hæðinni í Félagsgarði.

 

Sjá auglýsingu Hér.

meira...
30. nóvember 2017 10:26

Aðventukvöld í Reynivallakirkju 3. desember - kl 20

 

Aðventukvöld verður í Reynivallakirkju

á fyrsta sunnudegi í aðventu,

3. desember nk, kl. 20:00.
 
Sigurður Guðmundsson, Flekkudal flytur hátíðarræðu.
Krakkar úr Kjósinni syngja.
 

Kirkjukór Reynivallaprestakalls syngur.
Stjórnandi og organisti er Guðmundur Ómar Óskarsson.
 
Boðið verður upp á notaleg stund við aðventukrans og kertaljós.

Heitt súkkulaði og piparkökur í kirkjunni.
 
Verið velkomin til kirkju
Kærleikskveðja
Sr. Arna Grétarsdóttir, sóknarprestur  

 

 

 

meira...
20. nóvember 2017 10:34

Bókasafnið opið á miðvikudaginn

 

Bókasafnið verður opið 22. nóvember frá kl 20:00-22:00.                                         Fullt af nýjum bókum og allir velkomnir. Nokkrir hafa gleymt að skila bókum og eru vinsamlega beðnir um að koma þeim til síns heima 

meira...
17. nóvember 2017 12:45

Ljósleiðarafréttir í Kjósarhreppi

 

Um miðbik ársins 2017 stóðu væntingar til þess að ljósleiðarakerfið yrði fullbyggt og tilbúið til notkunar fyrir árslok 2017.  En eins og gefið var í skyn og varað við á íbúafundi í Félagsgarði  þann 7. nóvember síðastliðinn voru blikur á lofti varðandi það hvort þessar væntingar gengju eftir.  Ástæðan, frestun á afhendingu ljósleiðarastrengsins  vegna mikillar eftirspurnar á heimsvísu. Nú er kominn staðfestur afhendingartími. Áætlaður verktími eftir afhendingu  eru 8-10 vikur. Miðað við þær upplýsingar sem við höfum nú má gera ráð fyrir að vinna við út af standandi framkvæmdir, þ.e. ísetningu ljósleiðarastrengja í rörin, samtengingu kerfisins við núverandi fjarskiptakerfi landsins og ekki síst frágangi á ljósleiðaraþráðum inn á heimili og sumarhús hefjist  fyrri hluta janúar 2018. Það er því von okkar að allir tengistaðir verði tengdir við hið nýja ljósleiðarakerfi fyrir lok mars 2018.  Verðum engu að síður að vera meðvituð um að vetur konungur kann að hafa áhrif á þessa áætlun, en um leið er vonast til þess að hann verði okkur hliðhollur og tefji verkið ekki frekar.

 

Nú þegar hafa um 220 umsóknir borist frá íbúum og sumarhúsaeigendum en vert er að minna á að þeir sem vilja ekki tengingu núna og vilja koma inn seinna munu þurfa að greiða hærra verð það er að segja tengigjaldið + útlagðan kostnað.

 

Nálgast má umsóknareyðublað HÉR  prenta, fylla út og senda á netfangið gudny@kjos.is

 

Innheimta tengigjalda mun þá samkvæmt  þessu hefjast í byrjun árs 2018. 

meira...
16. nóvember 2017 10:33

Kjósin í kvikmyndum - leikara vantar næsta laugardag

Kæru íbúar og sumarhúsaeigendur í Kjós.
Það hefur varla farið fram hjá ykkur að verið er að taka upp mynd í Kjósinni - Ófærð 2.
Tökur hófust inn í Brynjudal í byrjun nóvember, búið að taka heilmikið upp í kringum Möðruvelli og nú er komið að Reynivöllum.


Laugardag 18. nóvember, þá erum við að fara að taka upp stóra hópasenu í kirkjunni á Reynivöllum.

Þetta er allur dagurinn sem að við verðum í tökum ef að áhugi er að taka þátt þá megið þið endilega senda umsókn á extras@rvkstudios.is með nafni, mynd, aldri og símanúmer. Við erum aðallega að leita að fólki yfir 30 ára.


Með fyrirfram þökkum, Gunnar RVK Studios

http://www.mbl.is/folk/frettir/2017/10/09/tokur_hefjast_bratt_a_ofaerd_2/

 

 

meira...
13. nóvember 2017 12:09

Aðalfundur Sauðfjárræktarfélagsins í Kjós

 

Aðalfundur Sauðfjárræktarfélagsins í Kjós verður haldinn

þriðjudag 28. nóvember 2017 kl. 20.00 í Ásgarði í Kjós.


 

Á dagskrá eru hefðbundin aðalfundarstörf og svo er von á Árna B. Bragasyni frá RML í heimsókn. Hann ætlar fyrst að fara yfir uppgjör búanna á svæðinu fyrir árið 2016 með okkur. Svo verður hann með kynningu á hrútakostinum sem eru á sæðingastöð í vetur. Þetta er því tilvalið tækifæri til þess að kynna sér úrvalið fyrir sæðingar


Dagskrá:
1. Skýrsla stjórnar um unnin störf á árinu
2. Ársreikningur lesinn upp til samþykktar
3. Kosning stjórnar
4. Uppgjör búanna á svæðinu árið 2016
5. Kynning á hrútum á sæðingastöð

 

Kaffi í boði!

 

Hlökkum til að sjá sem flesta.
Stjórn SF Kjós 

 

 

meira...
9. nóvember 2017 11:24

Aðalfundur Adams

 

Aðalfundur Hestamannafélagsins Adams verður haldinn fimmtudaginn 16. nóvember 2017, kl. 20:00 í Ásgarði í Kjósarhreppi.

 

Dagskrá fundarins:

1.      Kosning fundarstjóra og fundarritara.

2.      Lesin upp nöfn þeirra, sem æskt hafa inngöngu í félagið á árinu, og leitað samþykkis fundarins.

3.      Formaður leggur fram og skýrir skýrslu stjórnar um starfsemi félagsins á liðnu ári.

4.      Gjaldkeri leggur fram og skýrir reikninga félagsins.

5.      Umræður um liði 3. og 4. og atkvæðagreiðsla um reikninga félagsins.

6.      Formenn nefnda leggja fram og skýra skýrslur um starf viðkomandi nefnda á liðnu ári.

7.      Kosning formanns til tveggja ára í senn.

8.      Kosning fjögurra meðstjórnenda og tveggja varamanna til eins árs í senn.

9.      Kosning tveggja skoðunarmanna.

10.  Tillaga lögð fram til samþykktar um árgjald næsta árs.

11.  Veiting ræktunarverðlauna.

12.  Önnur mál sem félagið varðar.

 

Reikningar félagsins liggja frammi til skoðunar fyrir félagsmenn hjá formanni félagsins.

 

Stjórn Hestamannafélagsins Adams í Kjós

 

meira...
2. nóvember 2017 02:03

Aðventumarkaðurinn í Félagsgarði

 

 

Aðventumarkaðurinn 2017 verður í Félagsgarði laugardaginn 9. desember. 

Þeir sem áhuga hafa á að vera með sölubás eru vinsamlegast beðnir að hafa samband við Einar í gegnum netfangið felagsg@gmail.com

meira...
2. nóvember 2017 11:15

Aðalskipulag Kjósarhrepps 2016-2028 – tillaga.

 

Kjósarhreppur hefur unnið að endurskoðun aðalskipulags  Kjósarhrepps undanfarin ár. Steinsholt sf sem síðar sameinaðist Eflu hefur séð um þá vinnu og stefnt er að ljúka nú á vormánuðum.

 

Aðalskipulagstillagan mun liggja frammi til skoðunar á skrifstofum Kjósarhrepps í  Ásgarði  frá 3. nóvember og  hér á síðunni.  

Sjá:  Aðaluppdráttur,   Flokkun  landbúnaðarlandsGreinargerðForsendur og umhverfisskýrsla.

 

Kynningarfundur verður Félagsgarði þann  7. nóvember og hefst  kl. 20:00.

Athugasemdir berist  síðan til skipulagsfulltrúa fyrir 24. nóvember.

 

Guðmundur Daníelsson verkefnisstjóri ljósleiðaravæðingar í Kjósarhreppi mun einnig mæta á fundinn í Félagsgarði þann 7. og fara  yfir stöðu þeirra mála.

 

meira...
2. nóvember 2017 09:45

Ljósamessa í Reynivallakirkju næsta sunnudag kl. 14

 

Ljósamessa í Reynivallakirkju

sunnudaginn 5. nóvember kl.14.

 

Látinna ástvina minnst.


Fólki er boðið að tendra ljós til minningar um látna ástvini.

Lesin verða sérstaklega upp nöfn þeirra sem látist hafa s.l ár og skráð er í kirkjubækur Reynivallaprestakalls. 

Ljós tendrað þeim til minningar, athöfnin endar við sálnahlið Reynivallakirkjugarðs.


Kirkjukór Reynivallaprestakalls syngur.

Stjórnandi og organisti er Guðmundur Ómar Óskarsson.


Verið hjartanlega velkomin!
Sóknarprestur og sóknarnefnd.

 

 

meira...
31. október 2017 11:19

LANDSLAG OG ÞÁTTTAKA

 

Kvöldmáltíð í Kjós – Stefnumót við landslag

 

Föstudaginn 10. nóvember kl. 19.30 í Hlöðunni að Hjalla

 

Öllum Kjósverjum, íbúum og öðrum sem dvelja í Kjósinni, er boðið til kvöldmáltíðar og stefnumóts við landslag föstudagskvöldið 10. nóvember.

 

Sjá nánar hér

meira...
30. október 2017 12:11

Sviðaveisla í Hlöðunni á Hjalla

 

Sviðaveisla

í Hlöðunni  að Hjalla

4.nóvember 2017

Húsið opnar kl. 20 – Borðhald hefst kl. 21

Kokkur Jón Þór

Drykkjarföng seld á staðnum

Aðgangseyrir  kr: 4900

Miðapantanir fyrir 1.nóvember

  í síma: 8972219- Hermann / 8682219 Birna

kaffikjos@kaffikjos.is

Ekki verður hleypt inn í húsið eftir matinn

 

meira...
30. október 2017 10:03

AÐALSKIPULAG KJÓSARHREPPS 2016-2028

 

Kynningarfundur í Félagsgarði 7. nóvember kl. 20:00

 

Kjósarhreppur hefur unnið að endurskoðun á aðalskipulagi fyrir sveitar­félagið og er vinna við það langt komin.

 

Í aðalskipulagi er mörkuð stefna sveitarstjórnar um landnotkun til fram­tíðar og tekur hún til alls lands innan sveit­ar­félagsins. Í aðal­skipu­lagi er mörkuð stefna og tekin frá svæði fyrir samgöngu- og þjón­ustu­kerfi, veitur, íbúðar­byggð, sumarhúsabyggð, verndar­svæði, atvinnusvæði o.fl.

Í tengslum við aðalskipulagsvinnuna var landbúnaðarland flokkað eftir rækt­un­ar­hæfni þess. Niðurstaða þeirrar vinnu verður einnig kynnt.

 

Aðalskipulagstillagan mun liggja frammi til skoðunar á skrifstofum Kjósarhrepps í Ásgarði  frá 3. nóvember og á www.kjos.is

Athugasemdir berist til skipulagsfulltrúa fyrir 24. nóvember.

 

Guðmundur Daníelsson verkefnisstjóri ljósleiðaravæðingar í Kjósarhreppi mætir á fundinn og fer yfir stöðu þeirra mála.

 

 

meira...
24. október 2017 09:55

Ísland allt blómstri - Fundur í Kjós

 

Fundur um hugmyndir að nýrri byggða- og landbúnaðarstefnu – Ásgarði Kjósi fimmtudaginn 26. október kl. 20.00

Framsögumenn verða Haraldur Benediktsson og Óli Björn Kárason, þingmenn Sjálfstæðisflokksins.

Allir velkomnir.

meira...
24. október 2017 09:52

Tilkynning frá kjörstjórn Kjósarhrepps.

 

Auglýsing um kjörstað og aðsetur kjörstjórnar.

Kjörstaður vegna kosning til Alþingis  í Kjósarhreppi, sem fram fara þann 28. október  n.k., verður í Ásgarði og stendur kjörfundur frá kl. 12:00-20:00.                          

Aðsetur kjörstjórnar verður á sama stað.

Í Kjósarhreppi eru 192 á kjörskrá.

Kvenfélag Kjósarhrepps mun sjá um kaffiveitingar frá kl 14:00-17:00.

 

 

 

meira...
19. október 2017 11:12

Bubba-tónleikunum frestað

 

Kæru Kjósverjar, því miður þarf Bubbi að fresta tónleikum sínum á föstudaginn í Félagsgarði í Kjós vegna óviðráðanlegra orsaka.

Ný dagsetning verður auglýst síðar.

Við erum samt í stuði og ætlum að hafa barinn opinn frá 19-01 á föstudaginn 20. okt. Kósý stemning og opnunartilboð á bjór og víni.

 

Vonumst til að sjá sem flesta sveitunga.

Vertarnir í Félagsgarði

 

meira...
19. október 2017 09:54

Hrútasýning í Kjós 2017

 

Hin geysivinsæla hrútasýning Sauðfjárræktarfélagsins í Kjós var haldin þriðjudaginn 17. október á Kiðafelli.

Stjórn félagsins

 

 Í félaginu eru sauðfjárbændur í Kjós, Kjalarnesi, Mosfellsbæ og Mosfellsdal og kepptu þeir sín á milli um hver ætti besta hrútinn. Keppt var í nokkrum flokkum: veturgömlum hrútum, hyrndum lambhrútum, kollóttum lambhrútum og svo var besti misliti lambhrúturinn sérstaklega verðlaunaður.

 Mæting á sýninguna var með besta móti og höfðu gestir á orði að féð liti sérlega vel út þetta árið.

 

 

 Bestu hrútarnir voru eftirfarandi:

 Hyrndir lambhrútar

 1. Hrútur númer 87 frá Kiðafelli, 87 stig. Sérlega breiðvaxinn og fallegur samanrekinn köggull.

 2. Hrútur númer 736 frá Morastöðum, 87 stig. Útlögumikill hrútur.

 3. Hrútur númer 370 frá Kiðafelli, 85 stig. Sprækur mjög.

 

Kollóttir lambhrútar

 1. Hrútur númer 778 frá Miðdal, 86 stig.

 2. Hrútur númer 43 frá Kiðafelli, 85,5 stig.

 3. Hrútur númer 2 frá Kiðafelli, 85,5 stig.

 Besti misliti lambhrúturinn var Svartur frá Kiðafelli. Sá var seldur samstundis.

 

Veturgamlir hrútar og skjaldarhafi 2017

 1. Tugur frá Kiðafelli, 85 stig. Holdugur, breiðvaxinn og útlögumikill hrútur.

 2. Garður frá Morastöðum. Fallegur, holdmikill hrútur með gott skap.

 3. Prins frá Kiðafelli. Kollóttur hrútur, feiknalega holdgóður en stuttur. Köggull!

 

Stjórn Sauðfjárræktarfélagsins óskar sigur­vegurum til hamingju, þakkar gestum fyrir komuna og bóndanum á Kiðafelli fyrir frábæra aðstöðu.

 

meira...
18. október 2017 10:49

Tilkynning um framlagningu kjörskrár

 

 

Kjörskrá vegna kosninga til Alþingis sem fram fara þann 28. október 2017 liggur frammi almenningi til sýnis á skrifstofum Kjósarhrepps í  Ásgarði á auglýstum opnunartíma  til kjördags.  Á kjörskrá eru: 192.

meira...
16. október 2017 02:16

Bubba-tónleikar í Félagsgarði

 

Bubba-tónleikar  verða í Félagsgarði  föstudaginn  20 okt.

Húsið opnar kl  20.00 og  tónleikar hefjast  kl 20.30

Barinn er opinn eftir tónleikana til 01.00. Miðaverð 3.900 krónur.

Miðasala á midi.is og við innganginn.

 

Hægt er að skoða auglýsingaplakatið HÉR

 

meira...
13. október 2017 02:22

Vinna við lokakafla Kjósarskarðsvegar hefst fljótlega

 

  Í lok september voru tilboð opnuð í endurbyggingu Kjósarskarðsvegar (48) frá Vindási og inn fyrir Fremri Háls, að Þórufossi.

 

Verkið felst í undirbyggingu vegarins á sama stað, lögn ræsa, útlögn burðarlaga og klæðingar á 7,5 km kafla.

 

Vörubifreiðastjórafélagið Mjölnir ehf., Selfossi átti lægsta tilboðið.

 

Skv. upplýsingum frá Vegagerðinni er verið að ganga frá samningum. Þannig að þeir ættu að geta byrjað fljótlega.

 

Verklok eru 1. október 2018, útlögn klæðingar skal þó lokið fyrir 1. september 2018.

 

Verður það virkileg samgöngubót þegar þessi mikilvægi vegur verður orðinn ökuhæfur.

Gert er ráð fyrir að veghefill komi í næstu viku til að hefla versta kaflann í veginum, sem er orðinn illfær út af holum og skorti á ofaníburði.

 

Nánari upplýsingar um útboðið er að finna á heimasíðu Vegagerðarinnar:

http://www.vegagerdin.is/framkvaemdir/utbod/nidurstodur-utboda/kjosarskardsvegur-48-vindas-fremri-hals-1

 

 

meira...
9. október 2017 01:59

Reynivallakirkja - kyrrðarstund miðvikudagskvöld kl. 20

 

  Kyrrðarstund með ilmolíu-blessun í kirkjunni næsta

   miðvikudagskvöld

   11. október kl.20. 

 

Kirkjukór Reynivallaprestakalls flytur tónlist við hæfi.

Organisti: Guðmundur Ómar.

 

Allir velkomnir

Sr. Arna Grétarsdóttir, sóknarprestur

 

Reynivallakirkja er nú böðuð bleiku ljósi í október tileinkað þeim sem látist hafa af völdum krabbameins, heyja baráttu við krabbamein og þeirra sem hafa náð bata.

 

 

meira...
9. október 2017 09:48

Hrútasýning Sauðfjárræktarfélagsins

 

Hin árlega hrútasýning fyrir Mosfellsbæ, Kjalarnes og Kjós verður haldin að Kiðafelli,  þriðjudaginn 17. október og hefst klukkan 13.00.

Þar geta bændu fengið stiguð og ómmæld lömb og veturgamla hrúta.
 
Þeir sem vilja nýta sér þessa þjónustu  RML  eru beðnir að hafa samband við Ólöfu Ósk í síma 849-8254 eða á netfangið olofosk@lbhi.is.
 
Um kl. 16:00 verður verðlaunaafhending fyrir góðan árangur í sauðfjárrækt  og eru allir hjartanlega velkomnir til að vera viðstaddir og þiggja kaffiveitingar.

Svo er auðvitað um að gera að kaupa og selja kynbótagripi !

 

Hlökkum til að sjá ykkur.

Sauðfjárræktarfélagið Kjós 

 

 

meira...
3. október 2017 12:54

Rotþrær hreinsaðar

 

Rotþrær verða hreinsaðar á eftirtöldum svæðum í næstu viku. Svæðin eru þessi: 1-2, 36-40, 42-63.

 

Hægt að Skoða hér hvaða svæði þetta eru.

meira...
13. september 2017 01:11

Fjallskilaboð í Kjósarhreppi 2017

 

 

Fjallskil til lögrétta í Kjósarhreppi á þessu hausti verða á eftirtöldum  dögum í Kjósarrétt.

 

1.   rétt verður sunnudaginn  17. september kl. 15,00

2.   rétt verður sunnudaginn  8. október kl. 15,00

 

 

meira...
12. september 2017 02:14

Rafmagnslaust í hluta Kjósarinnar, miðvikudag 13.sept um hádegi

 

 

Rafmagnslaust verður í Kjós

frá Blönduholti að Brynjudal og Þorláksstöðum,

miðvikudaginn 13.09.2017

frá kl 12:50 til kl 13:00 vegna vinnu við spennistöð.


Mögulega kemur rafmagn á í stuttan tíma undir lok straumleysis vegna prófunar
Nánari upplýsingar veitir Svæðisvakt RARIK Vesturlandi í síma 528 9390. 

 

 

Svæðið sem verður rafmagnslaust

 

 

meira...
1. september 2017 05:13

Heitt vatn komið alla leið niður að Hvammi

Þrýstiminnkari við Raðahverfi,

niður við Hvalfjörð.

Ljósmyndari: Kjartan Ólafsson

Elvar hjá Gröfutækni, læðist um

Ólaskóg.

Ljósmyndari: Ólafur Oddsson

 

Búið er að hleypa á annan áfanga dreifkerfis Kjósarveitna, af fjórum.

Legginn frá Hvassnesi að Baulubrekku niður að Hvammsvík,

um Ásgarð að Káraneskoti og framhjá Félagsgarði að Laxárnesi. 

 

Þar með geta 270 frístundarhús og 65 íbúðarhús tengst hitaveitu

eða 77,5% af þeim sem hafa sótt um hitaveitu.

Dælustöðin við Háls er ekki komin í gagnið þannig að Baulubrekka og 6 frístundahús þar upp í Hálsendanum eru ekki komin inn en styttist í það.

 

Gröfutækni og þeirra verktakar eru þegar byrjaðir með stofnlögnina um þriðja áfanga dreifikerfisins, sem er lögnin frá Eilífsdal, um Miðdal, Morastaði og niður að Kiðafelli.

 

Jón Ingileifs og hans hópur er að leggja lokahönd á hitaveitulagnir í Hömrum og Efri-Hlíð, á sumarhúsavæðinu Valshamri. Auk þess er heimtauga gengið hans byrjað að plægja niður heimtaugar upp að húsum í Norðurnesi.

 

Verkstaðan 30. ágúst 2017

 

Með hlýjum kveðjum

Sigríður Klara (sigridur@kjos.is) og Kjartan (kjartan@kjos.is)

Kjósarveitum ehf

 

 

meira...
16. ágúst 2017 09:31

Breyttur viðverutími-byggingarfulltrúi ekki við í dag

 

Jón E Guðmundsson skipulags- og byggingarfulltrúi er ekki við í dag en hafa má samband við hann í gsm: 699-4396.

Jón verður framvegis við á mánudögum frá kl 09:00-18:00.

meira...
14. ágúst 2017 10:50

Píparar flykkjast í Kjósina

 

 Pípulagningarmenn víðsvegar af landinu hafa svarað kalli Kjósarveitna og boðið fram krafta sína.

 

Þannig að nú þarf enginn að örvænta í kaldri sturtu.

 

Verkið sjálft gengur ljómandi vel og stefnir allt í að loka dagsetning heildar verksins

30. nóvember nk standist. Þá verði búið að leggja dreifikerfi fyrir hitaveitu og ljósleiðara um allan þann hluta sveitarinnar sem farið verður um að sinni.

 

Uppfærð verkstaða 14. ágúst 2017

 

 

Pípulagningarmenn sem geta bætt við sig:

 

Guðjón Valdimarsson, Gaui Píp ehf. GSM: 821-5789

Karl J. Karlsson, Varmalagnir ehf. GSM: 820-2179

Karl Þorkelsson, K.Þ. verktakar. GSM: 862-0743

Lagnalist ehf. GSM: 898-4780

Ómar Ásgrímsson, Vatn og Varmi ehf. GSM: 895-7274

Páll Björgvinsson. GSM: 896-0868

PÍPÓ - pípulagningaþjónustan ehf: Sími 431-5151   TILBOÐ PÍPÓ

Steinar Þór Ólafsson, Hitagjafinn pípulagnir. GSM: 897-2230

Martin S Wuum , Rörleggjarinn ehf. GSM: 892-1051

Davíð Þór Harðarson, Pípulagnir Davíðs ehf. GSM: 898-7488

 

Sjá einnig tilboð: http://kjos.is/kjosarveitur-ehf/piparar-og-tilbod/

 

 

 

meira...
3. ágúst 2017 03:27

Seinkun á sorplosun

 

Vegna óviðráðanlegra aðstæðna verður seinkun á sorphirðunni/blöð í Kjósinni um einn dag, þessa vikuna. Bílinn kemur á morgun.

Gámaþjónustan biðst afsökunar á þessum óþægindum sem þetta getur valdið.

 

meira...
2. ágúst 2017 11:48

Hesta- og útivistarmessa að Reynivöllum

 

Hin árlega hesta- og útivistarmessa í Reynivallakirkju verður
sunnudaginn 6. ágúst - kl. 14.

 
Gestasöngvari: Rúnar Þór Guðmundsson tenór, (tengdur Eyjum 1. )

Organisti: Guðmundur Ómar.


 

Kaffi og kleinur í garðinum hjá Sr. Örnu eftir messu.

Allir velkomnir, óháð trú og fararskjótum.


Reynivallasókn og sóknarprestur

 

 

 

 

 

meira...
1. ágúst 2017 02:38

Heitt vatn farið að renna um Laxárdalinn

 

   Nú er heitt vatn farið að renna um Laxárdalinn, verið er að skola út stofninn frá Hvassnesi að Ásgarði og leynir gufan sér ekki.

 

Næsti áfangi sem verður hleypt á er Ásgarður/Káraneskot/Laxárnes.

 

Loka áfanginn á þessum stofni er Bollastaðir/Baulubrekka og niður að Hvammi, stefnt er að hleypa á þann áfanga í lok ágúst. Eftir það verður haldið í austurátt með stofninn.

 

Vel er sigið á seinni hluta framkvæmdanna, sem hófust í maí 2016 og verður lokið 30.nóv 2017. Samhliða lögnum fyrir heitt vatn eru sett niður ídráttarrör fyrir ljósleiðara.

 

Nú í lok júlí var búið að taka inn heitt vatn í 27 íbúðarhús og 84 sumarhús. Sem er rétt helmingur þeirra húsa sem gætu verið komin með heitt vatn í dag, skortur á pípulagningarmönnum er aðal vandamálið hjá húseigendum.

 

Sjá uppfærða verkstöðu og áætlanir: http://www.kjos.is/kjosarveitur-ehf/verkstada-og-aaetlun/ 

 

Með hlýjum kveðjum,

Sigríður Klara Árnadóttir, sigridur@kjos.is

Kjartan Ólafsson, kjartan@kjos.is

 

 

Það á jafnt við um dýr og menn

 að hafa áhuga á

hitaveituframkvæmdunum

 

Gröfutækni borar undir malbikið

við Ásgarð, fyrir legginn sem fer

með heitavatnið í Ásgarð, Veiðihúsið,

 alla leið að Káraneskoti og

niður að Félagsgarði / Laxárnesi

 

 

 

 

 

meira...
19. júlí 2017 01:21

Tillaga að deiliskipulagi í landi Eilífsdals

 

Kjósarhreppur auglýsir skv.41. gr. skipulagslaga nr. 123/2010. Deiliskipulagstillaga í landi Eilífsdals Deiliskipulagstillagan var samþykkt í sveitarstjórn 6 júlí 2017. Deiliskipulagssvæðið nær utan um íbúðarhús, bílskúr og aflögð útihús. Í tillögunni er gert ráð fyrir breyttri landnotkun á 1,2 ha landspildu í kringum alifuglahús fyrir ferðaþjónustu, Einnig er afmörkuð innan deiliskipulagssvæðisiins 5,1 ha. spilda í tengslum við alifuglahús og 3 ha. spilda undir íbúðahús og bílskúr. Aðkoma að íbúðarhúsi er um afleggjara frá Eyrarfjallvegi (460) en aðkoma að aflögðu alifuglahúsi / ferðaþjónustu verður um afleggjara að frístundabyggð við Valshamar. Tillögurnar verða til sýnis frá og með 19 júlí 2017 til og með 31 ágúst 2017 á eftirtöldum stöðum: Á skrifstofu sveitarfélagsins að Ásgarði í Kjós Á heimasíðu sveitarfélagsins, www.kjos.is Þeim sem telja sig eiga hagsmuna að gæta er hér með gefinn kostur á að gera skriflegar athugasemdir við skipulagstillögunar. Athugasemdir skulu hafa borist eigi síðar en 31 ágúst 2017. Skila skal athugasemdum á skrifstofu sveitarfélagsins að Ásgarði, 276 Mosfellsbær eða á netfangið jon@kjos.is. Þeir sem ekki gera athugasemdir við skipulagstillöguna fyrir tilskilinn frest teljast samþykkja hana.

 

Kjósarhreppur 17 júlí 2017

Jón Eiríkur Guðmundsson Skipulags- og byggingarfulltrúi Kjósarhrepp

 

 

Tillaga að deiliskipulagi í landi Eilífsdals og greinargerð 

meira...
13. júlí 2017 11:01

Kátt í Kjós

 

Kátt í Kjós verður laugardaginn 22. júlí.

Hér má skoða viðburði þann dag og prenta út. 

BÆKLINGURINN 

 

Breyting,  heyrúlluskreytingin verður á túnum í landi Flekkudals sem eru við Flekkudalsveginn, tilvalið að nota þær,  þar sem rúllurnar liggja þar enn út um allt

meira...
5. júlí 2017 09:34

Tilkynning frá Sögufélaginu Steina á Kjalarnesi

 

Samkvæmt Landnámu og Kjalnesinga sögu stóð vagga keltnesk-kristinnar trúar á Kjalarnesi en þar segir að Örlygur Hrappson hafi byggt fyrstu kirkju á Íslandi um 900. Örlygur og fleiri landnámsmenn á vesturhluta Íslands komu frá Skotlandseyjum og Írlandi og aðhylltust keltneska kristni. Hafin er gerð útialtaris í landi Esjubergs á Kjalarnesi í minningu þessarar kirkju. Sögufélagið Steini á Kjalarnesi stendur að þessu verkefni og biður um aðstoð við fjáröflun, sbr. https://www.karolinafund.com/project/view/1625
Vinsamlegast deilið þessum pósti svo sem flestir fái tækifæri til að styðja við þetta verkefni okkar Kjalnesinga. 

English text

According to The Book of Settlement and Kjalnesinga saga, settlers from the Scottish Isles and Ireland, sailed to Iceland and settled mainly at the west coast of Iceland. According to the sagas, the first Church in Iceland, a Celtic-Christian Church, was built at Esjuberg around 900. The Historical Society- Steini at Kjalarnes, Iceland, is building an outdoor Celtic Altar at Esjuberg location in the memory of this first Church in Iceland. The Society is asking the public for support to finish the job, see: https://www.karolinafund.com/project/view/1625

Please share this post! 

meira...
27. júní 2017 01:06

Kátt í Kjós 2017

 

Kátt í Kjós hátíðin verður haldin laugardaginn 22. júlí. 

Verðlaunapóstkassinn í Flóahreppi 2017

 

Eins og á síðasta ári eru íbúar hvattir til að skreyta póstkassana sína og flottasti kassinn verður valinn. Boðið verður upp á rúlluskreytingar og fleira.

 

Auglýsingabæklingur verður gerður og þeir sem vilja vera með í honum eru vinsamlegast beðnir að senda texta og myndir á netfangið gudny@kjos.is 

 

Hugmyndir eru um að fá lánuð skemmtileg söfn, safnara  og hafa til sýnis í Ásgarði og fleira.  

 

Þeir sem hafa áhuga á að vera með sölubása í Félagsgarði eru vinsamlegast beðnir að hafa samband við staðarhaldarann þar, Einar Tönsberg  felagsg@gmail.com eða í gsm: 6595286.

 

meira...
22. júní 2017 10:56

Ljósleiðaramál í Kjósarhreppi

 

Fyrirhugað er að ljúka lagningu á fjarskiptarörum í jörð samhliða hitaveituframkvæmdum á árinu 2017. Jafnframt er fyrirhugað að stór hluti fjarskiptakerfisins verði orðinn virkur fyrir árslok 2017. Það er því komið að því að kanna hverjir óska eftir því að tengjast kerfinu á þeim kjörum sem sveitarstjórn hefur ákveðið.

 

Margar spurningar vakna tengdu þessu verkefni .  Þær kunna að  snúa að frágangi lagna innanhúss, tengingu við frístundahús, hvað er ljósleiðari?, hverju breytir þetta fyrir mig?, get ég tengst síðar?  kostnaður fasteignaeigenda og svo framvegis.

 

Til þess að svara slíkum spurningum og veita frekari upplýsingar um næstu skref verður haldið opið hús að Ásgarði, miðvikudaginn 28. júní frá klukkan 13:00 til 18:00 og einnig laugardaginn 1. júlí frá klukkan 10:00 til 15:00.  Þar situr Guðmundur Daníelsson fyrir svörum og er reiðubúinn að svara öllum þeim spurningum sem brennur á ykkur. Einnig verða umsóknareyðublöð á staðnum sem hægt er að fylla út til þess að staðfesta þátttöku í verkefninu.

 

Þeir sem sjá sér ekki fært að koma á fundinn geta sótt um  á þar til gerðu umsóknareyðublaði sem sækja má hér fyrir neðan, prenta út og senda til:  Leiðarljóss ehf, Ásgarði Kjós, 276 Mosfellsbæ eða á netfangið gudny@kjos.is

 

Umsóknir þurfa að berast Kjósarhrepp fyrir 15. júlí 2017.

 

Sjá nánar hér        Erindi frá Leiðarljósi  Umsóknareyðublað  Umsókn á PDF

 

meira...
21. júní 2017 02:04

Staurar teknir í misgripum

 

Guðríður(Bíbí) og Björn(Bjössi) frá Þúfu geymdu um 40 girðingarstaura upp með Skoránni, en nota átti þá í að girða beitarhólf fyrir hross. Þeir eru nú horfnir. Ef einhverjir geta gefið upplýsingar um hvar þeir eru nú niðurkomnir vinsamlegast hafi samband við viðkomandi.

 

meira...
20. júní 2017 09:22

Dýrbítur á ferð

 

Það sást til dýrbíts ( hunds ) í gær,  19 júní 2017.

 

 

Hundurinn fór að hóp kinda og flæmdi eitt lamb frá öðrum kindum í hópnum og rak það í sjálfheldu þar sem hann beit það ( sjá mynd af sári á lambi )

Ekki náðist að mynda hundinn við verknaðinn en það sást til hans. 

 

meira...
19. júní 2017 11:28

17. júní í Kjósinni

 

Þjóðhátíðardagur Íslendinga 17. júní var haldinn hátíðlegur í Kjósinni. Virðuleg skrúðganga var frá Meðalfelli að Kaffi Kjós með hestamenn úr hestamannafélaginu Adam í forrreið með fána.  

Hermann á Hjalla bauð börnum að standa á heyvagni sem dreginn var af traktor og var ekið á eftir reiðmönnum og göngufólki.

 

Kjósarhreppur bauð gestum upp á pylsur og safa á Kaffi Kjós, hoppukastalar og uppblásnar böðrur voru í einnig í boði hreppsins í tilefni dagsins.

 

Helga og Tinna Hermannsdætur buðu börnum upp á andlitsmálun og Ungmennafélgið Drengur var með hin ýmsu dýr til sýnis og bauð börnum á hestbak.

 

meira...
13. júní 2017 12:08

AG verktakar rúlla sumrinu upp fyrir þig !

 

Tek að mér rúllubindingu á Kjósasvæðinu í sumar.

 

Verð með McHale Fusion 3 plus.

Hefðbundin rúllustærð 1,25x1,23 og söxun með allt að 25 hnífum.

 

Nánari upplýsingar má finna á facebook síðunni, 

AG verktakar
https://www.facebook.com/AG-verktakar-1164403200285444/
eða hjá Atla í síma 858-7929.
 
Fljót og góð þjónusta.
AG verktakar Káraneskoti. 

meira...
12. júní 2017 11:16

Kvennahlaupið 2017 í Kjósinni

 

Kvennahlaup ÍSÍ  verður 18.júní nk.

Hlaupið hefst við Kaffi Kjós  kl. 14:00.

Bolirnir eru komnir og skráning hafin í síma 5668099.

 

www.kaffikjos.is

 

meira...
9. júní 2017 12:44

Kvennareiðin í Kjósinni 2017

 

Kvennareiðin verður að þessu sinni sunnudaginn 18. júní.

 

 

Lagt verður af stað frá flötinni rétt fyrir sunnan Bugðubrú kl 15:30. (þar sem Dælisá sameinast Bugðu)

Þær sem koma með hestana sína á kerrum ættu að geta tekið þá af á svæðinu fyrir framan gámaplanið.

 

Kvöldmatur með glensi og gamni verður í Eilífsdal verði stillt í hóf.

Þar verður hægt að kaupa rautt, hvítt og bjór, allt verður þetta á kostnaðarverði.

Vonum að sjá sem flestar og við eigum saman notalega stund.

 

Þátttaka tilkynnist til Huldu í síma 8921289 eða á netfangið hulda.thorsteinsdottir@rvkskolar.is fyrir fimmtudagskvöldið 15. júní.

 

Kveðja frá mæðgunum í Eilífsdal

 

meira...
8. júní 2017 03:38

Lagning hitaveitu á fullu skriði

 

Kjósarveitur héldu aðalfund í maí og var þá skipt um fulltrúa frístundahúsaeigenda í stjórn veitunnar.

Sigurður Sigurgeirsson formaður sumarhúsaeigenda við Meðalfellsvatn kvaddi eftir 1 ár í stjórn og við tók Jón Bjarni Bjarnason formaður sumarhúsaeigenda í Norðurnesi.

Stjórn KV 2017, frá vinstri: Guðmundur Davíðsson Miðdal, Pétur Guðjónsson Bæ, Sigurður Ásgeirsson Hrosshóli, Jón B. Bjarnason Norðurnesi og Karl M. Kristjánsson Eystri-Fossá.

 

Verktakar mættu í byrjun maí og er allt komið á fullt enda verklok 30. nóvember nk.

 

Verkáætlanir og stöðu verksins á hverjum tíma er að finna á undirsíðu Kjósarveitna hér til vinstri, KJÓSARVEITUR EHF , Verkstaða og -áætlun

 

F.h. Kjósarveitna ehf

Sigríður Klara Árnadóttir, sigridur@kjos.is  

 

Jón Ingileifs mættur Gröfutækni að þvera Bugðu
Samstarf suðumanna

Skipti stjórnarmanna.
Sigurður kveður og

Jón tekur við.

Dælurnar fyrir Norðurnesið

og framsveitina í bakgrunni.

Dælurnar til hægri sjá m.a.

um byggðina við Meðalfellsvatn

Laxá í Kjós þveruð við

Fauskanesið.

Káranes í bakgrunni.

meira...
8. júní 2017 12:13

Breyting á aðalskipulagi og lýsing á deiliskipulagi

 

Sveitarstjórn Kjósarhrepps auglýsir samkvæmt 36. gr. skipulags-laga nr. 123/2010 óverulega breytingu á Aðalskipulagi Kjósarhrepps 2005-2017. Með breytingunni er gert ráð fyrir að efnistökusvæði E22 verði fært úr farvegi Laxár í farveg Þverár við Hækingsdal. Jákvæð umsögn Hafrannsóknarstofnunar og Fiskistofu liggur fyrir.

 

Sveitarstjórn Kjósarhrepps auglýsir deiliskipulagslýsingu samkvæmt 1. mgr. 40. gr. skipulagslaga nr. 123/2010 m.s.br. Í lýsingunni er gert grein fyrir hvernig staðið verði að skipulags-gerð við íbúðarhús og útihús í landi Eilífsdals. Markmið með deiliskipulaginu er að afmarka annars vegar íbúðarhúsi og hins vegar útihúsi lóð og móta umgjörð um breytta notkun á alifuglahúsi en til stendur að taka það undir ferðaþjónustu.

 

Aðalskipulagsbreytingin og deiliskipulagsauglýsingin liggja frammi á skrifstofu sveitarfélagsins í Ásgarði. 

 

Ábendingum og/eða athugasemdum við efni lýsingarinnar skal skila fyrir 21. júní 2017 á skrifstofu sveitarfélagsins eða á jon@kjos.is.

 

Eilífsdalur  sjá hér

Náma Þverá sjá hér

Jón Eiríkur Guðmundsson,Skipulags- og byggingarfulltrúi Kjósarhrepps.

 

meira...
2. júní 2017 09:57

Góð gjöf

 

Björgunarsveitinni  áskotnast svokallað Björgvinsbelti sem hún síðan færði  Kjósarhreppi að gjöf  með uppsetningu við Meðalfellsvatn í huga.                                              

 

Björgvinsbelti hafa verið sett upp víða til þess að auka öryggi við ár, sjó og vötn og standa Slysavarnafélagið Landsbjörg, Sjóvá og Vegagerðin að framtakinu.

 

 

Beltið fær staðsetningu við Sandsá, þar sem áin rennur í Meðalfellsvatn.

meira...
2. júní 2017 01:36

Guðþjónusta á hvítasunnudag, kl. 14


 

Á hvítasunnudag 4. júní verður guðsþjónusta á léttum nótum kl.14 í Reynivallakirkju.

Kirkjukór Reynivallaprestakalls syngur.

Organisti og stjórnandi er Guðmundur Ómar Óskarsson.

 

Það væri gaman að sjá þig.

Sr. Arna Grétarsdóttir, sóknarprestur

meira...
2. júní 2017 01:16

Á næstunni

 

Unglingavinnan verður starfrækt í sumar, hefst 12. júní og verður í fimm vikur,  fjóra daga vikunnar frá kl 09:00-13:00. Umsjónarmaður verður: Björn Hjaltason.  Þeir unglingar sem áhuga hafa á vinnunni eru beðnir að hafa samband við Guðnýju í s. 5667100 eða á netfangið gudny@kjos.is                                                                    

 

17. júní hátíð í Kjósinni.  Áhugi kom fram á opnum fundi sem haldinn var 3. maí sl. að vera með smá uppákomu í Kjósinni á  þjóðhátíðardegi okkar íslendinga.   

Hugmyndin er að það verði skrúðganga frá Meðalfellsholti að Kaffi Kjós og hefjist kl 13:00. Hestamannafélagið verði með forreið og fána, dráttarvél og heyvagn sem börn geti setið í og aðrir ganga.  Við Kaffi Kjós verður hoppukastali og boðið upp á andlitsmálun, blöðrur, grillaðar pylsur, safa og eitthvað fleira skemmtilegt.  

meira...
24. maí 2017 09:11

Sumarhúsaeigendur við Meðalfellsvatn.

 

Hinn árlegi hreinsunar og brennudagur FSM verður haldinn laugardaginn 3.juní n.k.

Safnast verður saman við Kaffi Kjós kl 12.00 þar sem við skiptum liði og útdeilum plastpokum til að tína rusl.

 

Keyrt verður um svæðið á traktor til að safna saman trjáafklippum sem sumarhúsaeigendur eru beðnir að skilja eftir við veginn. Ath við förum ekki inná lóðir til að sækja.

Brennan okkar verður síðan tendruð kl 20.00 stundvíslega. Þar verða seldar pylsur og gos, spilað og sungið.

 

Það er von stjórnar FSM að sem allra flestir sjái sér fært að taka þátt og hjálpa okkur við að halda umhverfi Meðalfellsvatns hreinu og fínu.

 

Stjórn FSM

 

meira...
23. maí 2017 10:09

Plastgámar losaðir

 

Rúlluplastgámar veða losaðir á föstudaginn þann 26. maí 

meira...
23. maí 2017 09:50

Frá Kaffi Kjós

 

Í dag, þriðjudaginn 23.maī 2017 er Kaffi Kjós 19.ára að því tilefni bjóðum við í vöfflukaffi frá kl. 15.00. Allir velkomnir. Okkur þætti gaman að sjá þig.

Hermann og Birna.

 

 

meira...
2. maí 2017 11:35

Á döfinni

 

Opinn fundur verður í Ásgarði miðvikudagskvöldið 3. mai kl 20:30.

Málefni fundarins er Kátt í Kjós í sumar og hugmyndir að öðrum viðburðum í sveitarfélaginu. Er eitthvað hægt að gera skemmtilegt t. d. á þjóðhátíðardeginum 17. júní?

Forsvarsmenn hinna ýmsu félaga í sveitinni eru vinsamlegast hvattir til að mæta og viðra sínar hugmyndir.                                                                                                            Bókasafnið verður opið  þetta kvöld og væri gott að fá þær bækur inn sem enn eru í útláni.

 

Hjartastuðtækið sem staðsett er í bókasafninu  Ásgarði verður fært í Kaffi Kjós 1. maí eða þegar opið verður þar  alla daga.                                                                                               

Í vetur var haldið námskeið í Ásgarði þar sem kennd var notkun og meðferð hjartastuðtækja.  Námskeiðið var vel sótt af sveitungum.  Tækin eru tiltölulega auðveld í notkun og eru búin þannig tækni að tækið leiðir notanda áfram, talandi á íslensku.

 

Opnunartími á endurvinnsluplaninuverður til reynslu lengdur á sunnudögum til kl 18:00 í sumar, mánuðina maí, júní,  júlí og ágúst.                                                   

Endurskoðað verður með haustinu hvort stakir gámar við sumarhúsahverfin verði áfram staðsettir þar. Þessir gámar eru einungis ætlaðir fyrir heimilissorp en eru óspart notaðir fyrir grófan úrgang, heimilistæki og margt annað sem alls ekki má að fara í þessa gáma.

 

meira...
27. apríl 2017 01:52

Aðalfundur FSM

 

Félags Sumarhúsaeigenda við Meðalfellsvatn

 

Kæru félagsmenn
Aðalfundur FSM verður haldinn Sunnudaginn þann 30. april.
Fundarstaður er Hjalli í Kjós
Fundartími, fundurinn hefst kl 14.00
Venjuleg aðalfundarstörf
Kaffiveitingar

Það er von okkar að sem flestir sjái sér fært að mæta á fundinn og nýjir félagar eru boðnir hjartanlega velkomnir.

Bestu kveðjur
Stjórn FSM

 

meira...
4. apríl 2017 02:47

Ungmennafélagið Drengur

 

Aðalfundur ungmennafélagsins Drengs var haldinn 28. mars sl.

Ný áhugasöm stjórn var kosin á fundinum.

 

Hana skipa nú:

Elís Guðmundsson formaður

Maríanna H Helgadóttir ritari

Óðinn Elísson féhirðir

Ásdís Ólafsdóttir varaformaður

Jóhanna Hreinsdóttir varaféhirðir

 

Varamenn: Sigurþór Sigurðsson, Heikir Snorrason og Atli Guðmundsson

Endurskoðendur: Sigurður Guðmundsson og Guðmundur Magnússon

 

 

meira...
4. apríl 2017 02:44

Hreppsnefndarfundur 6. apríl

 

Hreppsnefndarfundur verður fimmtudaginn 6. apríl kl 13:00 í Ásgarði.

Dagskrá fundarins má sjá HÉR 

meira...
28. mars 2017 04:09

Kjósarveitur, staðan og næsti áfangi

 

 Búið er að hleypa á þær lagnir sem komnar eru í jörð og heitt vatn farið að nýtast 13 íbúðarhúsum, einu fyrirtæki og 32 frístundahúsum í Kjósinni.

 

Nú er ekkert því til fyrirstöðu að dusta rykið af píparanum og hafa síðan samband við

Kjartan hjá Kjósarveitum, GSM: 853-2112  til að fá endabúnað frá hitaveitunni eftir því sem við á, hemil eða mæli.

 

Athygli er vakin á því að frárennsli hitaveitu er á ábyrgð húseiganda og skal huga vel að því að frárennsli spilli ekki neysluvatnsbrunnum á viðkomandi svæði.

 

Næsti áfangi:

Vinna við hitaveitulegg nr. 2 hefst eftir páska. Það er leggurinn frá heitavatns holum, um Laxárdal, niður að Káraneskoti, Laxárnesi og frístundahúsum niður af Hálsendanum inn að Hvammsvík.

Verktakar áætla verktímann fyrir legg nr. 2 um 3 mánuði.

Rukkun á heimæðargjöldum fyrir þetta svæði er að fara af stað á næstu dögum með eindaga í lok maí. Sjá GJALDSKRÁ KJÓSARVEITNA

 

Þeir sem hafa áhuga á hitaveitu en hafa enn ekki sótt um geta fyllt út  UMSÓKN og sent til baka á netfangið: kjosarveitur@kjos.is

 

Hitaveituleggur nr. 3 er frá heitavatns holum austur um Norðurnes, Vindáshlíð að Hækingsdal og Fremri Hálsi.

 

Hitaveituleggur nr. 4 og sá síðasti er seinni helmingur frístundahúsasvæðisins í Valshamri, um Miðdal, Morastaði og að Kiðafelli.

 

Vekjum athygli á hinum ýmsu tilboðum t.d. á heitum pottum, lista yfir pípara og nánari upplýsingar auk fræðsluefnis http://kjos.is/kjosarveitur-ehf/

 

Með hlýjum kveðjum og von um áframhaldandi góða samvinnu

Kjósarveitur - kjosarveitur@kjos.is - s: 56671-00

Sigríður Klara, framkvæmdastjóri - sigridur@kjos.is - GSM: 841-0013

Kjartan, rekstrarstjóri - kjartan@kjos.is - GSM: 853-2112

 

 

meira...
27. mars 2017 11:33

Aðalfundur ungmennafélagsins

 

Aðalfundur Ungmennafélagsins Drengs verður haldinn þriðjudaginn 28. mars kl 20:30 í Ásgarði.

 

·        Venjuleg aðalfundarstörf.

·        Kosningar.

 

Guðný G Ívarssdóttir formaður gefur ekki kost á sér í áframhaldandi í stjórn.  Áhugasamir eru hvattir til að mæta og gefa kost á sér til ábyrgðarstarfa. Sérstök hvatning til unga fólksins en kveikja þarf meira líf í ungmennafélaginu.

Stjórnin.

 

meira...
23. mars 2017 01:45

Hraðhleðslustöð í Kjósinni

 

Hleðslustöðin sem Orkusalan færði Kjósarhrepp að gjöf verður staðsett í  Ásgarði. Hún hefur þegar verið tengd og er fest utan á húsið bakdyramegin,  mjög greinileg enda fjólublá að lit.

 

Orkusalan ákvað á síðasta ári að gefa öllum sveitarfélögum í landinu hraðhleðslustöðvar fyrir rafmagnsbíla. Í tilkynningu frá Orkusölunni  segir að með því að gefa sveitarfélögum hleðslustöðvar vilji fyrirtækið ýta undir rafbílavæðingu bílaflotans og ýta við fyrirtækjum og stofnunum, sem geta sett upp slíkar stöðvar við sín bílastæði.

 

meira...
21. mars 2017 11:29

Minnum á

 

Að heldri íbúum í Kjósarhreppi er boðiðí Ásgarð á morgun,  miðvikudag  22. mars kl. 15:00.  Elva B. Pálsdóttir forstöðumaður  félagsstarfs eldri borgara og Vibeke Þ. Þorbjörnsdóttir deildarstjóri búsetu-/þjónustudeildar Mosfellsbæjar koma í heimsókn og kynna það góða starf sem þar er í boði og Kjósarhreppur er aðili að.

 

Einnig kemur hópur gítarnemenda úr Listaskóla Mosfellsbæjar í heimsókn og leikur fjölbreytta tónlist og leikur undir í fjöldasöng. Stjórnendur eru Símon Ívarsson og Ívar Símonarson.

 

Heitt á könnunni, bókasafnið opið og upplagt að skila bókum og ná sér í nýjar.

 

meira...
21. mars 2017 11:25

Hjóna- og paranámskeið í Ásgarði

  

Hjóna- og paranámskeið verður haldið

í Ásgarði,

laugardaginn 22. APRÍL kl.14-17.
Námskeiðið er ætlað pörum, verðandi brúðhjónum og hjónum á öllum aldri sem vilja styrkja og dýpka samband sitt.
Á námskeiðinu verður farið í fimm tungumál kærleikans sem hjónabandsráðgjafinn Gary Chapman þróaði í vinnu sinni með tilfinningasamskipti hjóna. Fjallað verður m.a  um nánd, vináttu, traust og hamingju í samböndum. Hver hjón fyrir sig vinna sambandsstyrkjandi verkefni.
Lögð er áhersla á að skapa vekjandi, notalegt og uppbyggjandi andrúmsloft. Mælt er með því að hjónin/pörin skipuleggi rómantíska kvöldstund eftir námskeiðið.
Sr. Arna Grétarsdóttir sóknarprestur leiðir námskeiðið en hún hefur haldið fjölda hjóna- og paranámskeiða í Noregi ásamt því að veita hjónaráðgjöf.
Námskeiðið er ætlað sóknarbörnum í Reynivallaprestakalli (Kjalarnes og Kjós) og því er ekkert námskeiðsgjald tekið.
Skráning hjá sr. Örnu: arna.gretarsdottir@kirkjan.is
Takmarkaður fjöldi. 

 

 

Á síðasta aðalsafnaðarfundi var farið yfir ársreikninga Reynivallakirkju og Reynivallakirkjugarðs og þeir samþykktir. Ársreikningana má finna inn á undirsíður Reynivallakirju hér til vinstri: http://kjos.is/reynivallakirkja/

 

Karl Magnús Kristjánsson, ákvað að bjóða sig ekki aftur fram í sóknarnefnd og voru honum þökkuð störf síðustu tvo áratugi.

Í aðal sóknarnefnd tók Hulda Þorsteinsdóttir, sæti Karls Magnúsar og Sigurþór Sigurðsson Borgarhóli tók sæti sem 3. varamaður.

 

Margt var rætt og m.a. tekin ákvörðun um að mála þak Reynivallakirkju í sumar og huga að salernis- og vatnsaðstöðu fyrir þá sem leið eiga í kirkjuna og/eða kirkjugarðinn. Sótt verður í alla þá sjóði sem hægt er til að fjármagna þessi verkefni.

 

Sóknarnefnd Reynivallakirkju

 

meira...
16. mars 2017 10:34

Könnun lokið

 

Könnuninni um áhuga á ljósleiðaratengingu í Kjósarhreppi sem var á kjos.is hefur nú verið lokað.

 

Alls tóku þátt 232.

55 íbúðarhúsaeigendur svöruðu og var 100% áhugi hjá þeim. 177 frístundahúsaeigendur svöruðu, 150 sögðu já,  en 27 nei eða 18%.

 

Kjósarhreppur þakkar þátttökuna.

 

meira...
15. mars 2017 04:59

Breytingar á skipulagi sveitarfélaga vegna Borgarlínu

 

Lögð fram til kynningar verkefnislýsing vegna breytinga á svæðisskipulaginu Höfuðborgarsvæðið 2040 sbr. 2. mgr. 23. gr. skipulagslaga nr. 123/2010. Breytingin felst í að festa legu samgönguása fyrir Borgarlínu og setja fram viðmið um uppbyggingu á áhrifasvæðum.

 

Frestur til athugasemda:
Verkefnislýsingarnar eru í kynningu frá 10. mars til og með 25. apríl 2017. Athugasemdir og ábendingar verða að vera skriflegar og þurfa að berast skrifstofu SSH eða á skrifstofu viðkomandi sveitarfélags.

 

 

meira...
9. mars 2017 04:49

Aðalfundur Sögufélagsins Steina á Kjalarnesi

 

 

Aðalfundur Sögufélagsins Steina á Kjalarnesi, verður haldinn í félagsheimilinu Fólkvangi laugardaginn 11. mars og hefst stundvíslega kl. 13:00.

 

Á dagskrá eru:

1.     Venjuleg aðalfundarstörf.

2.     Önnur mál.

Að fundi loknum fræðir Magnús Þór Hafsteinsson, rithöfundur, blaðamaður og fv. alþingismaður, okkur um hernámið á Kjalarnesi og nágrenni, á tímum seinni heimstyrjaldarinnar. Allir áhugamenn um sögu Kjalarness ættu ekki að láta þetta tækifæri fram hjá sér fara. Kaffi og bakkelsi. Aðgangseyrir er 1000 kr. Komið kæru Kjalnesingar og aðrir góðir gestir og fræðist um sögu okkar og styrkið litla félagið okkar í leiðinni. J

Fyrir hönd stjórnarinnar, Hrefna S. Bjartmarsdóttir, netf. hsb3@hi.is  / gsm 6592876.

 

meira...
9. mars 2017 10:05

Heldri íbúar í Kjósarhreppi

 

Heldri íbúum í Kjósarhreppi er boðiðí Ásgarð miðvikudaginn  22. mars kl. 15:00.  Elva B. Pálsdóttir forstöðumaður  félagsstarfs eldri borgara og Vibeke Þ. Þorbjörnsdóttir deildarstjóri búsetu-/þjónustudeildar Mosfellsbæjar koma í heimsókn og kynna það góða starf sem þar er í boði og Kjósarhreppur er aðili að.

 

Einnig kemur hópur gítarnemenda úr Listaskóla Mosfellsbæjar í heimsókn og leikur fjölbreytta tónlist og leikur undir í fjöldasöng. Stjórnendur eru Símon Ívarsson og Ívar Símonarson.

meira...
9. mars 2017 10:03

Námskeið í tamningu og þjálfun fjárhunda.

 

Ungmennafélagið Drengur stendur fyrir námskeiði í tamningu og þjálfun fjárhunda og verður námskeiðið haldið í Miðdal í Kjós (reiðskemmunni) dagana 25. og 26. mars nk.  Kennari verður Elísabet Gunnarsdóttir frá Daðastöðum. Lágmarksþátttaka eru 8 manns.

Námskeiðið kostar kr. 30.000.-  Starfsmenntunarsjóður Bændasamtaka Íslands veitir styrk vegna slíkra námskeiða og þurfa umsækjendur að vera félagsmenn í Bændasamtökunum.

 

Sjóðurinn veitir þrennskonar námsstyrki;

1)         ef námskeið sem sótt er um er faglegt og varir í tvo daga og er 15-24 kennslustundir (45 mín) er greiddur námsstyrkur að upphæð kr. 33.000

2)         ef námskeið sem sótt er um er faglegt og varir í a.m.k. 8 kennslustundir (a.m.k. 45 mín.) er greiddur námsstyrkur að upphæð kr. 18.000

3)        ef námskeið er skemmra en 8 kennslustundir (45 mín) en að lágmarki 4 kennslustundir og ekki eins miklar kröfur gerðar til faglegs innihalds er greiddur námsstyrkur að upphæð kr. 12.000

 

Nánari upplýsingar veitir Guðný gsm: 8997052 og skráning á gudny@kjos.isfyrir 15. mars nk.

meira...
7. mars 2017 11:30

Plastgámar losaðir á fimmtudaginn

 

Plastgámar verða losaðir á fimmtudaginn 9. mars. Til þess að þeir verði örugglega losaðir þarf aðgengi að þeim að vera gott. 

meira...
3. mars 2017 02:25

Kjósarhreppur og nútíminn

 

Ljósleiðari í Kjós

Um árabil hefur staða fjarskiptamála í Kjósarhreppi verið með þeim hætti að íbúar, fyrirtæki og gestir sveitarfélagsins hafa búið við óöryggi í nútíma fjarskiptum.   Fjarskiptamál í Kjós hafa verið borin saman við stöðu fjarskiptamála í nágrannasveitarfélögum og hefur Kjósarhreppur ekki staðist þann samanburð.  Það hefur ekki farið framhjá forsvarsmönnum Kjósarhrepps að knýjandi hefur verið að virkja hraðvirka fjarskiptatengingu hér í sveit til að sveitungar og aðrir í sveitarfélaginu sitji við sama borð og aðrir landsmenn.

 

Sveitarstjórn Kjósarhrepps tók þá ákvörðun að leggja ídráttarrör fyrir ljósleiðara samhliða lagningu á hitaveitu í sveitarfélaginu og var byrjað á lagningu á síðasta ári.   Áætlað er að ljúka við lagningu ljósleiðarans um stærstan hluta sveitarfélagsins á þessu ári.   Kjósarhreppur er metnaðargjarnt sveitarfélag en hefur færri íbúa en flest önnur sveitarfélög á landinu.  Af þeim ástæðum hefur sveitarfélagið þurft að sníða sér stakk eftir vexti.  Sveitarstjórn Kjósarhrepps þarf að gæta að landslögum þegar ráðist er í skuldbindingar vegna framfaramála.  Fjárhagur og skuldbindingar sveitarfélagsins, m. a. vegna fyrirhugaðrar ljósleiðaravæðingar, verða að vera innan lögskipaðra ráðdeildarmarka.

 

Með þeirri ákvörðun sveitarfélagsins að leggja ljósleiðara um stærstan hluta sveitarfélagsins og nýta þá hagkvæmni sem fylgir samlegðaráhrifum með hitaveitulögn í sveitinni er það ætlun sveitarfélagsins að auka lífsgæði og vinnuaðstöðu íbúa, fyrirtækja og gesta.

 

Með lögum um fjarskiptasjóð nr. 132/2005 var ákveðið af Alþingi Íslending að að stuðla að uppbyggingu á sviði fjarskiptamála á grundvelli fjarskiptaáætlunar.  Hlutverk fjarskiptasjóðs er að úthluta fjármagni til verkefna sem miða að uppbyggingu stofnkerfa fjarskipta, verkefna sem stuðla að öryggi og samkeppnishæfni þjóðfélagsins á sviði fjarskipta og annarra verkefna.  Á fjárlögum síðustu ára hefur verið gert ráð fyrir því að styrkja sérstaklega minni sveitarfélög til að ráðast í uppbyggingu slíkra stofnkerfa og hefur Alþingi þá ekki síst horft til þess að fjarskiptafyrirtæki á almennum markaði sjá sér ekki hag í miklum fjárfestingum í minni sveitarfélögum.

 

Samkvæmt fyrirliggjandi áætlunum Kjósarhrepps er ráð fyrir því gert að heildarkostnaður sveitarfélagsins af uppbyggingu ljósleiðarakerfis í sveitarfélaginu verði um kr. 150.000.000,- Í þeim áætlunum er ekki gert ráð fyrir lagningu ljósleiðara inn í Brynjudal.  Það er þó markmið sveitarfélagsins að Brynjudalur sitji við sama borð og aðrir í fjarskiptamálum á komandi árum.

 

Kjósarhreppur hefur sótt um styrk til fjarskiptasjóðs og fengið mjög jákvæðar afgreiðslur frá sjóðnum. Samþykktur styrkur fjarskiptasjóðs til ljósleiðaravæðingar í sveitarfélaginu er nú kr. 33.000.000,- vegna ársins 2016 og 2017.   Það er ætlun Kjósarhrepps að eiga ljósleiðarastofnkerfið í sveitinni og hefur sveitarfélagið þegar stofnað einkahlutafélagið „Leiðarljós ehf.“ til að halda utan um þá eign. 

 

Ljósleiðaravæðing og tenging fasteigna við ljósleiðara yrði ekki að veruleika í Kjósarhreppi nema notendur kerfisins greiði tengigjöld við fasteignir sínar í sveitarfélaginu.  Samkvæmt frumáætlun sveitarfélagsins er áætlað að kostnaður fasteignareiganda á hverja tengingu muni verða um kr. 250.000,- og er þá innifalið í því verði ljósleiðari að húsi, uppsetning endabúnaðs ljósleiðara hjá notenda auk virðisaukaskatts.  Í þessum áætlunum er gert ráð fyrir því að um 79 íbúðarhús og fyrirtæki tengist stofnkerfinu og um 260 sumarhús. Stærri sveitarfélög en Kjósarhreppur hafa gert fasteignareigendum að greiða hærra stofngjald en stærstu sveitarfélög landsins, sem sum hafa ekki innheimt sérstök inntökugjöld, standa mun betur að vígi gagnvart fjarskiptafyrirtækjum sem huga nær eingöngu að markaðsmálum.

 

Á kjos.is fer nú fram könnun þar sem leitað er eftir svörum frá fasteignaeigendum í Kjósarhreppi við því hvort vilji þeirra standi til að tengjast ljósleiðarastofnkerfinu . Nú hafa aðeins um 200 aðilar svarað, 90% segja já en 10% nei.  Það er mikilvægt fyrir Kjósarhrepp að fá góð viðbrögð við þeirri könnun frá fasteignareigendum og svör þeirra  við þeim spurningum sem í könnunni felst. Könnunin er opin til 10. mars.

 

Verði fleiri þátttakendur í verkefninu en áætlað er munu stofngjöld fasteignaeigenda verða minni.  Það er mat sveitarfélagsins Kjósarhrepps að lagning ljósleiðarastofnkerfis um sveitarfélagið sé nauðsynleg langtíma fjárfesting sem ætluð er til þess að gera íbúum, fyrirtækjum og gestum í sveitarfélaginu, jafn hátt undir höfði í fjarskiptamálum og öðrum aðilum í öðrum sveitarfélögum á Íslandi. Guðný G. Ívarsdóttir sveitarstjóri.

 

meira...
24. febrúar 2017 03:25

Könnun um áhuga á að tengjast ljósleiðaraneti í Kjósarhreppi

 

Nú hafa um 25% fasteignaeigenda í Kjósarhreppi svarað könnuninni um áhuga á að tengjast ljósleiðara eða ekki. 90% svarenda hafa áhuga á tengingu en 10% ekki.

Könnunin verður opin til 10. mars nk. 

meira...
23. febrúar 2017 10:29

Messa og aðalsafnaðarfundur sunnudaginn 5. mars

 

   Messa í Reynivallakirkju

sunnudaginn 5. mars kl. 11:00

(athugið breyttan messutíma

og þetta er þarnæsti sunnudagur).


Verið hjartanlega velkomin
Arna Grétarsdóttir, sóknarprestur

 

 


Í kjölfarið boðar sóknarnefnd til aðalsafnaðarfundar Reynivallasóknar (með lögbundnum viku fyrirvara) í Ásgarði um kl. 12.

Boðið verður upp á súpu og meðlæti í upphafi fundar.


 

Dagskrá fundarins:
1. Gerð grein fyrir starfsemi og rekstri sóknarinnar á liðnu starfsári.
2. Afgreiðsla reikninga sóknar og kirkjugarðs fyrir sl. ár, ásamt fjárhagsáætlun næsta árs.
3. Greint frá starfsemi héraðsnefndar og héraðsfundi.
4. Ákvörðun um stærri framkvæmdir (t.d. mála þakið oþh) og framtíðarskuldbindingar.
5. Kosning tveggja skoðunarmanna eða endurskoðanda sóknar og kirkjugarðs og varamanna þeirra til árs í senn.
6. Kosning eins aðalmanns í sóknarnefnd og eins varamanns til 4ra ára
7. Önnur mál

 

F.h. Sóknarnefndar Reynivallasóknar
Sigríður Klara Árnadóttir formaður, Unnur Sigfúsdóttir gjaldkeri

og Karl Magnús Kristjánsson ritari.


Varamenn: Jóhanna Hreinsdóttir, Hulda Þorsteinsdóttir

og Finnur Pétursson.

 

 

Útsend auglýsing HÉR

 

 

meira...
21. febrúar 2017 10:28

Könnun-áhugi á ljósleiðaratengingu

 

Nú er búið að opna fyrir könnun hér á kjos.is (stórt grænt hér fyrir neðan) þar sem spurt er hvort áhugi sé á að taka inn ljósleiðara eða ekki. Spurt er hvort viðkomandi sé eigandi að frístunda- eða íbúðarhúsi og beðinn gefa upp nafn sitt og netfang. Það er mjög mikilvægt fyrir sveitarfélagið vegna áframhaldandi vinnu að fá upplýsingar frá fasteignaeigendum í Kjósarhreppi hvort áhugi sé á að taka inn ljósleiðara eða ekki. Könnunin verður opin til 10. mars 2017.  Vinsamlegast takið þátt.

 

meira...
16. febrúar 2017 02:33

Ályktanir aðalfundar Umhverfisvaktarinnar við Hvalfjörð

 

   HÉR má lesa ályktanir aðalfundar Umhverfisvaktarinnar við Hvalfjörð.

Í þeim felast baráttumál og helstu verkefni þeirra.  

meira...
10. febrúar 2017 02:16

Bókasafnið opið og leikfimin byrjar

 

Bókasafnið verður opið næsta miðvikudagskvöld þann 15. febrúar kl 20:00. Þeir sem eru búnir að vera með bækur lengi og búnir að lesa eru vinsamlegast beðnir að koma þeim í Ásgarð þetta kvöld.

Fulltrúar rannsóknarverkefnisins Landslag og þátttaka verða á staðnum til að svara spurningum um verkefnið og þátttöku íbúa í því.

 

 

Leikfimin byrjar í Félagsgarði, mánudagskvöldið 20. febrúar kl 20:00 og verður tvisvar í viku, næstu sex vikurnar. Allir velkomnir. Áhugasamir hafi samband á netfangið gudny@kjos.is  

meira...
8. febrúar 2017 09:03

Gámaplanið lokað í dag

 

    Endurvinnsluplan Kjósarhrepps verður lokað í dag vegna veðurs.

Mikill hvellur á að ganga yfir í dag, miðvikudag 8. febrúar

 

Vonandi gengur ekki eins mikið á í veðrinu og í mars 2015, þegar Kjósin var á fljúgandi ferð meira og minna.

 

Þar á meðal vinnuhúsnæði starfsmanns á planinu, eins og meðfylgjandi mynd sýnir sem var tekin 14. mars 2015.

 

 

meira...
2. febrúar 2017 09:16

Kórastarf og kvöldmessa

 Kvöldmessa í Reynivallakirkju

sunnudaginn 5. febrúar kl.20.

 

Íhugunar- og friðarstund í kvöldkyrrðinni þar sem rólegir og einfaldir Taize sálmar verða sungnir.

 

Altarisganga fer fram.

Organisti er Guðmundur Ómar Óskarsson

 

Verið hjartanlega velkomin. 

Sr. Arna Grétarsdóttir, sóknarprestur

 

 

Í kvöld verður kynning á hugmynd að blönduðum kór Reynivallaprestakalls og kóræfing í kjölfarið í Brautarholtskirkju, kl. 20 - í kvöld fimmtudag 2. febrúar.

 

Vissir þú að margar rannsóknir sýna fram á að söngur hefur jákvæð áhrif á heilsu og heila. Bætir skapið, minnkar stress og stuðlar að góðum vináttusamböndum. Söngur eflir einnig sjálfstraustið og hefur jákvæð áhrif á kvíða og þunglyndi.


Viltu vera með í kór? Verið er að stofna blandaðan kór Reynivallaprestakalls og eru söngelskir Kjalnesingar og Kjósverjar hvattir til að mæta sem og aðrir áhugasamir.
Guðmundur Ómar Óskarsson organistinn okkar er stjórnandi kórsins.
Stefnt er að því að hafa tvær æfingar í mánuði, aðra í Reynivallakirkju og hina í Brautarholtskirkju.
 
Við hlökkum til að sjá þig
Ómar og Arna

 

 

meira...
31. janúar 2017 04:05

Heitt vatn farið að renna um stofnlagnir

 

 Heitu vatni var hleypt á stofnlögnina fyrir helgi.

Fyrst niður að Hjarðarholti, síðan niður að Felli og er nú komið alla leið niður að Hvalfirði. Úthleyping er við Brandslæk, rétt hjá Bolaklettum.

Þetta er fyrsti áfangi í lagninu dreifikerfis Kjósarveitna.

 

Þegar prófunum og eftirliti er lokið verður byrjað að hleypa inn á hliðaræðar kerfisbundið í samráði við væntanlega notendur.

 

Forsvarsmenn Logstor A/S í Danmörku, þeir Christian og Sören, komu í heimsókn á dögunum til að fylgjast með, enda lagnaefnið keypt af þeim. Þeir dáðust mjög að handverki  djúpdælunnar sem er hönnuð og smíðuð hjá Íslenskri jarðhitatækni ehf., undir stjórn Árna Gunnarssonar, vélaverkfræðings. Djúpdælan kom í 40 hlutum og nær 120 metra niður í jörðina.

 

Mikill gestagangur hefur verið í stöðvarhúsi hitaveitunnar að undanförnu enda menn spenntir að nær 30 ára draumur um heitt vatn í Kjósinni sé að rætast. 

 

Með hlýjum kveðjum

Sigríður Klara, framkvæmdastjóri, sigridur@kjos.is

Kjartan, rekstrarstjóri, kjartan@kjos.is

 

 

Dælupörin í stöðvarhúsinu.

Stærri dælurnar sjá um legginn niður

að Hvalfirði. Minna parið mun sjá um

legginn austur í Norðurnes,

að Fremra Hálsi og Hækingsdal.

Rennslismælir fyrir dreifikerfið

um byggðina við Meðalfellssvatn

og áfram niður að sjó.

 Hafás ehf vinnur að tengingu á varaafl-

stöðinni í samvinnu við Rafdreifingu ehf

Gísli á Meðalfelli fylgist spenntur með.

Hér má sjá

fremsta hluta

djúpdælunnar 

á leið niður.

Christian og efsti

hluti djúpdælunnar

(mótorinn).

   Kjartan fer yfir málin með Sören
   og sýnir varadæluna.
meira...